భారతదేశంలో తయారైన జైడస్ కాడిల్లా ద్వారా ప్రపంచంలోనే మొట్టమొదటి డిఎన్‌ఎ- ప్లాస్మిడ్ వ్యాక్సిన్‌ను త్వరలో పొందబోతున్నాం. అలాగే బయోలాజికల్ ఇ - ప్రోటీన్ సబ్-యూనిట్ వ్యాక్సిన్‌ కూడా త్వరలో అందుబాటులోకి వస్తుందని భావిస్తున్నామని నేషనల్ టెక్నికల్ అడ్వైజరీ గ్రూప్ ఆన్ ఇమ్యునైజేషన్ (ఎన్‌టిఎజిఐ)కు చెంది కొవిడ్-19 వర్కింగ్ గ్రూప్ చైర్మన్ డాక్టర్ నరేంద్ర కుమార్ అరోరా తెలిపారు. ఈ వ్యాక్సిన్ల పరీక్షలు చాలా ప్రోత్సాహకరంగా ఉన్నాయని ఆయన తెలియజేశారు. "ఈ టీకా సెప్టెంబర్ నాటికి లభిస్తుందని మేము ఆశిస్తున్నాము. ఉష్ణోగ్రత 2 - 8 డిగ్రీ సెల్సియస్ వద్ద నిల్వ చేయగల భారతీయ ఎం-ఆర్‌ఎన్‌ఎ వ్యాక్సిన్ కూడా సెప్టెంబర్ నాటికి అందుబాటులో ఉండాలి. సీరం ఇన్స్టిట్యూట్ ఆఫ్ ఇండియా మరియు జాన్సన్ & జాన్సన్ తయారు చేసిన నోవావాక్స్ అనే మరో రెండు టీకాలు కూడా త్వరలో ఆశించవచ్చు. జూలై మూడవ వారం నాటికి భారత్ బయోటెక్ మరియు ఎస్ఐఐల ఉత్పత్తి సామర్థ్యం అసాధారణంగా పెరుగుతుంది. ఇది దేశంలో టీకా సరఫరాను మెరుగుపరుస్తుంది. ఆగస్టు నాటికి నెలలో 30-35 కోట్ల మోతాదులను సేకరించాలని మేము భావిస్తున్నాము ”.ఇది రోజుకు ఒక కోటి మందికి టీకాలు వేయడానికి వీలు కల్పిస్తుందని డాక్టర్ అరోరా చెప్పారు.

డిపార్ట్మెంట్ ఆఫ్ సైన్స్ అండ్ టెక్నాలజీకు చెందిన ఓటిటి- ఇండియా సైన్స్ ఛానెల్‌కు ఇచ్చిన ఇంటర్వ్యూలో ఛైర్‌ పర్సన్‌ భారతదేశ కొవిడ్-19 టీకా డ్రైవ్‌తో పాటు అనేక ఇతర అంశాలపై మాట్లాడారు.

 కొత్త టీకాలు ఎంత ప్రభావవంతంగా ఉంటాయి?

 ఒక నిర్దిష్ట టీకా 80% ప్రభావవంతంగా ఉంటుందని మేము చెప్పినప్పుడు ఆ టీకా కొవిడ్-19 వ్యాధి సంక్రమణను 80% తగ్గిస్తుందని అర్థం. సంక్రమణ మరియు వ్యాధి మధ్య వ్యత్యాసం ఉంది. ఒక వ్యక్తి కొవిడ్ సంక్రమణకు గురైనప్పటికీ లక్షణరహితంగా ఉంటే ఆ వ్యక్తికి సంక్రమణ మాత్రమే ఉంటుంది.  వ్యక్తికి సంక్రమణ కారణంగా లక్షణాలు ఉంటే ఆ వ్యక్తికి కొవిడ్ వ్యాధి ఉన్నట్టు అర్ధం. ప్రపంచంలోని అన్ని టీకాలు కొవిడ్ వ్యాధిని నివారిస్తాయి. టీకాలు వేసిన తరువాత తీవ్రమైన వ్యాధి వచ్చే అవకాశం చాలా తక్కువ. అలాగే టీకా తర్వాత మరణించే అవకాశాలు చాలా తక్కువ. టీకా యొక్క సామర్థ్యం 80% అయితే, టీకాలు వేసిన వారిలో 20% మంది తేలికపాటి కొవిడ్ సంక్రమించవచ్చు.

 భారతదేశంలో లభించే వ్యాక్సిన్లు కరోనా వైరస్ వ్యాప్తిని తగ్గించగల సామర్థ్యాన్ని కలిగి ఉంటాయి. 60% -70% మందికి టీకాలు వేస్తే వైరస్ వ్యాప్తిని నివారించ బడుతుంది.

 వృద్ధులకు టీకాలు వేయడం ద్వారా ప్రభుత్వం కొవిడ్ టీకా కార్యక్రమాన్ని ప్రారంభించింది. అత్యధికంగా ప్రభావానికి గురయ్యే వర్గాలకు టీకాలు వేయడం ద్వారా మన ఆరోగ్య రంగంపై భారాన్ని తగ్గించగలం.

 కొవిడ్ టీకాలకు సంబంధించి చాలా తప్పుడు సమాచారం ఉంది. దీనిపై మీరు వివరణ ఇవ్వగలరా?

 ఇటీవల నేను హర్యానా మరియు ఉత్తర ప్రదేశ్‌ల్లో పర్యటించాను. ఆ రాష్ట్రాల్లోని పట్టణ మరియు గ్రామీణ ప్రాంతాల ప్రజలతో మాట్లాడి టీకాపై అపోహలను అర్థం చేసుకున్నాను. గ్రామీణ ప్రాంతాల నుండి చాలా మంది ప్రజలు కొవిడ్‌ని తీవ్రంగా పరిగణించరు. మరియు సాధారణ జ్వరం కారణంగా గందరగోళం చెందుతారు. కొవిడ్ చాలా సందర్భాలలో తేలికపాటిదని ప్రజలు అర్థం చేసుకోవాలి. కానీ అది తీవ్రమైన రూపాన్ని తీసుకున్నప్పుడు అది ఆర్థిక భారం కావచ్చు మరియు ప్రాణ నష్టం కూడా కావచ్చు.

 టీకా ద్వారా కొవిడ్‌ నుండి మనల్ని మనం రక్షించుకోగలం. భారతదేశంలో లభించే కొవిడ్-19 వ్యాక్సిన్లు పూర్తిగా సురక్షితం. ఈ విషయం మనమందరం గట్టిగా నమ్మాలి. ప్రపంచవ్యాప్తంగా గుర్తించబడిన క్లినికల్ ట్రయల్స్‌తో సహా అన్ని టీకాలకు కఠినమైన పరీక్షలు జరిగాయని నేను ప్రతి ఒక్కరికి భరోసా ఇస్తున్నాను.

ఇక దుష్ప్రభావాలకు సంబంధించినంతవరకు అన్ని టీకాలు తేలికపాటి దుష్ప్రభావాలను కలిగి ఉంటాయి. ఇందులో తేలికపాటి జ్వరం, అలసట, ఇంజెక్షన్ చేసిన ప్రాంతంలో నొప్పి మొదలైనవి ఒకటి లేదా రెండు రోజులు ఉంటాయి. ఇది ఎటువంటి తీవ్రమైన దుష్ప్రభావాలను కలిగించదు.

 పిల్లలు తమ రెగ్యులర్ టీకాలను తీసుకున్నప్పుడు వారు కూడా జ్వరం, వాపు వంటి కొన్ని దుష్ప్రభావాలకు గురవుతారు. దుష్ప్రభావాలు ఉన్నప్పటికీ టీకా పిల్లలకి మంచిదని కుటుంబంలోని పెద్దలకు తెలుసు. అదేవిధంగా కోవిడ్ వ్యాక్సిన్ మన కుటుంబానికి మరియు మన సమాజానికి ముఖ్యమని పెద్దలు అర్థం చేసుకోవలసిన సమయం ఇది. అందువల్ల, తేలికపాటి దుష్ప్రభావాలు మనల్ని అరికట్టకూడదు.

టీకా వేసుకున్న  తర్వాత ఒక వ్యక్తికి జ్వరం రాకపోతే టీకా పనిచేయదన్న పుకార్లు ఉన్నాయి. అది ఎంతవరకు నిజం?

 కొవిడ్ టీకా తర్వాత చాలా మంది ఎటువంటి దుష్ప్రభావాలను ఎదుర్కోరు. అంటే దానర్ధం టీకాలు సమర్థవంతంగా లేవని కాదు. టీకా తర్వాత 20% - 30% మంది మాత్రమే జ్వరం భారిన పడుతున్నారు. కొంతమందికి మొదటి డోసు తర్వాత జ్వరం రావచ్చు మరియు రెండవ మోతాదు తర్వాత జ్వరం రాకపోవచ్చు. మరికొంతమందిలో అందుకు విరుద్దంగా కూడా ఉండవచ్చు. ఇది వ్యక్తికి వ్యక్తికి మారుతుంది మరియు ఇది చాలా అనూహ్యమైనది.

 టీకా రెండు డోసులను  తీసుకున్న తరువాత కూడా కొంతమంది కొవిడ్-19 భారినపడ్డ  కొన్ని కేసులు నివేదించబడ్డాయి. కాబట్టి టీకాల ప్రభావాన్ని కొందరు ప్రశ్నిస్తున్నారు.

 రెండు డోసులు టీకాలను తీసుకున్న తర్వాత కూడా సంక్రమణ సంభవించవచ్చు. కానీ, అటువంటి సందర్భాల్లో ఈ వ్యాధి ఖచ్చితంగా తేలికగా ఉంటుంది మరియు తీవ్రమైన అనారోగ్యం వచ్చే అవకాశాలు లేవు. ఇంకా, అటువంటి సంఘటనను నివారించడానికి, టీకాలు వేసిన తరువాత కూడా ప్రజలు కొవిడ్ రక్షణ చర్యలు పాటించమని చెబుతున్నారు. ఎందుకంటే వైరస్‌ ఒకరి నుండి మరొకరికి అంటుకోవచ్చు. అంటే వైరస్ మీ ద్వారా కుటుంబ సభ్యులకు మరియు ఇతరులకు సంక్రమించవచ్చు. 45 సంవత్సరాల కంటే ఎక్కువ వయస్సు ఉన్నవారికి టీకాలు వేయకపోతే, మరణాల రేటు మరియు ఆసుపత్రులపై భారం ఊహించలేము. ఇప్పుడు, రెండవ వేవ్ తగ్గుముఖం పట్టింది. దాని ఫలితం టీకాలకు వెళుతుంది.

శరీరంలో ప్రతిరోధకాలు ఎప్పుడు వరకూ ఉంటాయి? కొంత సమయం తరువాత మనం బూస్టర్ డోసును తీసుకోవాల్సిన అవసరం ఉందా?

 టీకాలు వేసిన తరువాత ప్రతిరోధకాలను అభివృద్ధి చేయడం ద్వారా అభివృద్ధి చేయబడిన రోగనిరోధక శక్తిని స్పష్టంగా గుర్తించవచ్చు. మరియు వీటిని చూడవచ్చు మరియు కొలవవచ్చు. ఇది కాకుండా ఒక అదృశ్య రోగనిరోధక శక్తి కూడా అభివృద్ధి చెందుతుంది. వాటిని మెమరీ శక్తిని కలిగి ఉన్న టి-సెల్స్ అని పిలుస్తారు. ఇకమీదట ఈ వైరస్ ప్రవేశించడానికి ప్రయత్నించినప్పుడల్లా, శరీరం మొత్తం అప్రమత్తమై దానికి వ్యతిరేకంగా పనిచేయడం ప్రారంభిస్తుంది. అందువల్ల యాంటీబాడీని కలిగి ఉండటం మన శరీరం యొక్క రోగనిరోధక శక్తికి మాత్రమే సంకేతం కాదు. అందువల్ల టీకా తర్వాత యాంటీబాడీ పరీక్షలు చేయవలసిన అవసరం లేదు. అందువల్ల ఆందోళన చెందాల్సిన పనిలేదు.

రెండవది కొవిడ్-19 అనేది ఒక కొత్త వ్యాధి. ఇది కేవలం ఒకటిన్నర సంవత్సరాల క్రితం వచ్చింది. అలాగే 6 నెలల క్రితం నుండే టీకాలు ఇవ్వబడుతున్నాయి. అయితే అన్ని ఇతర వ్యాక్సిన్ల మాదిరిగా రోగనిరోధక శక్తి కనీసం ఆరు నెలల నుండి ఒక సంవత్సరం వరకు ఉంటుంది. సమయం గడిచేకొద్దీ కొవిడ్-19 పై మన అవగాహన మెరుగుపడుతుంది. అంతేకాక టి-సెల్స్ వంటి కొన్ని అంశాలను కొలవలేము. టీకాలు వేసిన తరువాత ప్రజలు తీవ్రమైన అనారోగ్యం మరియు మరణాల నుండి ఎంతకాలం రక్షించబడతారో చూడాలి. కానీ, ప్రస్తుతానికి, టీకాలు వేసిన వారందరూ ఆరు నెలల నుండి ఒక సంవత్సరం వరకు సురక్షితంగా ఉంటారు.

 ఒక నిర్దిష్ట కంపెనీ వ్యాక్సిన్ తీసుకున్న తర్వాత అదే నిర్దిష్ట వ్యాక్సిన్‌ను మాత్రమే పునరావృతం చేయాలా? అలాగే భవిష్యత్తులో బూస్టర్ డోసులను తీసుకోవలసి వస్తే అదే కంపెనీ టీకా అందుబాటులో ఉంటుందా?

 కంపెనీలకు బదులుగా ప్లాట్‌ఫారమ్‌ల గురించి మాట్లాడుకుందాం. ఒకే వ్యాధికి వ్యాక్సిన్‌లను అభివృద్ధి చేయడానికి వివిధ ప్రక్రియలు మరియు ప్లాట్‌ఫారమ్‌లను ఉపయోగించడం మానవ చరిత్రలో ఇంతకు ముందెన్నడూ జరగలేదు. ఈ టీకాలకు తయారీ ప్రక్రియలు భిన్నంగా ఉంటాయి కాబట్టి శరీరంపై వాటి ప్రభావం కూడా ఒకేలా ఉండదు. రెండు రకాలైన వ్యాక్సిన్లను రెండు మోతాదులలో తీసుకునే ప్రక్రియను, లేదా తరువాత వేరే వ్యాక్సిన్ తరువాత బూస్టర్ మోతాదులో (అవసరమైతే), ఇంటర్ చేంజ్బిలిటీ అంటారు. ఇది చేయగలదా అనేది ఒక ముఖ్యమైన శాస్త్రీయ ప్రశ్న. దానికి సమాధానం తెలుసుకోవడానికి చర్యలు తీసుకుంటున్నారు. వివిధ రకాల కొవిడ్-19 వ్యాక్సిన్లు ఇవ్వబడుతున్న అరుదైన దేశాలలో మన దేశం కూడా ఉంది. ఈ విధమైన పరస్పర మార్పిడిని మూడు కారణాల వల్ల మాత్రమే అంగీకరించవచ్చు లేదా గుర్తించవచ్చు: 1) ఇది రోగనిరోధక శక్తిని పెంచుతుంది లేదా మెరుగుపరుస్తుంది, 2) ఇది టీకా పంపిణీ కార్యక్రమాన్ని సులభతరం చేస్తుంది; 3) భద్రత నిర్ధారిస్తుంది. టీకాలు పూర్తిగా శాస్త్రీయ దృగ్విషయం కాబట్టి టీకాల కొరత కారణంగా ఈ పరస్పర మార్పిడి చేయకూడదు.

 వ్యాక్సిన్ల మిశ్రమం మరియు మ్యాచ్‌పై పరిశోధనలు కొన్ని విదేశాలలో జరుగుతున్నాయి. భారతదేశం కూడా అలాంటి పరిశోధనలు చేస్తుందా?

 ఈ విధమైన పరిశోధన అవసరం. మరియు త్వరలో భారతదేశంలో ఇలాంటి కొన్ని పరిశోధనలను ప్రారంభించడానికి ప్రయత్నాలు జరుగుతున్నాయి. ఇది కొన్ని వారాల్లో ప్రారంభంకావచ్చు.

పిల్లలకు టీకాలు వేయడంపై అధ్యయనాలు జరుగుతున్నాయా? పిల్లలకు వ్యాక్సిన్ ఎప్పుడు వస్తుందని మేము ఆశించవచ్చు?

 2-18 సంవత్సరాల మధ్య వయస్సు ఉన్న పిల్లలపై కోవాక్సిన్ పరీక్షలు ప్రారంభించబడ్డాయి. పిల్లలపై ట్రయల్స్ దేశవ్యాప్తంగా పలు కేంద్రాల్లో జరుగుతోంది. ఈ ఏడాది సెప్టెంబర్ నుంచి అక్టోబర్ వరకు ఫలితాలను పొందాలి. పిల్లలు వ్యాధి భారిన పడవచ్చు. అయితే వారు తీవ్ర అనారోగ్యానికి గురికారు. అయినప్పటికీ, పిల్లలు వైరస్‌కు ట్రాన్స్మిటర్ కావచ్చు. అందువల్ల పిల్లలకు కూడా టీకాలు వేయించాలి.

టీకాలు వంధ్యత్వానికి కారణమవుతాయా?

 పోలియో వ్యాక్సిన్ వచ్చి భారతదేశంతో పాటు ప్రపంచంలోని ఇతర ప్రాంతాలలో ఇవ్వబడుతున్నప్పుడు కూడా ఈ రకమైన పుకారు వ్యాపించింది.  పోలియో వ్యాక్సిన్ పొందుతున్న పిల్లలు భవిష్యత్తులో వంధ్యత్వానికి గురవుతారని ఆ సమయంలో ఒక తప్పుడు సమాచారం సృష్టించబడింది. ఈ విధమైన తప్పుడు సమాచారం యాంటీ-టీకా లాబీ ద్వారా వ్యాప్తి చెందుతుంది. అన్ని టీకాలు తీవ్రమైన శాస్త్రీయ పరిశోధనల చేసిన తర్వాతే అందుబాటులోకి వస్తాయని మనం తెలుసుకోవాలి. టీకాలు ఏవీ కూడా ఈ విధమైన దుష్ప్రభావాన్ని కలిగి ఉండవు. ఈ విధమైన ప్రచారం ప్రజలను తప్పుదారి పట్టిస్తుంది. మనం, మన కుటుంబం మరియు సమాజాన్ని కరోనా వైరస్ నుండి రక్షించడమే మా ప్రధాన ఉద్దేశ్యం. కాబట్టి, అందరూ ముందుకు వచ్చి టీకాలు వేయించుకోవాలి.

 ఈ లింక్‌లో పూర్తి ఇంటర్వ్యూ చూడవచ్చు:https://www.indiascience.in/videos/corona-ko-harana-hai-vaccination-special-with-dr-n-dot-k-arora-chairman-covid-19-working-group-of-ntagi-g