দা. প্রভীন কুমার, দিরেক্তর, দিপার্তমেন্ত ওফ পেদিএত্রিক্স, লেদী হরদিঞ্জ মেদিকেল কোলেজ, নই দিল্লীনা কোবিদ-১৯না অঙাংশিংদা পীবা শাফু, মখোয়বু ঙাকশেনবগী মথৌ তাবা অমসুং মীরোনবী নুপী অমদি খোমজিংলিবী মমাশিং তীকা থাদোকপা য়াওনা তোঙান তোঙানবা হীরমশিংগী মতাংদা ফোঙদোকখ্রে।

লাইচৎ অসিনা করম্না অঙাংশিংগী পুক্নীং ৱাখল অমসুং হকচাংগী ফীভমদা শোকহনবগে? মসিনা মতম শাংনা পীবা শাফু অসি হন্থহন্নবা করি তৌবা মথৌ তাবগে?

লাইচৎ অসিনা অঙাংশিংগী পুক্নীং ৱাখল অমসুং হকচাংগী ফীভমদা শাথিনা শোকহনবা য়াই। মখোয় চহি অমা হেন্না য়ুমদগী হেন্দোক্তনা লৈরকখি। মসিগী মথক্তা ইমুং-মনুংদা অনা অয়েকশিং য়াওরকপা, মমা-মপাগী খুৎশুমল ফংলক্তবা অসিনা ৱাখল ৱাবা হেনগৎহনখি। অঙাংশিংদা সাইকোলোজিকেল দিস্ত্রেস (ৱাখল নুংঙাইতবা) অসি তোখাইবা মওং অমদা উৎথোরকপা য়াই, অঙাং-অঙাংগী ওইনা তোঙাল্লি। খরা অমনা তুমিন্না লৈবা য়াই অমরোমদা অতৈনা অশাউবা অমসুং হেন্না ফিংগৎপা য়াই।

মখোয়বু য়েংশিনবীরিবশিংনা অঙাংশিং লোইনবদা পুক্নীং ফাথবীবা মথৌ তাই অমসুং মখোয়গী পুক্নীং-ইহুলশিং খঙবীবা তাই। অপীকপা অঙাংশিংদা ৱাখল ৱাবগী খুদম-চাংদমশিং উৎলকপরা হায়না য়েংবীয়ু, কা হেন্না ৱাবা নত্ত্রগা ৱাখল নুংঙাইতবা, নীংথিনা চাদবা নত্ত্রগা তুমদবগী হৈনবীশিং লাকপা, অমসুং পুক্নীং চংবা ৱাৎলকপা হায়রিবশিং অসি ওইবা য়াই। ইমুং-মনুংশিংনা ৱাখল ৱাবা অসি থেংনবা ঙম্নবা অঙাংশিংবু থৌগৎপীবা অমসুং মখোয়গী খোইরাং-খোইশাউনবা হন্থহন্নবা হোৎনবীবসু মথৌ তাই।

অদোমগী ৱাখল্লোন্দা তুংদা থোরকপা য়াবা ৱেবনা অঙাংশিংদা হেন্না শোকহনগনি খনবরা? লৈবাক অসিনা পেদিএত্রিক পেসেন্তশিংদা ক্বালিতী কিয়র পীবগা মরী লৈননা তুংদা থোরকপা য়াবা কোবিদ-১৯গী ৱেব অমা হেক্তা থেংননবা করম্না শেম-শাবা মথৌ তাবগে?

ঐহোয় পুম্নমক্না খঙলে মদুদি কোবিদ-১৯ অসি অনৌবা ভাইরস অমনি মসি ম্যুতেৎ তৌবগী মতিক-ময়াই চেল্লী। তুংদা থোরক্কদবা ৱেবশিংনা অঙাংশিংদা হেন্না শোকহনগদ্রা নত্ত্রগা শাথিবগী চাং হেনগৎলক্কদ্রা হায়বা অসি ৱাখলনা শাগৎপা ঙাক্তনি। মীয়াম্না তুংদা থোরক্কদবা ৱেবশিংনা অঙাংশিংদা হেন্না শোকহনগনি হায়না খন্নরি মরমদি অহল অয়াম্বদি লাক্কদৌরিবা থা খরা অসিদা তীকা থাদোকখ্রগনি অমরোমদনা মতাং অসিদা অঙাংশিংগী ওইনা অয়াবা পীরবা ভেক্সিন অমত্তা ঐখোয়দা লৈতে।

মদু ওইরবসু ঐখোয়না ভাইরস অসিনা করম্না তৌরক্কনি অমদি তুংদা অঙাংশিংদা করম্না শোকহল্লকনি হায়বা ঙমদে, ঐখোয়গী অঙাংশিংবু লাইচৎ অসিদগী ঐখোয়না ঙাকথোকপা মথৌ তাই। য়ুমদা লৈরিবা অহলশিংনা কোবিদকা চুনবা চৎনা লোনচৎ ঙাক্না চৎপা তাই অমসুং লাইনা অসি মখোয়না পুশিল্লক্তুবা অতোপ্পা মীওইশিংদা শন্দোকপগী ওইথোকপশিং লৈবনা মসি হন্থহন্নবা মখোয়না মীয়ামগা পুনবা হন্থহনবা তাই। মসিগী মথক্তা অহল পুম্নমক্না তীকা থাদোক্কদবনি মসিনা অঙাংশিংবু ঙাকশেনবদা চাউনা কান্নবসু পুরক্কনি।

অমসুং হৌজিক্তি মীরোনবী নুপী অমদি খোমজিংলিবী মমাশিংগী ওইনসু ভেক্সিন ফংলে। মসিনা পুকনুংদা লৈরিবা ফীতস অমদি নৌনা পোকপদা ঙাইরিবা অঙাংশিংবু তমথিরবা লাইনা অসিদগী খরা মখৈদা ওইরবসু ঙাকথোকপা ঙমহনগনি।

কোবিদ-১৯গী অনিশুবা ৱেব অসিনা করম্না অঙাংশিংদা শোকহনখিবগে?

অনিশুবা ৱেব অসিনা অঙাংশিংদসু চপ-মান্ননা শোকহনখি। কোবিদ-১৯ অসি অনৌবা ভাইরস অমনি অমসুং মসিনা চহি কাংলুপ খুদিংমক্তা শোকহল্লি মরমদি ঐখোয়দা ভাইরস অসি ঙাকথোকচনবা নেচরেল ইম্ম্যুনিতী য়াওদে। এন.সি.দি.সি./আই.দি.এস.পি.গী দেশবোর্দকী মতুং ইন্না কোবিদনা নারবশিংগী মনুংদা চাউরাক্না চাদা ১২দি চহি ২০গী মখাদা লৈবা অনাবশিংনা ওইখি।

নৌনা পাঙথোকপা সর্ভেশিংনসু অঙাংশিং অমদি অহলশিংদা সেরোপোজিতিবিতী চপ-মান্ননা উৎখি। অদুম ওইনমক, অনিশুবা ৱেব অসিদা মীওই মশিং য়াম্না নারকখিবনা মরম ওইরগা অঙাংশিংগী ওইনসু নাবগী মশিং অসি অহানবা ৱেবকা য়েংনবদা হেন্না য়ামখি। হৌজিক ফাওবদা অঙাংশিংগী ওইনদি শীবগী চাং অসি অহলশিংগা য়েংনবদা নেম্মি অমসুং মসি অয়াম্বনা কোমোরবিদিতীশিংগা লোইনবা অঙাংশিংদনা হেন্না উবা ফংই।

অদোম্না পেদিএত্রিক পেসেন্তশিং, মরু ওইনা হোস্পিতেলাইকেসন মথৌ তাবশিংগী ওইনা লায়েং চত্থবদা থেংনখিবা খুদোংচাদাবশিং অদু করি-করিনো?

অয়াম্বনা ঐখোয়না কোবিদনা নারবা অঙাংশিংগীদমক্তা দেদিকেতেদ বেদশিংগী মশিং হেনগৎহন্দুনা অঙাংশিং য়েংশিনবা ঙমখি। অদুম ওইনমক অনিশুবা ৱেবকী পীক মনুংদা মকোক থোংবা দোক্তর, রেসিদেন্ত দোক্তর, স্তাফ নর্স অয়াম্বনা পোজিতিব ওইরকপনা খুদোংচাদবা খরা মায়োক্নখি। ঐখোয়না অনিশুবা ৱেবকী পীক মনুংদা রেফরেল পুম্নমক চন্নবা হোৎনবদা খুদোংচাদবশিংসু মায়োক্নখি।

এম.আই.এস.-সি হায়বা অসি করিনো? কন্দিসন অসিগী মতাংদা, এম.আই.এস.-সি. কেস লায়েংবা মতমদা অদোম্না থেংনখিবা শীংনবশিং অদুগী মতাংদা শন্দোক্না হায়বীয়ু? করিগুম্বা অদোম্না মমা-মপাশিংনা মসিগী লায়েংগী মতাংদা এৱের ওইবা মথৌ তাই হায়না খনবরা?

মল্তিসিস্তেম ইনফ্লেমেতরী সীন্দ্রোম (এম.আই.এস.) অসি অঙাংশিং অমদি এদোলেস্তেন্তশিংদা (চহি ০-১৯) থেংনবা অনৌবা সীন্দ্রোম অমনি। মসি অয়াম্বা শোকহল্লবা পোপুলেসন অদুদা কোবিদ-১৯না নাবগী পীক্কী মতুং পেসেন্তশিংনা চয়োল অনিদগী তরুক্কী মতুংদা রিপোর্ত তৌরকই।

ক্লিনিকেল কোর্স মখল অহুম থোক্না তাকই: ইনফ্লেমেতরী পেরামিতরশিং ৱাংখৎলকগা লোইননা লাইহৌ লেপ্পা লৈতনা তৌবা, প্রজেন্তেসন অমসুং শোক অসিগুম্বা ক্লাসিকেল কেৱাসকী দিজিজ, ইনোত্রোপিক মথৌ তাবগা লোইননা এল.ভি. দাইফঙ্কসন। এম.আই.এস-সি. দাইগ্নোসিস তৌনবগীদমক্তা এদভান্স ইনভেস্তিগেসনশিং মথৌ তাই। চীংনবা কেস পুম্নমক রিফর তৌদুনা ঐচ.দি.য়ু./আই.সি.য়ু. ফেসিলিতী লৈবা তর্সরী কিয়র হোস্পিতাল্দা য়েংশিনগদবনি। করিগুম্বা ঙন্না খঙদোকপা ঙম্লবদি কেস পুম্নমক লায়েংবা ঙম্মি।

*****