ଭାରତର ସମୁଦାୟ ଟିକାକରଣ କଭରେଜ ୪୦ କୋଟି ମାଇଲଖୁଣ୍ଟ ଛୁଇଁବାକୁ ଯାଉଛି । ସକାଳ ୭ ସୁଦ୍ଧା ମିଳିଥିବା ଅସ୍ଥାୟୀ ରିପୋର୍ଟ ଅନୁଯାୟୀ ୫୦,୦୯,୯୧୪ ସେସନରେ ସମୁଦାୟ ୩୯,୯୬,୯୫,୮୭୯ ଟିକା ଡୋଜ ପ୍ରଦାନ କରାଯାଇଛି । ଗତ ୨୪ ଘଣ୍ଟାରେ ୪୨,୧୨,୫୫୭ ଟିକା ଡୋଜ ପ୍ରଦାନ କରାଯାଇଛି ।

ଜୁନ ୨୧, ୨୦୨୧ରୁ ସାର୍ବଜନୀନ କୋଭିଡ-୧୯ ଟିକାକରଣର ନୂତନ ପର୍ଯ୍ୟାୟ ଆରମ୍ଭ ହୋଇଥିଲା । କେନ୍ଦ୍ର ସରକାର ସାରା ଦେଶରେ କୋଭିଡ-୧୯ ଟିକାକରଣର ଗତି ଓ ସୁଯୋଗ ବୃଦ୍ଧି କରିବା ପାଇଁ ପ୍ରତିଶ୍ରୁତିବଦ୍ଧ ।

ମହାମାରୀ ଆରମ୍ଭ ଦିନରୁ ୩,୦୨,୨୭,୭୯୨ କୋଭିଡ- ୧୯ରୁ ଆରୋଗ୍ୟ ଲାଭ କରି ସାରିଲେଣି ଓ ଗତ ୨୪ ଘଣ୍ଟାରେ ୪୩,୯୧୬ ରୋଗୀ ସୁସ୍ଥ ହୋଇଛନ୍ତି । ସମୁଦାୟ ଆରୋଗ୍ୟ ହାର ୯୭.୩୧ ପ୍ରତିଶତ ରହିଛି, ଯାହା ନିରନ୍ତର ବର୍ଦ୍ଧିତ ହାରକୁ ଦର୍ଶାଉଛି ।

ଭାରତରେ ଗତ ୨୪ ଘଣ୍ଟାରେ ୩୮,୦୭୯ ନୂଆ ମାମଲା ଚିହ୍ନଟ ହୋଇଛି ।

ଲଗାତର ୨୨ ଦିନ ଧରି ଦୈନିକ ନୂଆ ମାମଲା ସଂଖ୍ୟା ୫୦,୦୦୦ରୁ କମ ରହିଛି । ଏହା କେନ୍ଦ୍ର ଓ ରାଜ୍ୟ/କେନ୍ଦ୍ରଶାସିତ ଅଞ୍ଚଳଗୁଡିକର ମିଳିତ ଓ ନିରନ୍ତର ପ୍ରୟାସର ପରିଣାମ ।

ଭାରତର ସକ୍ରିୟ ଆକ୍ରାନ୍ତ ସଂଖ୍ୟା ୪,୨୪,୦୨୫ ରହିଛି । ଯାହା ଦେଶର ସମୁଦାୟ ଆକ୍ରାନ୍ତ ସଂଖ୍ୟାର ୧.୩୬ ପ୍ରତିଶତ ।

ଦେଶରେ ପରୀକ୍ଷଣ କ୍ଷମତା ଆଖିଦୃଶିଆ ବୃଦ୍ଧି ପାଇଛି । ଗତ ୨୪ ଘଣ୍ଟାରେ ଦେଶରେ ସମୁଦାୟ ୧୯,୯୮,୭୧୫ ପରୀକ୍ଷଣ ହୋଇଛି । ସାମଗ୍ରିକ ଭାବେ ଭାରତରେ ଏପର୍ଯ୍ୟନ୍ତ ୪୪.୨୦ କୋଟିରୁ ଅଧିକ (୪୪,୨୦,୨୧,୯୫୪) କୋଭିଡ ପରୀକ୍ଷଣ ହୋଇ ସାରିଲାଣି ।

ଗୋଟିଏ ପଟେ ଦେଶରେ ପରୀକ୍ଷଣ କ୍ଷମତା ବୃଦ୍ଧି ପାଇଥିବା ବେଳେ ସାପ୍ତାହିକ ପଜିଟିଭ ହାରରେ କ୍ରମାଗତ ହ୍ରାସ ପରିଲକ୍ଷିତ ହେଉଛି । ଏବେ ସାପ୍ତାହିକ ପଜିଟିଭ ହାର ୨.୧୦% ଥିବା ବେଳେ ଦୈନିକ ପଜିଟିଭ ହାର ୧.୯୧% ରହିଛି । ଲଗାତର ୨୬ ଦିନ ଧରି ଦୈନିକ ପଜିଟିଭ ହାର ୩%ରୁ କମ୍ ରହିଛି ଓ ଲଗାତର ୪୦ଦିନ ଧରି ପଜିଟିଭ ହାର ୫ ପ୍ରତିଶତରୁ କମ ରହିଛି ।

SR