15.07.2021 నాటి గెజిట్ నోటిఫికేషన్ ద్వారా జల్ శక్తి మంత్రిత్వ శాఖ గోదావరి నది యాజమాన్య బోర్డ్, కృష్ణ నదీ యాజమాన్య బోర్డ్ అధికార పరిధిని నోటిఫై చేసింది.  ఇది రెండు బోర్డులకు అవసరమైన అధికారాలను రెండు రాష్ట్రాల్లోని గోదావరి, కృష్ణ నదులలో లిస్టెడ్ ప్రాజెక్టుల నిర్వహణ, నియంత్రణ, ఆపరేషన్ మరియు నిర్వహణ పరంగా అందిస్తుంది. . ఈ చర్య రెండు రాష్ట్రాల్లోని నీటి వనరులను న్యాయంగా ఉపయోగించుకునేలా చేస్తుంది.

ఆంధ్రప్రదేశ్ పునర్వ్యవస్థీకరణ చట్టం 2014 (ఎపిఆర్ఎ) లో ఆంధ్రప్రదేశ్, తెలంగాణ రాష్ట్రాల్లో నదీ జలాలను సమర్థవంతంగా నిర్వహించడానికి నిబంధనలు ఉన్నాయి. గోదావరి, కృష్ణా నదీ యాజమాన్యాల బోర్డుల రాజ్యాంగం, ఈ బోర్డుల పనితీరును పర్యవేక్షించడానికి ఒక అపెక్స్ కౌన్సిల్ ఏర్పాటు ఈ చట్టంలో పేర్కొన్నారు.  ఎపిఆర్ఎ, 2014 లోని సెక్షన్ 85 కింద ఉన్న అధికారాలను వినియోగించడంలో గోదావరి, కృష్ణ నదులపై కేంద్ర ప్రభుత్వం నోటిఫై చేసిన ప్రాజెక్టుల పరిపాలన, నియంత్రణ, నిర్వహణ మరియు కార్యకలాపాల కోసం 2014 జూన్ 2 నుండి అమలులోకి వచ్చే రెండు రివర్ మేనేజ్‌మెంట్ బోర్డులను కేంద్ర ప్రభుత్వం ఏర్పాటు చేసింది.

కేంద్ర జల్ శక్తి మంత్రి శ్రీ గజేంద్ర సింగ్ షేఖావత్ అధ్యక్షతన 2020 అక్టోబర్‌లో జరిగిన అపెక్స్ కౌన్సిల్ 2 వ సమావేశంలో, చాలా కాలంగా పెండింగ్ లో ఉన్న రెండు బోర్డుల అధికార పరిధి గుర్తించి ప్రస్తావన వచ్చింది. ఈ సమావేశంలో, జిఆర్ఎంబి, కేఆర్ఎంబి అధికార పరిధిని కేంద్ర ప్రభుత్వం నోటిఫై చేయాలని నిర్ణయించారు.

ఎపిఆర్ఎ, 2014 లోని సెక్షన్ 87 కింద ఉన్న నిబంధనలకు అనుగుణంగా, కేంద్ర ప్రభుత్వం రెండు గెజిట్ నోటిఫికేషన్లను జారీ చేసింది, ఒకటి  జిఆర్ఎంబి, అధికార పరిధికి, మరొకటి  కేఆర్ఎంబికి. ఆంధ్రప్రదేశ్ మరియు తెలంగాణ రాష్ట్రాల్లోగోదావరి మరియు కృష్ణ నదీ పరీవాహక ప్రాంతాలలో ప్రాజెక్టుల నిర్వహణ, నియంత్రణ, నిర్వహణ కోసం ఈ నోటిఫికేషన్ జారీ అయింది. 

రెండు బోర్డుల అధికార పరిధిని తెలియజేయడానికి కేంద్ర ప్రభుత్వం తీసుకున్న ఈ నిర్ణయం, రివర్ బోర్డులు తమ బాధ్యతలను  ఎపిఆర్ఎ , 2014 లో నిర్దేశించిన విధంగా పూర్తిస్థాయిలో నిర్వర్తించటానికి, రెండు రాష్ట్రాల్లో నీటి వనరుల నిర్వహణలో సామర్థ్యాన్ని తీసుకురావడానికి సుదీర్ఘ ప్రయాణం చేయాల్సి ఉంటుంది. రెండు రాష్ట్రాల ప్రజలకు సమానమైన ప్రయోజనం చేకూర్చడానికి రెండు బోర్డుల సజావుగా పనిచేయడంలో రెండు రాష్ట్ర ప్రభుత్వాల సహృద్భావ సహకారం, సహాయాన్ని కేంద్రం ఆశిస్తోంది.

Click here to see Gazette Notification

*****