প্রধান মন্ত্রীনা পীবা, ইজ ওফ দুইং ব্যুজিনেস পুখৎনবা অমসুং প্রাইবেৎ সেক্তরশিং অসি পব্লিক সেক্তর অন্দর্তেকিংদা পুরক্নবা “মিনিমম গবর্নমেন্ত মেক্সিমম গবর্নান্স”কী মায়কৈদা হাপ্নবগী অতোপ্পা খোঙকথাং অমা ওইনা প্রধান মন্ত্রী শ্রী নরেন্দ্র মোদীনা চেয়র লৌদুনা কেন্দ্রগী মন্ত্রীমন্দলনা ২০০৭গী কম্পনী এক্ত, ১৯৫৬কী মখাদা মিনি-রত্না কেতগরী-II সেন্ত্রেল পব্লিক সেক্তর এন্তরপ্রাইসেস (সি.পি.এস.ই.) অমা ওইরিবা ‘সেন্ত্রেল রেলসাইদ ৱেয়রহাউস কম্পনী লিমিতেৎ’ (সি.আর.দবল্যু.সি.)কী  এসেতশিং, লাইবিলিতীশিং, রাইতসশিং অমসুং ওব্লিগেসন পুম্বা ‘সেন্ত্রেল ৱেয়রহাউস কোর্পোরেসন (সি.দবল্যু.)দা মর্জ তৌবা অমসুং ত্রান্সফর তৌবগী অয়াবা পীখ্রে। মর্জ তৌখিবা অসিনা কম্পনী অনিগী মথৌশিং (মদুদি, ৱেয়রহাউস, হেন্দলিং, ত্রান্সপোর্তেসন) অসি এদমিনিস্ত্রেসন অমগী মখাদা ইফিসিএন্সি, ওপ্তিমম কেপাসিতী য়ুতিলাইজেসন, ত্রান্সপরেন্সী, একাউন্তেবিলিতী, শেল-থুমগী কন্নবা অমসুং অনৌবা ৱেয়রহাউসিংগী মফম কন্নবা রেলৱে থমফম হেনগৎহনবা অসি পুশিল্লগনি।   

রেলসাইদ ৱেয়রহাউস কমপ্লেক্স (আর.দবল্যু.সি.এস.)কী মেনেজমেন্ত এক্সপেন্দিচর অসি কোর্পোরেত ওফিস রেন্ত, এমপ্লোয়ীশিংগী তোলোপ অমসুং অতৈ অতোপ্পা এদমিনিস্ত্রেতিব কোস্ততা ককথদুনা লুপা কোতি ৫দা তাথরকপা য়াই হায়না পারি। আর.দবল্যু.সি.এস. শিজিন্নবগী চাং অসি হেনগৎলগনি হায়বদি সি.দবল্যু.সি.দা হৌজিক থম্লিবা পোৎ-চৈ হায়বদি সিমেন্ত, হার, চিনী, থুম অমসুং সোদাগী মথক্তা অতৈ-অতোপ্পা থম্বা য়াবগী ওইথোকপা লৈরি। মর্জর অসিনা পোৎ-চৈ থম্ফমগী মনাক্তা য়ামদ্রবদা রেলসাইদ ৱেয়রহাউস ৫০ হেন্না লিংখৎনবগী খুদোংচাবা পীগনি। মসিনা স্কীল ওইরবা থবক শুবশিংদা মেন্দেজ ৩৬,৫০০ অমসুং অনস্কীল ওইরবা থবক শুবা ৯,১২,৫০০তা থবক্কী খুদোংচাবা পীবা য়ানা লৈরি। মর্জর অসি ৱারেপ লৌখিবা নুমিৎকগী থা নিপাল ফাওবগী মনুংদা লোইশিনবা য়ানা লৈরি।

সি.দবল্যু.সি. অসি ১৯৫৭দা লিংখৎখিবা লৌউ-শিংউবগী পোত্থোক্কী ৱেয়রহাউসকীদমক  ৱেয়রহাউসক কোপরেসনগী ইনকোপরেসন অমসুং রেগুলেসন পীনবা লিংখৎখিবা মিনি-রত্না কেতগরী-I সি.পি.এস.ই. অমনি। সি.দবল্যু.সি. অসি কেপিতেল ওইনা লুপা কোতি ১০০গী অয়াবা পীবগা লোয়ননা শেন্দোই লৌবা পব্লিক সেক্তর এন্তরপ্রাইসেস (পি.এস.ই.) অমনি অমসুং কেপিতেল ওইনা লুপা করোর ৬৮.০২ পৈশা থীরি। সি.দবল্যু.সি.না তোঙান্না  ‘সেন্ত্রেল রেলসাইদ ৱেয়রহাউস কম্পনী লিমিতেৎ’ (সি.আর.দবল্যু.সি.)  কৌবা সবসিদিএরী কম্পনী অমা ২০০৭গী জুলাইগী  ১০দা শেম শানবা, চাওখৎনবা, পুখৎনবা অমসুং রেলসাইদ ৱেয়রহাউস কমপ্লেক্সেস/তর্মিনেলশিং/মল্তিমোদাল শেম্লি। সি.আর.দবল্যু.সি. অসি এমপ্লোয়ী ৫০ অমসুং আউতসোর্চ পর্সোনেল ৪৮না শাবা ওর্গানাইজেসন অমনি। হৌজিক্কী ওইনা মসিদা রেলসাইদ ৱেয়রহাউস ২০ লৈবাক অসিদা থবক তৌরি। ২০২০গী মার্চকী ৩১দা, কম্পনীগী নেত ৱোর্থ (কেপিতেলগা লোয়ননা ফ্রী রিজর্ব পীথোকখিবা) অসি লুপা কোতি ১৩৭.৯৪ নি। সি.আর.দবল্যু.সি.না আর.দবল্যু.সিগী চাওখৎ থৌরাং অমসুং থবক তৌবদা অখন্ননা, য়াম্না হৈ-শিংনা অমসুং অফবলোমদা চাওখৎনবা হোৎনৈ অদুবু কেপিতেলগী অৱাৎপা লৈবা অমসুং রেলৱেজ মিনিস্ত্রীগী এম.ও.য়ু.গী ক্লোজদা অথিংবা লৈবনা, পাম্লিবা অদু য়ৌনা চাওখৎপা ঙমদে।    

সি.দবল্যু.সি. অসিনা সি.আর.দবল্যু.সি.গী অমত্তা ঙাইরবা সেয়রহোলদর অমা ওইবনা অমসুং এসেত অমসুং লাইএবিলিতী অমসুং রাইতস অমসুং ওব্লিগেসন সি.দবল্যু.সি. দা ত্রান্সফর তৌরগনি, হায়রিবা অসিদা শেল-থুমগী ওইবা মাংজবা অমত্তা লৈরোই মদুগী মহুত্তা মসিনা পুনশিন্দুনা থবক তৌমিন্নগনি। ‘আর.দবল্যু.সি. দিবিজন’ কৌবা তোঙানবা দিবিজন অমা সি.দবল্যু.সি.না আর.দবল্যু.সি.গী থবকশিং অমসুং মার্কেতিং তৌনবা পুথোক্কনি।      

*******