প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা তেক্স খোমগৎপগী মতাঙদা ই-পাউ ফাওদোক্ননবা অমদি তেংবাংননবগী ভারত অমসুং সেন্ত ভিন্সেন্ত অমদি দি গ্রেনেদাইন্সকা খুৎয়েক পীনখিবা য়ানচে অমা অয়াবা পীখ্রে।

য়ানচেগী অকুপ্পা ৱারোল:

(১)      মসি রিপব্লিক ওফ ইন্দিয়া অমসুং সেন্ত ভিন্সেন্ত অমসুং দি গ্রেনেদাইন্সকগী মরক্তা শেম্বা অনৌবা য়ানচে অমনি‍। মমাঙদা লৈবাক অনিসিগী মরক্তা অসিগুম্বা য়ানচে অমত্তা লৈখিদ্রি‍।

(২)      য়ানচে অসিনা মরুওইনা লৈবাক অনিগী মরক্তা তেক্স ক্লেম খোমগৎপগা মরী লৈনবা ৱাফমশিংদা ই-পাউ ফাওদোক ফাওজিন তৌননবা অমদি মতেং পাংননবা ৱাফম থম্লি‍।

(৩)      য়ানচে অসিদা অতোপ্পা লৈবাক অমগী মীহুৎশিংনা লৈবাক মনুংদা চঙলক্তুনা (লমদমদুগী আইনগী মখাদা অয়াবা পীবগী চাং ফাওবদা) লনাই মীওইশিং ৱারী ৱাতায় শানবা অমদি তেক্সকীদমক্তা রেকোর্দশিং য়েংশিনবা য়াহনগদবা তেক্স একজামিনেসন এব্রোদ প্রোগিজনশিং য়াওরি‍।

ইথিল:

রিপব্লিক ওফ ইন্দিয়া অমসুং সেন্ত ভিন্সেন্ত অমদি দি গ্রেনাদাইন্সকী মরক্তা শেম্লিবা য়ানচে অসিনা লিগেল অমসুং বিনিফিসিএল ওনরসিপকা মরী লৈনবা ই-পাউশিং কোনশিল্লগা বেঙ্ক অমসুং অতৈ শেলথুমগী ইন্সতিত্যুসনশিংনা পায়বা ই-পাউশিং পিথোক পিশিন তৌনবা য়াওনা লৈবাক অনিগী মরক্তা ই-পাউ ফাওদোক ফাওজিন তৌনবা মতেং ওইগনি‍। মসিনা লৈবাক অনিগী মরক্তা তেক্স ক্লেম খোমগৎপদা মতেংসু ওইগনি‍। অসুম্না মসিনা ওফসোর তেক্স নাথৈদুনা থম্বা অমদি তেক্স থিদবগী চৎনবী লৈদুনা মশিং পাবা য়াওদবা অরোনবা লনথুম থোকহল্লকপগী থৌওং থেংননবা ভারতকী ফিরেপ্পু মপাঙ্গল কনখৎহনগনি‍।

নুংগী ৱাফম:

মমাঙদা সেন্ত ভিন্সেন্ত অমদি দি গ্রেনেদাইন্সকা অসিগুম্বা মখলগী য়ানচে অমত্তা লৈরমদে অমদি ভারতনা য়ানচে অসি পুরক্নবগীদমক মতম কয়াগী মমাঙদগী হোৎনদুনা লাক্লি‍। মমৈথংদা সেন্ত ভিন্সেন্ত অমদি দি গ্রেনাদাইন্সনা লৈবাক অনিগী মরক্তা লৌখৎপা ঙমদনা লৈরিবা তেক্স ক্লেমশিং খোমগৎপদা ই-পাউ ফাওদোক ফাওজিন তৌনদুনা অমদি তেংবাংনদুনা লৈবাক অনিগী মরক্তা তেক্সকী লমদা মতেং পাংনবা পুরক্কদবা য়ানচে অসি খুৎয়েক পীননবা য়ারকখিবনি‍।

***