· ਹਿਮਾਲਿਆ ਪਹਾੜ ਰੇਂਜ ਵਿੱਚ ਫੌਜੀ ਸਕੀਂਗ ਐਕਸਪੀਡੀਸ਼ਨ ਕੀਤੀ ਗਈ ।

· ਲੱਦਾਖ ਦੇ ਕੋਰਾਕਰਮ ਪਾਸ ਤੋਂ ਉੱਤਰਾਖੰਡ ਮਲਾਰੀ ਤੱਕ 1,660 ਕਿਲੋਮੀਟਰ ਦਾ ਫਾਸਲਾ ਤੈਅ ਕੀਤਾ ।

· ਟੀਮ ਨੇ ਅੰਤਰਰਾਸ਼ਟਰੀ ਸੀਮਾ ਦੇ ਨਾਲ ਲਗਦੇ ਇੱਥੋਂ ਦੇ ਕਈ ਬੇਕਾਰ ਖੇਤਰਾਂ ਬਾਰੇ ਜਾਣਕਾਰੀ ਇਕੱਤਰ ਕੀਤੀ ।

· ਰਕਸ਼ਾ ਮੰਤਰੀ ਨੇ ਹਥਿਆਰਬੰਦ ਫੌਜਾਂ ਦੇ ਹੌਂਸਲੇ , ਸਮਰਪਣ ਅਤੇ ਭਾਵਨਾ ਦੀ ਪ੍ਰਸ਼ੰਸਾ ਕੀਤੀ ।

· ਦੇਸ਼ ਦੀ ਰੱਖਿਆ ਅਤੇ ਸੁਰੱਖਿਆ ਸੁਰੱਖਿਅਤ ਹੱਥਾਂ ਵਿੱਚ ਹੈ, ਕਿਹਾ ਰਕਸ਼ਾ ਮੰਤਰੀ ਨੇ ।

ਰਕਸ਼ਾ ਮੰਤਰੀ ਸ਼੍ਰੀ ਰਾਜਨਾਥ ਸਿੰਘ ਨੇ 23 ਜੁਲਾਈ 2021 ਨੂੰ ਨਵੀਂ ਦਿੱਲੀ ਵਿੱਚ ਇੰਡੀਅਨ ਆਰਮੀ ਸਕੀਂਗ ਐਕਸਪੀਡੀਸ਼ਨ ਏ ਆਰ ਐੱਮ ਈ ਐਕਸ — 21 ਨੂੰ ਫਲੈਗ ਇਨ ਕੀਤਾ । ਏ ਆਰ ਐੱਮ ਈ ਐਕਸ — 21 ਹਿਮਾਲਿਆ ਖੇਤਰ ਦੇ ਪਹਾੜੀ ਇਲਾਕਿਆਂ ਵਿੱਚ ਭਾਰਤੀ ਫੌਜ ਅਤੇ ਦੇਸ਼ ਦੀ ਸਾਹਸ ਗਤੀਵਿਧੀ ਨੂੰ ਉਤਸ਼ਾਹਿਤ ਕਰਨ ਲਈ ਕੀਤੀ ਗਈ ਐਕਸਪੀਡੀਸ਼ਨ ਨੂੰ 10 ਮਾਰਚ 2021 ਨੂੰ ਲੱਦਾਖ ਵਿੱਚ ਕੋਰਾਕਰਮ ਪਾਸ ਤੋਂ ਹਰੀ ਝੰਡੀ ਦੇ ਕੇ ਰਵਾਨਾ ਕੀਤਾ ਗਿਆ ਸੀ ਅਤੇ ਇਹ 119 ਦਿਨਾ ਵਿੱਚ 1,660 ਕਿਲੋਮੀਟਰ ਤੈਅ ਕਰਕੇ 06 ਜੁਲਾਈ 2021 ਨੂੰ ਉੱਤਰਾਖੰਡ ਦੇ ਮਲਾਰੀ ਵਿਖੇ ਸਮਾਪਤ ਹੋਈ । ਐਕਸਪੀਡੀਸ਼ਨ ਦੌਰਾਨ ਟੀਮ ਨੇ ਦਰਿਆਵਾਂ, ਪਹਾੜੀਆਂ ਤੇ ਬਰਫ ਦੇ ਪਹਾੜਾਂ 5,000 ਤੋਂ 6,000 ਐੱਮ ਦੇ ਕਈ ਰਸਤਿਆਂ ਰਾਹੀਂ ਯਾਤਰਾ ਕੀਤੀ । ਟੀਮ ਨੇ ਦੂਰ ਦੁਰਾਡੇ ਖੇਤਰਾਂ ਵਿੱਚ ਸਥਾਨਕ ਵਸੋਂ ਨਾਲ ਵੀ ਗੱਲਬਾਤ ਕੀਤੀ ਅਤੇ ਇਸ ਨੇ ਦੇਸ਼ ਦੇ ਅੰਦਰੂਨੀ ਅਤੇ ਅੰਤਰਰਾਸ਼ਟਰੀ ਸਰਹੱਦ ਦੇ ਨਾਲ ਉੱਥੋਂ ਦੇ ਕਈ ਬੇਕਾਰ ਖੇਤਰਾਂ ਬਾਰੇ ਵਿਸਥਾਰਿਤ ਜਾਣਕਾਰੀ ਇਕੱਠੀ ਕੀਤੀ ।

ਰਕਸ਼ਾ ਮੰਤਰੀ ਸ਼੍ਰੀ ਰਾਜਨਾਥ ਸਿੰਘ 23 ਜੁਲਾਈ 2021 ਨੂੰ ਨਵੀਂ ਦਿੱਲੀ ਵਿੱਚ ਇੰਡੀਅਨ ਆਰਮੀ ਸਕੀਂਗ ਐਕਸਪੀਡੀਸ਼ਨ , ਏ ਆਰ ਐੱਮ ਈ ਐਕਸ — 21 ਦੇ ਫਲੈਗ ਇਨ ਸਮਾਗਮ ਦੌਰਾਨ


ਇਸ ਮੌਕੇ ਤੇ ਬੋਲਦਿਆਂ ਸ਼੍ਰੀ ਰਾਜਨਾਥ ਸਿੰਘ ਨੇ ਟੀਮ ਨੂੰ ਚੁਣੌਤੀ ਭਰੀ ਐਕਸਪੀਡੀਸ਼ਨ ਨੂੰ ਸਫਲਤਾਪੂਰਵਕ ਮੁਕੰਮਲ ਕਰਨ ਤੇ ਵਧਾਈ ਦਿੱਤੀ ਅਤੇ ਉਹਨਾਂ ਦੇ ਹੌਂਸਲੇ ਅਤੇ ਲਚਕੀਲੇਪਣ ਦੀ ਪ੍ਰਸ਼ੰਸਾ ਕੀਤੀ । ਐਕਸਪੀਡੀਸ਼ਨ ਨੂੰ ਗੈਰ ਨੋਰਮਲ ਦੱਸਦਿਆਂ ਉਹਨਾਂ ਕਿਹਾ ਕਿ ਟੀਮ ਨੇ ਇੱਕ ਉਤਸ਼ਾਹ ਜਨਕ ਸਫਰ ਹੀ ਮੁਕੰਮਲ ਨਹੀਂ ਕੀਤਾ , ਬਲਕਿ ਖਿੱਤੇ ਦੀ ਸੰਚਾਲਨ ਕਾਰਵਾਈ ਵੀ ਕੀਤੀ ।


ਰਕਸ਼ਾ ਮੰਤਰੀ ਸ਼੍ਰੀ ਰਾਜਨਾਥ ਸਿੰਘ 23 ਜੁਲਾਈ 2021 ਨੂੰ ਨਵੀਂ ਦਿੱਲੀ ਵਿੱਚ ਇੰਡੀਅਨ ਆਰਮੀ ਸਕੀਂਗ ਐਕਸਪੀਡੀਸ਼ਨ ਏ ਆਰ ਐੱਮ ਈ ਐਕਸ—21 ਫਲੈਗ ਇਨ ਦੌਰਾਨ ਇਕੱਠ ਨੂੰ ਸੰਬੋਧਨ ਕਰਦੇ ਹੋਏ ।

ਰਕਸ਼ਾ ਮੰਤਰੀ ਨੇ ਹਥਿਆਰਬੰਦ ਫੌਜਾਂ ਦੇ ਹੌਂਸਲੇ , ਸਮਰਪਣ ਅਤੇ ਭਾਵਨਾ ਦੀ ਸ਼ਲਾਘਾ ਕੀਤੀ ਅਤੇ ਤਸੱਲੀ ਪ੍ਰਗਟ ਕੀਤੀ ਕਿ ਦੇਸ਼ ਦੀ ਰੱਖਿਆ ਤੇ ਸੁਰੱਖਿਆ ਸੁਰੱਖਿਅਤ ਹੱਥਾਂ ਵਿੱਚ ਹੈ । ਉਹਨਾਂ ਨੇ ਵਿਸ਼ਵਾਸ ਪ੍ਰਗਟ ਕੀਤਾ ਕਿ ਏ ਆਰ ਐੱਮ ਈ ਐੱਕਸ — 21 ਦੀ ਸਫਲਤਾ ਦੇਸ਼ ਭਰ ਵਿੱਚ ਸਾਹਸੀ ਲੋਕਾਂ ਦੀ ਨਵੀਂ ਪੀੜ੍ਹੀ ਨੂੰ ਪ੍ਰੇਰਿਤ ਕਰੇਗੀ ।
ਟੀਮ ਦੇ ਨੇਤਾ ਮੇਜਰ ਏ ਕੇ ਸਿੰਘ ਨੇ ਟੀਮ ਦੇ ਤਜ਼ਰਬਿਆਂ ਨੂੰ ਸਾਂਝੇ ਕਰਦਿਆਂ ਕਿਹਾ ਕਿ ਕਈ ਅਜਿਹੇ ਮੌਕੇ ਸਨ ਜਦੋਂ ਉਹਨਾਂ ਦੇ ਸੰਕਲਪ ਦਾ ਪ੍ਰੀਖਣ ਸੀ । ਟੀਮ ਲਈ ਸਭ ਤੋਂ ਮੁਸ਼ਕਲ ਪਲਾਂ ਵਿੱਚੋਂ ਇੱਕ ਉਹ ਸੀ, ਜਦੋਂ ਟੀਮ ਨੂੰ ਗੜਵਾਲ ਵਿੱਚ ਕਲਿੰਦੀ ਖਾਲ ਪਾਰ ਕਰਨਾ ਪਿਆ । ਉਹਨਾਂ ਕਿਹਾ ਕਿ ਬਰਫੀਲੀਆਂ ਹਾਲਤਾਂ ਕਰਕੇ ਟੀਮ ਨੂੰ 5,500 ਐੱਮ ਦੀ ਉਚਾਈ ਤੇ ਕੈਂਪ ਸਥਾਪਿਤ ਕਰਨਾ ਪਿਆ ਸੀ । ਟੀਮ ਦੇ ਆਗੂ ਨੇ ਦੂਰ ਦੁਰਾਡੇ ਖੇਤਰਾਂ ਵਿੱਚ ਰਹਿੰਦੀ ਸਿਵਲ ਵਸੋਂ ਨਾਲ ਸੰਵਾਦ ਨੂੰ ਇੱਕ ਤਰੋ ਤਾਜ਼ਾ ਤਜ਼ਰਬਾ ਕਰਾਰ ਦਿੱਤਾ । ਉਹਨਾਂ ਦੀ ਸਾਦਗੀ ਅਤੇ ਮਦਦ ਕਰਨ ਵਾਲਾ ਰਵੱਈਆ ਦਿਲ ਨੂੰ ਪਿਆਰ ਕਰਨ ਵਾਲਾ ਸੀ । ਉਹਨਾਂ ਨੇ ਕਿਹਾ ਕਿ ਇਹ ਮੁਹਿੰਮ ਸਰਹੱਦੀ ਲੋਕਾਂ ਨੂੰ ਨੇੜੇ ਲਿਆਉਣ ਦੀ ਜ਼ਰੂਰਤ ਸੀ ਅਤੇ ਲੋੜ ਪੈਣ ਤੇ ਉਹਨਾਂ ਤੱਕ ਪਹੁੰਚਣ ਲਈ ਭਾਰਤੀ ਫੌਜ ਦੀ ਯੋਗਤਾ ਅਤੇ ਉਹਨਾਂ ਦੇ ਵਿਸ਼ਵਾਸ ਨੂੰ ਮਜ਼ਬੂਤ ਕਰਦੀ ਹੈ ।


ਰਕਸ਼ਾ ਮੰਤਰੀ ਸ਼੍ਰੀ ਰਾਜਨਾਥ ਸਿੰਘ ਨੂੰ ਮੇਜਰ ਏ ਕੇ ਸਿੰਘ ਟੀਮ ਦੇ ਨੇਤਾ ਏ ਆਰ ਐੱਮ ਈ ਐਕਸ — 21 , 23 ਜੁਲਾਈ 2021 ਨੂੰ ਨਵੀਂ ਦਿੱਲੀ ਵਿੱਚ ਸੰਖੇਪ ਜਾਣਕਾਰੀ ਦਿੰਦੇ ਹੋਏ

ਟੀਮ ਦੇ ਮੈਂਬਰਾਂ ਨੇ ਦੱਸਿਆ ਕਿ ਕਿਵੇਂ ਉੱਚੇ ਪਹਾੜਾਂ ਵਿੱਚ ਲੰਬੀ ਦੂਰੀ ਨੂੰ ਪਾਰ ਕਰਨਾ ਸਿਖਰਾਂ ਦੇ ਸਕੇਲਿੰਗ ਤੋਂ ਵੱਖਰਾ ਹੈ , ਜੋ ਪਹਾੜਾਂ ਵਿੱਚ ਸਾਹਸੀ ਸਰਗਰਮੀ ਦਾ ਜ਼ਿਆਦਾਤਰ ਆਮ ਰੂਪ ਹੈ । ਉਹਨਾਂ ਨੇ ਕਿਹਾ ਕਿ ਉਚਾਈ ਕਿਸੇ ਵੀ ਹੋਰ ਗਤੀਵਿਧੀ ਵਾਂਗ ਤੁਹਾਡੇ ਬਰਦਾਸ਼ਤਪੁਣੇ ਦਾ ਪ੍ਰੀਖਣ ਕਰ ਸਕਦੀ ਹੈ । ਸਿ਼ਖਰ ਦੀਆਂ ਉਚਾਈਆਂ ਤੋਂ ਅਲੱਗ ਜਿੱਥੇ ਟੀਮ ਦਾ ਇੱਕ ਬਹੁਤ ਛੋਟਾ ਹਿੱਸਾ ਅਸਲ ਵਿੱਚ ਚੋਟੀ ਨੂੰ ਸਰ ਕਰਦਾ ਹੈ । ਲੰਬੀ ਦੂਰੀ ਦੀਆਂ ਉਚਾਈਆਂ ਵਿੱਚ ਪੂਰੀ ਟੀਮ ਨੇ ਐਡਵੈਂਚਰ ਗਤੀਵਿਧੀ ਨੂੰ ਮੁਕਮੰਲ ਕੀਤਾ । ਟੀਮ ਨੇ ਜ਼ੋਰ ਦੇ ਕੇ ਕਿਹਾ ਕਿ ਟੀਮ ਭਾਵਨਾ ਇਸ ਦੀ ਕੂੰਜੀ ਹੈ ।
ਟੀਮ ਮੈਂਬਰਾਂ ਨੇ ਰਕਸ਼ਾ ਮੰਤਰੀ ਨੂੰ ਦੱਸਿਆ ਕਿ ਉਹ ਸਕੀਂਗ ਦੀ ਵਰਤੋਂ ਕਰਕੇ ਕਿਵੇਂ ਲੰਬੀਆਂ ਦੂਰੀਆਂ ਨੂੰ ਕਵਰ ਕਰਨ ਯੋਗ ਹੋਏ । ਇੱਕ ਮੌਕੇ ਉਹਨਾਂ ਨੇ ਇੱਕ ਦਿਨ ਵਿੱਚ 66 ਕਿਲੋਮੀਟਰ ਕਵਰ ਕੀਤਾ ਜਦ ਲਮਖਾਗਾ ਪਾਸ ਨੂੰ ਕਰਾਸ ਕਰ ਰਹੇ ਸਨ , ਜੋ ਉਹਨਾਂ ਵੱਲੋਂ ਪੂਰੀ ਐਕਸਪੀਡੀਸ਼ਨ ਦੌਰਾਨ ਇੱਕ ਦਿਨ ਵਿੱਚ ਕਵਰ ਕਰਨ ਵਾਲੀ ਸਭ ਤੋਂ ਲੰਬੀ ਦੂਰੀ ਸੀ ।
ਸ਼੍ਰੀ ਰਾਜਨਾਥ ਸਿੰਘ ਨੇ ਇਸ ਮੌਕੇ ਏ ਆਰ ਐੱਮ ਈ ਐਕਸ — 21 ਦੇ ਟੀਮ ਮੈਂਬਰਾਂ ਦਾ ਸਨਮਾਨ ਵੀ ਕੀਤਾ ।


ਰਕਸ਼ਾ ਮੰਤਰੀ ਸ਼੍ਰੀ ਰਾਜਨਾਥ ਸਿੰਘ ਇੰਡੀਅਨ ਆਰਮੀ ਸਕੀਂਗ ਐਕਸਪੀਡੀਸ਼ਨ ਏ ਆਰ ਐੱਮ ਈ ਐਕਸ — 21 ਦਾ ਨਵੀਂ ਦਿੱਲੀ ਵਿੱਚ 23 ਜੁਲਾਈ 2021 ਨੂੰ ਸਨਮਾਨ ਕਰਦੇ ਹੋਏ ।

ਫੌਜ ਦੇ ਮੁਖੀ ਜਨਰਲ ਐੱਮ ਐੱਮ ਨਰਵਣੇ ਅਤੇ ਭਾਰਤੀ ਫੌਜ ਦੇ ਸੀਨੀਅਰ ਅਧਿਕਾਰੀ ਵੀ ਫਲੈਗ—ਇਨ ਸਮਾਗਮ ਦੌਰਾਨ ਹਾਜ਼ਰ ਸਨ ।


ਰਕਸ਼ਾ ਮੰਤਰੀ ਰਾਜਨਾਥ ਸਿੰਘ 23 ਜੁਲਾਈ 2021 ਨੂੰ ਦਿੱਲੀ ਵਿੱਚ ਫਲੈਗ ਇਨ ਸਮਾਗਮ ਦੌਰਾਨ ਇੰਡੀਅਨ ਆਰਮੀ ਸਕੀਂਗ ਐਕਸਪੀਡੀਸ਼ਨ ਏ ਆਰ ਐੱਮ ਈ ਐੱਕਸ —21 ਦੀ ਟੀਮ ਦੇ ਨਾਲ ਨਜ਼ਰ ਆ ਰਹੇ ਹਨ । ਫੌਜ ਦੇ ਮੁਖੀ ਐੱਮ ਐੱਮ ਨਰਵਣੇ ਵੀ ਨਜ਼ਰ ਆ ਰਹੇ ਹਨ ।

********

ਐੱਸ ਸੀ / ਵੀ ਬੀ ਵਾਈ