প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলদা মথং শিৎনা ২০২০গী নভেম্বর ১৭ অমসুং ২০২১গী জনুৱারী ৪দা ভারতকী ইন্দিয়ন কাউন্সিল ওফ মেদিকেল রিসর্চ (আই.সি.এম.আর.) অমসুং নেপালগী নেপাল হেল্থ রিসর্চ কাউন্সিল (এন.ঐচ.আর.সি.)গী মরক্তা খুৎয়েক পীনখিবা মেমোরেন্দম ওফ অন্দরস্তেন্দিং (এম.ও.য়ু.) অমগী মতাংদা খঙহনখ্রে।

এম.ও.য়ু. অসিগী পান্দমদি ক্রোস-বোর্দরগী হেল্থ ইসুশিং, অয়ুর্বেদ/ত্রেদিস্নেল মেদিসিন অমসুং হীদাক্তা কান্নরবা পাম্বীশিং, অইং-অশাগী খলদা অহোংবা লাকপা অমসুং হকশেল, লৌনগনদবা লাইনাশিং, মেন্তেল হেল্থ, মীশিংদা য়ুম্ফম ওইবা কেন্সর রেজিস্ত্রী, ত্রোপিকেল দিজিজশিং (দেঙ্গী, চিকনগুনিয়া, মেলরিয়া, জে.ই. অসিগুম্বা ভেক্তর বোর্ন দিজিজশিং), ইনফ্লুয়েঞ্জা, ক্লিনিকেল ত্রাইএল রেজিস্ত্রী, হেল্থ রিসর্চ ইথিকশিং, লৌশিং, স্কিল তুলশিং অমসুং ফেল্লোশিং এক্সচেঞ্জ তৌবগী খুত্থাংদা কেপাসিতী বিল্দিং তৌবা, অমসুং হেল্থ রিসর্চকী মরী লৈনবা খুৎলাইশিং, গাইদলাইনশিং, প্রোতোকলশিং অমসুং খ্বাইদগী ফবা প্রেক্তিসশিং শিজিন্নদুনা কোল্লাবোরেসন তৌবা অসিগুম্বা নাকল অনিমক্কী কান্নবা পুরক্কদবা অপুনবা রিসর্চকী থবক-থৌরমশিংদা চুংশিন্নবা অসিনি।

এম.ও.য়ু. অসিগী মখাদা মখোয়গী লৈবাক্তা পাঙথোক্কদবা অয়াবা পীখ্রবা রিসর্চকী মচাকশিং অদু পার্তী খুদিংমক্না শেন্থং পীথগদবনি নত্ত্রগা থর্দ পার্তী ফন্দিংগীদমক পুন্না এপ্লাই তৌবা য়াই। অয়াবা পীখ্রবা কোল্লাবোরেতিব প্রোজেক্তশিং অসিগী মখাদা সাইন্তিস্তশিং এক্সচেঞ্জ তৌনবগীদমক থারিবা পার্তী অদুনা চৎলিবা সাইন্তিস্তশিং অদুগী ত্রাবেল তৌবগী শেনফম পুথোক্কদবনি অমরোমদা ওক্কদবা পার্তী অদুনা সাইন্তিস্ত/রিসর্চর অদুগী লৈফম চাফম অমসুং লৈবগী চাদিংশিং অদুসু পুথোক্কদবনি। মতম অদুদা ফংবা ফন্দশিগী মতুং ইন্না মতম মতমগী ওইনা ৱর্কশোপশিং/ঈফমশিং অমসুং রিসর্চ প্রোজেক্তশিংগী ফন্দ পীবগী ৱারেপ লৌগনি। থবক-থৌরম পুম্নমক অসি ইমপ্লিমেন্ত তৌনবা অমসুং পাঙথোক্নবা শিল-লাংবশিং অসি থবক-থৌরম অসি পাঙথোক্তিঙৈ মাংওইননা পার্তীশিংদগী অয়াবা লৌগদবনি।

*******