نئی  دلّی ، 24 جولائی/ بھارت میں کووڈ – 19 ٹیکہ کاری کی مجموعی تعداد 42.78 کروڑ سے زیادہ ہو گئی ہے ۔ مجموعی طور پر  آج  صبح 7 بجے تک موصولہ عبوری  رپورٹ کے مطابق  5234188 اجلاس کے ذریعے  کل 427882261   ٹیکے لگائے جا چکے ہیں  ۔  پچھلے 24 گھنٹے کے دوران 4267799  ٹیکے لگائے گئے ۔

         اس میں مندرجہ ذیل شامل ہیں :

            کووڈ – 19 ویکسین سبھی کو لگانے کا  نیا مرحلہ 21 جون ، 2021 ء کو شروع ہوا ہے ۔ مرکزی حکومت   ٹیکہ کاری کی رفتار کو بڑھانے اور پورے ملک میں ، اِس کے دائرے کو وسیع کرنے کے لئے عہد بستہ ہے ۔

وباء کےآغاز کے بعد سے  وباء سے متاثر ہونے والے افراد  میں اب تک 30503166 افراد کووڈ – 19 سے صحت یاب ہو چکے ہیں اور پچھلے 24 گھنٹے میں  35087  مریض صحت یاب ہوئے ہیں ۔ اس طرح صحت یابی کی مجموعی شرح 97.35 فی صد ہو گئی ہے ۔

پچھلے 24 گھنٹے میں بھارت  میں یومیہ نئے مریضوں کی تعداد 39097 درج کی گئی ہے ۔

یومیہ نئے مریضوں کی تعداد  پچھلے 27 دنوں سے مسلسل 50000 سے کم ہے اور یہ مرکز اور ریاستی حکومتوں / یو ٹی کی مشترکہ کوششوں کا نتیجہ ہے ۔

بھارت میں  آج زیر علاج مریضوں کی  تعداد 408977 ہے ، جو  ملک میں وباء سے متاثرہ افراد کا  1.31 فی صد ہے ۔

            پورے ملک میں ٹسٹ کرنے کی صلاحیت میں قابلِ قدر اضافے کے ساتھ پچھلے 24 گھنٹے کے دوران کل 1631266  ٹسٹ  کئے گئے۔ اب تک  بھارت میں مجموعی طور پر  45.45  کروڑ (454570811  ) ٹسٹ کئے جا چکے ہیں ۔ 

          ایسے میں ، جب کہ  پورے ملک میں  ٹسٹ کرنے کی صلاحیت میں اضافہ کیا گیا ہے ،  جانچ میں مثبت  پائے جانے والوں  کی ہفتہ وار تعداد میں مسلسل کمی آ رہی ہے ۔  سردست ، مثبت پائے جانے والی  ہفتہ وار شرح  2.22  فی صد ہے ، جب کہ مثبت پائے جانے والے ٹسٹ کی یومیہ شرح آج  2.40  فی صد رہی ۔ یہ شرح اب مسلسل 33 ویں دن بھی 3  فی صد سے کم رہی ہے  اور مسلسل 47 ویں دن 5 فی صد سے کم رہی ہے ۔

۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔۔۔ ۔ ۔ ۔۔ ۔ ۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔ ۔ ۔۔۔۔۔۔۔۔۔۔۔۔۔ ۔ ۔ ۔ ۔

( ش ح ۔ و ا ۔ ع ا  )

U.No. 6952