ਏਅਰ ਮਾਰਸ਼ਲ ਵਿਵੇਕ ਰਾਮ ਚੌਧਰੀ ਪੀਵੀਐਸਐਮ ਏਵੀਐਸਐਮ ਵੀਐਮ ਨੇ 01 ਜੁਲਾਈ 21 ਨੂੰ ਏਅਰ ਸਟਾਫ ਦੇ ਉਪ-ਮੁੱਖੀ ਵੱਜੋਂ ਆਪਣਾ ਅਹੁਦਾ ਸੰਭਾਲ ਲਿਆ। ਏਅਰ ਮਾਰਸ਼ਲ ਨੂੰ 29 ਦਸੰਬਰ 82 ਨੂੰ ਆਈਏਐਫ ਦੀ ਫਾਈਟਰ ਸਟ੍ਰੀਮ ਵਿੱਚ ਕਮਿਸ਼ਨ ਦਿੱਤਾ ਗਿਆ ਸੀ। ਏਅਰ ਅਧਿਕਾਰੀ ਨੂੰ ਓਪਰੇਸ਼ਨ -ਮੇਘਦੂਤ ਅਤੇ ਓਪਰੇਸ਼ਨ-ਸਫੇਦ ਸਾਗਰ ਸਮੇਤ ਲੜਾਕੂ ਅਤੇ ਟ੍ਰੇਨਰ ਹਵਾਈ ਜਹਾਜ਼ ਉਡਾਉਣ ਦਾ 3800 ਤੋਂ ਵੱਧ ਘੰਟਿਆਂ ਦਾ ਤਜੁਰਬਾ ਹੈ।

ਉਹ ਨੈਸ਼ਨਲ ਡਿਫੈਂਸ ਅਕੈਡਮੀ ਅਤੇ ਡਿਫੈਂਸ ਸਰਵਿਸਿਜ਼ ਸਟਾਫ ਕਾਲਜ, ਵੈਲਿੰਗਟਨ ਦੇ ਸਾਬਕਾ ਵਿਦਿਆਰਥੀ ਹਨ।

ਆਈਏਐਫ ਵਿੱਚ ਆਪਣੇ ਸ਼ਾਨਦਾਰ ਕਰੀਅਰ ਦੇ ਦੌਰਾਨ, ਏਅਰ ਅਫਸਰ ਨੇ ਇੱਕ ਫਰੰਟਲਾਈਨ ਫਾਈਟਰ ਸਕੁਐਡਰਨ ਅਤੇ ਇੱਕ ਫਾਈਟਰ ਬੇਸ ਦੀ ਕਮਾਂਡ ਕੀਤੀ ਹੈ। ਏਅਰ ਵਾਈਸ ਮਾਰਸ਼ਲ ਵਜੋਂ, ਉਹ ਡਿਪਟੀ ਕਮਾਂਡੈਂਟ, ਏਅਰ ਫੋਰਸ ਅਕੈਡਮੀ, ਸਹਾਇਕ ਚੀਫ਼ ਆਫ਼ ਏਅਰ ਸਟਾਫ ਆਪ੍ਰੇਸ਼ਨਜ਼ (ਏਅਰ ਡਿਫੈਂਸ) ਅਤੇ ਅਸਿਸਟੈਂਟ ਚੀਫ ਆਫ਼ ਏਅਰ ਸਟਾਫ (ਪਰਸੋਨਲ ਅਧਿਕਾਰੀ) ਰਹਿ ਚੁੱਕੇ ਹਨ। ਉਨ੍ਹਾਂ ਨੇ ਪੂਰਬੀ ਏਅਰ ਕਮਾਂਡ ਵਿਖੇ ਏਅਰ ਹੈਡਕੁਆਰਟਰ ਵਿਖੇ ਏਅਰ ਸਟਾਫ ਦੇ ਡਿਪਟੀ ਚੀਫ਼ ਅਤੇ ਸੀਨੀਅਰ ਏਅਰ ਸਟਾਫ ਅਫਸਰ ਦੇ ਅਹੁਦਿਆਂ ਤੇ ਵੀ ਕੰਮ ਕੀਤਾ ਹੈ। ਮੌਜੂਦਾ ਅਹੁਦਾ ਸੰਭਾਲਣ ਤੋਂ ਪਹਿਲਾਂ ਉਹ ਵੈਸਟਰਨ ਏਅਰ ਕਮਾਂਡ ਦੇ ਚੀਫ ਏਅਰ ਅਫਸਰ ਕਮਾਂਡਿੰਗ-ਇਨ-ਚੀਫ਼ ਸਨ।

ਉਨ੍ਹਾਂ ਨੇ ਏਅਰ ਮਾਰਸ਼ਲ ਐਚਐਸ ਅਰੋੜਾ ਪੀਵੀਐਸਐਮ ਏਵੀਐਸਐਮ ਦੀ ਥਾਂ ਲਈ ਹੈ, ਜੋ 30 ਜੂਨ 21 ਨੂੰ 39 ਸਾਲਾਂ ਤੋਂ ਵੱਧ ਦੀ ਸ਼ਾਨਦਾਰ ਸੇਵਾ ਨਿਭਾਉਣ ਤੋਂ ਬਾਅਦ ਰਿਟਾਇਰ ਹੋਏ ਹਨ। ਵੀਸੀਏਐਸ ਦੇ ਆਪਣੇ ਕਾਰਜਕਾਲ ਦੌਰਾਨ, ਉਨ੍ਹਾਂ ਨੇ ਪੂਰਬੀ ਲੱਦਾਖ ਵਿੱਚ ਪੈਦਾ ਹੋਈ ਸਥਿਤੀ ਦੇ ਅਨੁਪਾਤੀ ਹੁੰਗਾਰੇ ਵਿੱਚ ਜਾਇਦਾਦਾਂ ਦੀ ਤੁਰੰਤ ਅਤੇ ਵੱਧ ਤੋਂ ਵੱਧ ਓਪ੍ਰੇਸ਼ਨਲ ਤਾਇਨਾਤੀ ਨੂੰ ਯਕੀਨੀ ਬਣਾਉਣ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਈ ਸੀ। ਉਨ੍ਹਾਂ ਦੀ ਅਗਵਾਈ ਹੇਠ, ਆਈਏਐਫ ਨੇ ਵੀ ਭਾਰਤ ਅਤੇ ਵਿਦੇਸ਼ਾਂ ਵਿੱਚ, ਐਚਏਡੀਆਰ ਅਤੇ ਕੋਵਿਡ ਨਾਲ ਜੁੜੇ ਵੱਖ ਵੱਖ ਕਾਰਜਾਂ ਵਿੱਚ ਪ੍ਰਭਾਵਸ਼ਾਲੀ ਢੰਗ ਨਾਲ ਯੋਗਦਾਨ ਪਾਇਆ ਸੀ।

ਇਸ ਮੌਕੇ ਏਅਰ ਮਾਰਸ਼ਲ ਨੂੰ ਏਅਰ ਹੈੱਡਕੁਆਰਟਰ ਵਿਖੇ ਰਸਮੀ ਗਾਰਡ ਆਫ਼ ਆਨਰ ਦਿੱਤਾ ਗਿਆ। ਉਨ੍ਹਾਂ ਨੇ ਨੈਸ਼ਨਲ ਵਾਰ ਮੈਮੋਰੀਅਲ ਵਿਖੇ ਫੁੱਲ ਮਾਲਾ ਚੜਾਉਣ ਦੀ ਰਸਮ ਵਿਚ ਵੀ ਹਿੱਸਾ ਲਿਆ।

************
 

ਏ ਬੀ ਬੀ /ਏ ਐਮ/ਏ ਐਸ/ਜੇ ਪੀ