কোবিদ-১৯গীদমক আই.আই.তি. দিল্লীনা শারিবা রেপিদ এন্তিজেন তেস্ত কিৎ অদু মহৈ-মশিংগী রাজ্যগী মন্ত্রী শ্রী সঞ্জে ধোত্রিনা ঙসি লোঞ্চ তৌখ্রে৷ আই.আই.তি. দিল্লী ইন্সতিত্যুত অসিগী সেন্তর ফোর বাইওমেদিকেল ইঞ্জিনিয়রিংদা প্রোফেসর ওইদুনা লৈরিবা দা. হর্পল সিংহনা লুচিংদুনা ইন্সতিত্যুত অসিগী রিসর্চরশিংনা রেপিদ এন্তিজেন তেস্ত কিৎ অসি শেমখিবনি৷

তেস্ত কিৎ লোঞ্চ তৌখিবা অসিদা আই.আই.তি. দিল্লী রিসর্চরশিং অমসুং মখোয়গী মেনুফেকচরিং পার্তনরশিংবু থাগৎলদুনা, এম.ও.এস. শ্রী সঞ্জে ধোত্রিনা অসুম্না ফোংদোকখ্রে, “মসিগী তেক্নোলোজী অসিনা লৈবাক অসিদা তৌরিবা কোবিদ তেস্ত অসিদা অওনবা অমা পুরক্লগনি হায়বসি ঐনা থাজৈ৷ আই.আই.তি. দিল্লীদা ফংলিবা ইন্তরনেল রিসোর্চশিং অসি শিজিন্নদুনা কিৎ অসি মপুং ফানা শেমগৎখিবনি হায়বসি খঙলকপদা ঐ ঙকপা ফাওজৈ৷”

শ্রী ধোত্রিনা রিসর্চরশিং প্রোফেসর হর্পল সিংহ অমসুং দা. দিনেশ কুমারবু থাগৎখ্রে অমসুং লাইনা-লাইচৎ অসি থেংনবদা লৈবাক অসিদা শাজবা পোত্থোকশিং অমসুং তেক্নোলোজীশিং শিজিন্নদুনা লৈবাক অসিনা অত্মনির্ভর ওইহন্নবা হোৎনবদা মতেং পাংবগীদমক আই.আই.তি. দিল্লীবু থাগৎখ্রে৷

তেস্ত কিৎশিং, ভেন্তিলেতরশিং শেমগৎলিবা অসি প্রমোত তৌরদুনা কোবিদ-১৯গী মতম অসিদা মমিং লৈরবা ইন্সতিত্যুসন কয়া অমনা হোৎনরিবশিং অসি শ্রী ধোত্রিনা থাগৎখ্রে৷ তেক্নোলোজীগী ফিল্দদা রিসর্চ অমসুং দিবলপমেন্ত হেন্না-হেন্না পাংথোক্ননবগীদমক আই.আই.তি. দিল্লীনা হোৎনরিবশিং অদু মহাক্না থাগৎখ্রে৷ প্রধান মন্ত্রী শ্রী নরেন্দ্র মোদীনা লুচিংবা সরকার অসিনা রিসর্চ, দিবলপমেন্ত অমসুং ইন্নোবেসনশিংগী খুৎথাংদা অত্মনির্ভর ফংনবা হোৎনবদা মীৎয়েং থম্লি হায়না মহাক্না ফোংদোকখ্রে৷ নেস্নেল এজুকেসন পোলিসী, নেস্নেল রিসর্চ ফাউন্দেসন অমসুং পি.এম. রিসর্চ ফেল্লোশিপকুম্বা ইন্সিয়েতিবশিংগী মতাংদা রিসর্চ পাংথোকপদা মীৎয়েং থম্বা অসিনা ঐখোয়গী লৈবাক অসিদা পাংথোক্লিবা রিসর্চকী ক্বালিতী হেনগৎহনবদা মখাতানা মতেং পাংলগনি৷ ৱেল্থ ক্রেসনদা তেক্নোলোজীনা য়াম্না মরু ওইবা থৌদাং লৌই৷ মতাং অসিদা আই.আই.আই.শিংনা য়াম্না মমিং লৈবা তেক্নোলোজী ইন্সতিত্যুসনশিং ওইরুবনা মরু ওইবা থৌদাং লৌরি৷

মমিং লৈরবা ইন্সতিত্যুতশিংদা মখোয় মখোয়গী কেম্পসশিংদা লৈরিবা রিসর্চ সেন্তরশিং অমসুং ইন্নোবেসন পার্কশিং অদু হেন্না বাইব্রেন্ত ওইহন্নবা অমসুং ইন্দস্ত্রী একাদেমিয়া লিঙ্কেজশিং এক্তিবেৎ তৌননবা মহাক্না মখাতানা হায়খ্রে৷ প্রজা মীয়ামগী মনুংদা সাইন্স অমসুং তেক্নোলোজীগী মতাংদা হেন্না খঙহন্নবগীদমক, প্রিন্ত অমসুং অতোপ্পা মেদিয়াদা হায়রিবা ইসুশিং অসিগী মতাংদা হেন্না-হেন্না ইননবা, প্রজা মীয়ামশিং লৌশিং লৈননবা ৱারোলশিং ফোংদোকপিনবা অমসুং মমিং লৈরবা সাইন্স ফিক্সন অমসুং নন-ফিক্সন রাইতিংগী ফিল্দদা কুপ্না য়েংশিন্নবা মহাক্না সাইন্তিস্তশিংদা হায়খ্রে৷ স্কুল মহৈরোইশিংনা সাইন্স অমসুং তেক্নোলোজীগী ফিল্দদা হেন্না চংশিনবা পাম্নবগী পুক্নিং থৌগৎননবগীদমক স্কুল মহৈরোইশিং অসিগা আই.আই.তি. প্রেফেসরশিং অসিগা চাং নাইনা উনহন্নবগীদমক মেকানিজমশিং শেমগৎকদবনি৷

থৌরম অসিদা ৱা ঙাংলদুনা, আই.আই.তি. দিল্লীগী দাইরেক্তর প্রোফেসর ভি. রামগোপাল রাউ অসুম্না ফোংদোকখ্রে, “আই.আই.তি.দিল্লীনা ২০২০গী জুলাই থাদা লুপা ৩৯৯ পীবা আর.তি. পি.সি.আর. কিৎ লোঞ্চ তৌখ্রে, মসিনা আর.তি. পি.সি.আর. তেস্ত তৌবগী মমল অসি হৌজিক লৈরিবা মমল অসি ওইহল্লকপদা মতেং পাংখি৷ ইন্সতিত্যুত অসিদা শেম্লিবা তেক্নোলোজীশিং অসি শিজিন্নদুনা, হৌজিক ফাওবদা, পি.পি.ই.কিৎ মিলিয়ন ৮ হেন্না সপ্লাই তৌখ্রে৷ মসিগী এন্তিজেন্দা বেজ তৌবা রেপিদ তেস্ত কিৎ অসি লোঞ্চ তৌরক্তুনা, খুঙ্গংগী মফমশিংদা লাইচৎ অসি য়াম্না লাইনা অমসুং শেল য়াম্না চংহন্দনা লাইয়েংবা ঙমহল্লগনি হায়না ঐখোয়না থাজৈ৷”

আই.সি.এম.আর.না সর্তিফাই তৌবগী মতুং ইন্না, তেক্নোলোজী অসিগী মরু ওইবা ফিচরশিং প্রোফেসর হর্পল সিংহনা পনখ্রে৷

১. সার্স-কোব-২ এন্তিজেনগী বিত্রো ক্বালিতেতিব দিতেক্সন তৌবা মতমদা মসিগী কিৎ অসি শিজিন্নৈ৷

২. সার্স-কোব-২ এজ রেপিদ তেস্ত অসি হ্যুমেন নাসল স্বাবশিং, থ্রোত স্বাবশিং অমসুং দীপ স্পুতম সেম্পলশিংদা সার্স-কোব-২ এন্তিজেন খঙদোক্ননবগী লৈরিবা কোলোইদেল গোল্দ এনহান্স দবল এন্তিবোদী সেন্দৱিচ ইম্ম্যুনোএসে অমনি৷ প্রজা মীয়াম কোবিদ-১৯ স্ক্রিনিং তৌনবা অমসুং লাইয়েংনবা মসিনা খ্বাইদগী চান্নবা ওই৷

৩. রেপিদ ইম্ম্যুন ক্রোমাতোগ্রাফিক মেথর্দ শিজিন্নদুনা নেসোফেরিঞ্জিএল স্বাবসা সার্স-কোব-২ কোরোনাভাইরস এন্তিজেনশিং ক্বালিতেতিবলী ওইনা দিতেক্ত তৌননবগীদমক ইনবেন্সন অসিনা ইন ভাইত্রো দাইয়েগ্নোস্তিক কিৎ অমা ওইননবা হোৎনৈ৷

৪. আইদেন্তিফিকেসন তৌরিবা অসি কোরোনা ভাইরস এন্তিজেনগী ওইনদি মোনোক্লোনেল এন্তিবোদীস স্পেসিফিক্তা বেজ তৌই৷

৫. ফংলিবা রিজল্তশিং অসি ক্বালিতেতিবলী বেজ তৌই অমসুং মীওইবগী মীৎনা য়েংদুনা হায়বা ঙম্বা য়াই৷

৬. সার্স-কোব-২ পোজিতিব স্পিসিমেননা অখন্নবা এন্তিবোদী এন্তিজেন কলর কঞ্জুগেৎ কমপ্লেক্স “(ঔ-সার্স-কোব-২-এব)-(সার্স-কোব-২-অগ)-(সার্স-কোব-২-এব)” শেমদুনা তেস্ত রিজন্দা ময়েক শেংবা কলর বেন্দ অমা পুথোকই৷ তেস্ত রিজল্তদা অসিগুম্বা কলর বেন্দ উদবা অদুনা রেগেতিব রিজল্ত তাকই৷

৭. সার্স-কোব-২ স্পিসিমেন য়াওবা য়াওদবা থিদনা প্রোসিদ্যুরেল কন্ত্রোল অমা ওইনা কন্ত্রোল রিজনদা মতম পুম্নমক্তা কলর বেন্দ অমা থোকই৷

৮. তেস্ত অসি সেন্সিতিবিতী -৯০%, স্পেসিফিসিতী-১০০% অমসুং একুরেসী-৯৮.৯৯% লৈদুনা আর্লী সি.তি. ভেল্যুশিংগী(১৪-৩২ ফাওবগী মনুংদা লৈরিবা সি.তি. ভেল্যুশিং) ওইনদি য়াম্না চান্নৈ অমসুং আই.সি.এম.আর.না সর্তিফাই তৌখ্রে৷ অসিগুম্বা তেস্ত কিৎশিংগী মরক্তগী খ্বাইদগী চুম্বা ভেল্যুশিং তাক্লিবা কিৎশিংগী মনুংদা মসিসু অমা ওই৷

৯. শিজিন্নরিবা  তেক্নোলোজী অমসুং মেনুফেকচর তৌরিবা অসি ১০০% ইন্দিজিনিয়র্স ওই৷

*****