ప‌న్నుల విష‌యం లో స‌మాచారాన్ని ఇచ్చిపుచ్చుకోవ‌డం తో పాటు వాటి వ‌సూళ్ళ లో కూడా స‌హాయం చేసునకోవడానికి గాను భార‌త‌దేశాని కి, సెంట్ విన్సెంట్ ఎండ్ ది గ్రెనెడాయిన్స్ కు మ‌ధ్య  ఒప్పందానికి ప్రధాన మంత్రి శ్రీ న‌రేంద్ర మోదీ అధ్య‌క్ష‌త‌ న స‌మావేశ‌మైన కేంద్ర మంత్రివ‌ర్గం ఆమోదం తెలిపింది.

ఒప్పందం వివ‌రాలు:

i)     ఇది భార‌త‌దేశ గ‌ణ‌తంత్రాని కి, సెంట్ విన్సెంట్ ఎండ్ ది గ్రెనెడాయిన్స్ కు మ‌ధ్య కుదిరిన ఒక కొత్త ఒప్పందం.  రెండు దేశాల మ‌ధ్య  ఇది వ‌ర‌కు అటువంటి ఒప్ప‌దం ఏదీ లేదు.

ii)    ఈ ఒప్పందం ప్ర‌ధానం గా ఉభ‌య దేశాల మ‌ధ్య స‌మాచార ఆదాన ప్రదానానికి మార్గాన్ని సుగ‌మం చేయాల‌ని, అలాగే ప‌న్ను క్లెయిము ల సేక‌ర‌ణ లో ఒక దేశాని కి మ‌రొక దేశం స‌హాయాన్ని అందించుకోవాల‌ని ప్ర‌తిపాదిస్తోంది.

iii)  విదేశం లో ప‌న్నుల ప‌రిశీల‌న తాలూకు నిబంధ‌న‌లు కూడా ఈ ఒప్పందం లో ఉన్నాయి.  ఈ నిబంధ‌న లు ఒక దేశం ఇతర దేశం ప్రతినిధుల ను తన భూభాగం లోకి (దేశీయ చట్టాల ప్రకారం వీలు ఉన్నంత మేరకు) ప్ర‌వేశించి వ్య‌క్తుల తో భేటీ కావడానికి, ప‌న్నుల రికార్డుల ను ప‌రిశీలించ‌డానికి అనుమతి ని ఇస్తాయి.  

ప్రభావం:

భార‌త గ‌ణ‌తంత్రాని కి, సెంట్ విన్సెంట్ ఎండ్ ది గ్రెనెడాయిన్స్  కు మ‌ధ్య ఒప్పందం బ్యాంకు ల, ఇత‌ర ఆర్థిక సంస్థ‌ ల ద్వారా అందజేయబడే చట్టపరమైన, ప్రయోజనకారక యాజమాన్యానికి సంబంధించిన స‌మాచారం కలిసి ఉంటుంది. ఇది రెండు దేశాల మ‌ధ్య ప‌న్ను క్లెయిము ల సేక‌ర‌ణ లో నూ స‌హ‌కారానికి వీలు ను క‌ల్పిస్తుంది.  ఈ ప్రకారం గా, ఇది విదేశం లో  ప‌న్నుల ఎగ‌వేత పై, ప‌న్నుల చెల్లింపు బాధ్య‌త నుంచి త‌ప్పించుకోవ‌డం (వీటి వల్లనే లెక్కలలోకి రాని నల్ల ధనమంటూ పోగుపడుతోంది) పై పోరాడాల‌న్న భార‌తదేశ నిబ‌ద్ధ‌త ను ప‌టిష్ట ప‌ర‌చ‌నుంది.

పూర్వరంగం:

సెంట్ విన్సెంట్ ఎండ్ ది గ్రెనెడాయిన్స్ తో ఇదివరకు భార‌త‌దేశాని కి ఎలాంటి ఒప్పంద‌మూ లేదు.  మరి భార‌త‌దేశం చాలా కాలం గా ఈ ఒప్పందం కోసం సంప్ర‌దింపుల ను జ‌రుపుతూ వ‌చ్చింది.  ఎట్టకేలకు, సెంట్ విన్సెంట్ ఎండ్ ది గ్రెనెడాయిన్స్ భార‌త‌దేశం తో ఈ ఒప్పందానికి తుదిరూపు ను ఇవ్వడం పట్ల  అంగీకారం తెలిపింది.  ఈ ఒప్పందం రెండు దేశాల మ‌ధ్య మిగిలిన ట్యాక్స్ క్లెయిము ల సేక‌ర‌ణ కు స‌మాచారం ప‌ర‌స్ప‌ర అంద‌జేత తో పాటు స‌హాయాన్ని అందించుకొనే మాధ్యమం ద్వారా ఇరు దేశాల మధ్య ప‌న్ను ల సంబంధి స‌హ‌కారాన్ని కూడా పెంపొందించ‌నుంది.


 

***