হকশেল অমসুং য়াইফ-য়ুম্বাল মন্ত্রালয়

কোবিদ-১৯ ভেক্সিনেসনগী অপদেৎ


ভেক্সিন দোজ কোতি ৩১.৬৯ হেন্না ভারত সরকারনা রাজ্যশিং/য়ু.তি.শিংদা ফংহনখ্রে

ভেক্সিন দোজ কোতি ১.১৫ হেন্না রাজ্যশিং/য়ু.তি.শিংদা শিজিন্ননবা লৈরি

Posted On: 28 JUN 2021 11:07AM by PIB Imphal

লৈবাক অসিদা কোবিদ-১৯ ভেক্সিন কাপ্পগী চাং হেনগৎননবা কেন্দ্র সরকারনা হোৎনরি৷ মীয়াম পুম্নমক্না কোবিদ-১৯ ভেক্সিন কাপ্নবগী অনৌবা ফেস অদু ২০২১গী জুন ২১দগী হৌখ্রে৷ ভেক্সিনশিং হেন্না-হেন্না ফংহন্দুনা, রাজ্য অমসুং য়ু.তি.শিংনা নিংথিনা প্লানিং তৌবা য়ানবা লৈরিবা ভেক্সিনগী চাং অদু মাংজৌননা খঙহন্দুনা অমসুং ভেক্সিন সপ্লাই চেন শেমদুনা ভেক্সিনেসন দ্রাইব চাং ৱাংনা পাংথোকখ্রে৷

নেসনৱাইদ ভেক্সিনেসন দ্রাইবকী শরুক ওইনা, কোবিদ ভেক্সিনশিং লেম্না শেল অমতা লৌদনা রাজ্যশিং অমসুং য়ু.তি.শিংদা ভারত সরকারনা ফংহন্দুনা মতেং পাংলি৷ মীয়াম পুম্নমক কোবিদ-১৯ ভেক্সিন কাপথোক্নবগী অনৌবা ফেস অসিদা, কেন্দ্র সরকারনা লৈবাক অসিদা লৈরিবা ভেক্সিন মেনুফেকচররশিংনা পুথেক্লিবা ভেক্সিন ৭৫% লৌশিল্লগনি অমসুং ভেক্সিনশিং অদু রাজ্যশিং অমসুং য়ু.তি.শিংদা লেম্না শেল অমতা লৌদনা সপ্লাই তৌরগনি৷

ঙসি ফাওবদা ভারত সরকারগী খুৎথাংদা(লেম্না য়েন্থোকপা) অমসুং দাইরেক্ত স্তেত প্রোক্যোরমেন্ত কেতিগোরীগী খুৎথাংদা ভারত সরকারনা রাজ্যশিং/য়ু.তি.শিং অসিদা ভেক্সিন দোজ কোতি ৩১.৬৯ হেন্না(৩১,৬৯,৪০,১৬০) ফংহনখ্রে৷

মসিগী মনুংদা, মাংখিবশিং য়াওনা পুন্না শিজিন্নখিবা দোজ মশিং অসি ৩০,৫৪,১৭,৬১৭নি(ঙসি অয়ুক পুং ৮দা ফংখিবা দাতাগী মতুং ইন্না)৷

হৌজিক হৌজিক রাজ্যশিং/য়ু.তি.শিং অসিদা ভেক্সিন দোজ কোতি ১.১৫ হেন্না(১,১৫,২২,৫৪৩) শিজিন্ননবা লৈরি৷

*****



(Release ID: 1731051) Visitor Counter : 179