ਕੇਂਦਰੀ ਰਸਾਇਣ ਅਤੇ ਖਾਦਾਂ ਬਾਰੇ ਮੰਤਰੀ ਸ਼੍ਰੀ ਮਨਸੁਖ ਮਾਂਡਵੀਯਾ ਨੇ ਖਾਦਾਂ ਵਿੱਚ ਭਾਰਤ ਨੂੰ ਆਤਮਨਿਰਭਰ ਬਣਾਉਣ ਲਈ ਅੱਜ ਖਾਦ ਵਿਭਾਗ ਦੀਆਂ ਪਹਿਲਕਦਮੀਆਂ ਦਾ ਜਾਇਜ਼ਾ ਲਿਆ । ਖਾਦ ਅਤੇ ਰਸਾਇਣ ਰਾਜ ਮੰਤਰੀ ਸ਼੍ਰੀ ਭਗਵੰਤ ਖੁਬਾ ਵੀ ਇਸ ਮੌਕੇ ਮੌਜੂਦ ਸਨ । ਖਾਦ ਵਿਭਾਗ ਦੇ ਸਕੱਤਰ ਸ਼੍ਰੀ ਆਰ ਕੇ ਚਤੁਰਵੇਦੀ ਅਤੇ ਮੰਤਰਾਲੇ ਦੇ ਸੀਨੀਅਰ ਅਧਿਕਾਰੀਆਂ ਨੇ ਵੀ ਮੀਟਿੰਗ ਵਿੱਚ ਸਿ਼ਰਕਤ ਕੀਤੀ । 



ਸ਼੍ਰੀ ਮਾਂਡਵੀਯਾ ਨੇ ਕਿਹਾ ਕਿ ਰਾਮਾਗੁੰਡਮ ਪਲਾਂਟ ਦੇ ਸ਼ੁਰੂ ਹੋਣ ਨਾਲ ਦੇਸ਼ ਵਿੱਚ 12.7 ਐੱਨ ਐੱਮ ਟੀ ਪੀ ਏ ਸਵਦੇਸ਼ੀ ਯੂਰੀਆ ਉਤਪਾਦਨ ਦਾ ਵਾਧਾ ਹੋਵੇਗਾ ਅਤੇ ਇਹ ਪ੍ਰਧਾਨ ਮੰਤਰੀ ਦੀ ਯੂਰੀਆ ਉਤਪਾਦਨ ਵਿੱਚ ਭਾਰਤ ਨੂੰ "ਆਤਮਨਿਰਭਰ" ਬਣਾਉਣ ਦੀ ਦ੍ਰਿਸ਼ਟੀ ਨੂੰ ਪੂਰਾ ਕਰਨ ਲਈ ਮਦਦ ਦੇਵੇਗਾ । ਪ੍ਰਾਜੈਕਟ ਕਿਸਾਨਾਂ ਨੂੰ ਉਪਲਬੱਧ ਕਰਵਾਈ ਜਾਣ ਵਾਲੀ ਖਾਦਾਂ ਵਿੱਚ ਸੁਧਾਰ ਹੀ ਨਹੀਂ ਕਰੇਗਾ ਬਲਕਿ ਬੁਨਿਆਦੀ ਢਾਂਚੇ ਦੇ ਵਿਕਾਸ ਜਿਵੇਂ ਸੜਕਾਂ , ਰੇਲਵੇ , ਐੱਨਸਿਲਰੀ ਉਦਯੋਗ ਆਦਿ ਸਮੇਤ ਖੇਤਰ ਵਿੱਚ ਅਰਥਚਾਰੇ ਨੂੰ ਹੁਲਾਰਾ ਵੀ ਦੇਵੇਗਾ ਤੇ ਨਾਲ ਨਾਲ ਦੇਸ਼ ਨੂੰ ਫੂਡ ਸੁਰੱਖਿਆ ਯਕੀਨੀ ਬਣਾਏਗਾ ।



ਮੰਤਰੀ ਨੇ ਇਹ ਵੀ ਦੱਸਿਆ ਕਿ ਸਰਕਾਰ ਵਿਕਲਪਿਕ ਖਾਦਾਂ ਦੀ ਵਰਤੋਂ ਨੂੰ ਉਤਸ਼ਾਹਿਤ ਕਰਨ ਲਈ ਮਾਰਕਿਟ ਵਿਕਾਸ ਸਹਾਇਤਾ ਨੀਤੀ ਨੂੰ ਉਦਾਰ ਬਣਾਉਣ ਦੀ ਯੋਜਨਾ ਬਣਾ ਰਹੀ ਹੈ । ਐੱਮ ਡੀ ਏ ਨੀਤੀ ਪਹਿਲਾਂ ਸ਼ਹਿਰੀ ਕੰਪੋਸਟ ਤੱਕ ਹੀ ਸੀਮਤ ਸੀ । ਇਸ ਨੀਤੀ ਨੂੰ ਵਧਾ ਕੇ ਜੈਵਿਕ ਰਹਿੰਦ ਖੂਹੰਦ ਜਿਵੇਂ — ਬਾਇਓਗੈਸ , ਹਰੀ ਖਾਦ , ਪੇਂਡੂ ਇਲਾਕਿਆਂ ਦੀ ਜੈਵਿਕ ਕੰਪੋਸਟ , ਠੋਸ ਅਤੇ ਤਰਲ ਗੰਦਗੀ ਨੂੰ ਸ਼ਾਮਲ ਕਰਕੇ ਵਿਸਥਾਰ ਕਰਨ ਲਈ ਮੰਗਾਂ ਆਈਆਂ ਹਨ । ਇਹ ਵਿਸਥਾਰ ਭਾਰਤ ਸਰਕਾਰ ਦੇ ਸਵੱਛ ਭਾਰਤ ਅਭਿਆਨ ਦੀ ਪੂਰੀ ਤਰ੍ਹਾਂ ਮਦਦ ਕਰੇਗਾ ।
ਮੰਤਰੀ ਨੇ ਦੁਰਗਾਪੁਰ ਵਿੱਚ 12.7 ਲੱਖ ਮੀਟ੍ਰਿਕ ਟਨ ਦੀ ਸਮਰੱਥਾ ਵਾਲੇ ਮੈਟਿਕਸ ਫਰਟੀਲਾਈਜ਼ਰਸ ਪਲਾਂਟ ਦੇ ਵੀ ਜਲਦੀ ਸ਼ੁਰੂ ਹੋਣ ਬਾਰੇ ਜਾਣੂ ਕਰਵਾਇਆ ।

*****************

ਐੱਸ ਐੱਸ / ਏ ਕੇ