য়োগানা হকচাং, ৱাখল অমসুং থম্মোয়নুংগী ওইবা নুঙাইবদা মসিনা লৌরিবা থৌদাং অসি মালেম পুম্বা খঙনরদুনা তপ্না-তপ্না মীপুম খুদিংগী পুন্সি মহিংদা চংলক্লি। মসিনা মালেম পুম্বগী ওইনা মরুওইবা অসি শন্দোক্তুনা অমসুং পুক্নিং থৌগৎতুনা উবা ফংদবা মীওইবা খুনাইগী ওইবা কলচরেলগী হেরিতেজ শক্তাক্লি।     

মরম অদুনা, ভারত সরকারগী কলচরেল মিনিস্ত্রীনা “অজাদী কা অমৃত মহোৎসব”কী শরুক অমা অখন্নবা  দ্রাইব “য়োগা এন ইন্দিয়ন হেরিতেজ” শিন্দুনা মালেমগী ওইবা য়োগাগী নুমিৎ পাংথোক্নবা শেম-শারি।  থৌরম অসি হেরিতেজ মফম ৭৫দা মিনিস্ত্রী অসিগী ইন্সতিত্যুৎ/বোদীশিংনা হকথেংননা শরুক য়াদুনা পাংথোক্কদৌরি। হৌজিক ওইরিবা লায়চৎ অসিগী ফিভম য়েংদুনা, মফম খুদিংদা য়োগাগীদমক মীওই ২০দগী হেন্দনবা অকক্নবা থম্লি। শক্নাইরবা মীওই কয়া অমনা থৌরমশিং শিল্লিবা মফমশিং অসিদা শরুক য়াগনি।   

থৌরম অসি সঙ্গীত নাতক একাদেমী নত্ত্রগা জোনেল কলচরেল সেন্তরদগী নহা ওইরিবা এৱার্দীশিংনা য়োগাদা মিনিত-৪৫ অমদি অতেনবা কলচরেলগী থৌরমদা মিনিত-৩০ পাংথোক্কনি। থৌরম অসিগী লাইবস্ত্রীম ওইনা মিনিস্ত্রীগী মেদিয়া পার্তনর য়াওনা কলচরেল মিনিস্ত্রীগী খনগৎলবা সাইত ৩০ হায়বদি রেদিও ফিবর ১০৪, দুর্দারশন, ক্যুরফিত অমসুং এফ.আই.সি.সি.গী দিজিতেল প্লেতফোর্ম/পেজেতা অঙম্বা কোবরেজ পীনবা থাদোক্কনি।  

কলচর অমসুং তুরিজমগী মিনিস্তর ওফ স্তেত (আই/সি.) শ্রী প্রাহলাদ সিংহ পতেলনা মিনিস্ত্রীগী মকোক থোংবা ওফিসিএলশিংগা লোয়ননা দিল্লীগী লাল কিলাদা ২০২১গী জুন ২১গী অয়ুক পুং ৭তগীনা পুং ৭.৪৫ ফাওবা য়োগা পাংথোক্কনি অমসুং হায়রিবা অসি মিনিস্ত্রী অসিগী দিজিতেল প্লেতফোর্মদা লাইব স্ত্রীম ওইনা থাদোক্কনি।

******