ਇੰਡੀਆ ਪੋਸਟ 21 ਜੂਨ 2021 ਨੂੰ ਵਿਸ਼ਵ ਯੋਗ ਦਿਵਸ ਦੀ ਰੂਹ ਨੂੰ ਕੈਪਚਰ ਕਰਨ ਲਈ “ਸਪੈਸ਼ਲ ਕੈਂਸਲੇਸ਼ਨ” ਲੈ ਕੇ ਆ ਰਿਹਾ ਹੈ । ਇਹ ਵਿਲੱਖਣ ਪਹਿਲਕਦਮੀ 7ਵੇਂ ਅੰਤਰਰਾਸ਼ਟਰੀ ਯੋਗ ਦਿਵਸ 2021 ਦੀ ਯਾਦਗਾਰ ਦੀ ਨਿਸ਼ਾਨੀ ਹੋਵੇਗੀ ।

ਕਈ ਸਾਲਾਂ ਤੋਂ ਯੋਗ ਅਤੇ ਅੰਤਰਰਾਸ਼ਟਰੀ ਯੋਗ ਦਿਵਸ ਫਿਲੈਟਿਕ ਯਾਦਗਾਰਾਂ ਦੇ ਹਰਮਨਪਿਆਰੇ ਵਿਸ਼ੇ ਰਹੇ ਹਨ । 2015 ਵਿੱਚ ਡਾਕ ਵਿਭਾਗ ਨੇ 2 ਯਾਦਗਾਰੀ ਡਾਕ ਟਿਕਟਾਂ ਦਾ ਇੱਕ ਸੈੱਟ ਜਾਰੀ ਕੀਤਾ ਸੀ ਅਤੇ ਅੰਤਰਰਾਸ਼ਟਰੀ ਯੋਗ ਦਿਵਸ ਤੇ ਇੱਕ ਮਿਨੀਏਚਰ ਸ਼ੀਟ ਜਾਰੀ ਕੀਤੀ ਸੀ । 2016 ਵਿੱਚ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ ਦੂਜੇ ਅੰਤਰਰਾਸ਼ਟਰੀ ਯੋਗ ਦਿਵਸ ਦੀ ਯਾਦਗਾਰ ਦੀ ਨਿਸ਼ਾਨੀ ਵਜੋਂ ਸੂਰਿਯਾ ਨਮਸਕਾਰ ਵਾਲੀਆਂ ਯਾਦਗਾਰੀ ਡਾਕ ਟਿਕਟਾਂ ਦਾ ਇੱਕ ਸੈੱਟ ਜਾਰੀ ਕੀਤਾ ਸੀ । 2017 ਵਿੱਚ ਸੰਯੁਕਤ ਰਾਸ਼ਟਰ ਡਾਕ ਪ੍ਰਾਸ਼ਸਨ ਨੇ ਨਿਊਯਾਰਕ ਵਿੱਚ ਅੰਤਰਰਾਸ਼ਟਰੀ ਯੋਗ ਦਿਵਸ ਦੀ ਯਾਦ ਵਿੱਚ 10 ਯੋਗ ਆਸਣ ਦਰਸਾਉਂਦਾ ਟਿਕਟਾਂ ਦਾ ਇੱਕ ਸੈੱਟ ਜਾਰੀ ਕੀਤਾ ਸੀ ।

ਸੱਤਵੇਂ ਅੰਤਰਰਾਸ਼ਟਰੀ ਯੋਗ ਦਿਵਸ 2021 ਮੌਕੇ ਦਿੱਲੀ ਡਾਕ ਸਰਕਲ ਹੇਠ ਲਿਖੀਆਂ ਗਤੀਵਿਧੀਆਂ ਕਰੇਗਾ :

1. ਦਿੱਲੀ ਵਿੱਚ ਸਥਿਤ ਸਾਰੇ ਡਾਕ ਦਫਤਰ 17/06/2021 ਤੋਂ ਬੁੱਕ ਕੀਤੀਆਂ ਅਤੇ ਭੇਜੀਆਂ ਜਾਣ ਵਾਲੀਆਂ ਸਾਰੀਆਂ ਡਾਕ ਸੇਵਾਵਾਂ ਤੇ “ਯੋਗ ਨਾਲ ਰਹੋ , ਘਰ ਰਹੋ” ਦਾ ਸੁਨੇਹਾ ਚਿਪਕਾ ਰਹੇ ਹਨ ।

2. ਦਿੱਲੀ ਦੇ 60 ਮੁੱਖ ਡਾਕ ਦਫਤਰਾਂ ਵਿੱਚ ਡਾਕ ਦਫਤਰਾਂ ਦੇ ਦਰਸ਼ਕਾਂ ਲਈ ਯੋਗ ਨੂੰ ਉਤਸ਼ਾਹਤ ਕਰਨ ਲਈ ਇੱਕ ਵੀਡੀਓ ਦਿਖਾਈ ਜਾ ਰਹੀ ਹੈ ।

3. 17/06/2021 ਨੂੰ ਕੋਵਿਡ ਰਿਕਵਰੀ ਤੋਂ ਬਾਅਦ ਤੇ ਵਿਸ਼ੇਸ਼ ਜ਼ੋਰ ਦਿੰਦਿਆਂ ਯੋਗਾ ਬਾਰੇ ਇੱਕ ਵਰਚੁਅਲ ਲੈਕਚਰ ਕਮ ਪ੍ਰਦਰਸ਼ਨ ਸੈਸ਼ਨ ਕੀਤਾ ਗਿਆ , ਜਿਸ ਵਿੱਚ ਦਿੱਲੀ ਡਾਕ ਸਰਕਲ ਦੇ ਅਧਿਕਾਰੀ ਸ਼ਾਮਲ ਹੋਏ ।

4. ਕੋਵਿਡ 19 ਪ੍ਰੋਟੋਕੋਲ ਦੀ ਪਾਲਣਾ ਕਰਦਿਆਂ ਦਿੱਲੀ ਡਾਕ ਸਰਕਲ ਦੇ ਸੰਚਾਲਤ ਦਫਤਰਾਂ , ਵੱਖ ਵੱਖ ਪ੍ਰਸ਼ਾਸਕੀ ਦਫਤਰਾਂ ਵਿੱਚ 21/06/2021 ਨੂੰ ਅੰਤਰਰਾਸ਼ਟਰੀ ਯੋਗ ਦਿਵਸ ਤੇ ਯੋਗ ਸੈਸ਼ਨਸ ਆਯੋਜਿਤ ਕੀਤੇ ਜਾਣਗੇ ।

5. 21/06/2021 ਨੂੰ ਸੱਤਵੇਂ ਅੰਤਰਰਾਸ਼ਟਰੀ ਯੋਗ ਦਿਵਸ ਬਾਰੇ ਇੱਕ ਵਿਸ਼ੇਸ਼ ਕਵਰ ਮੁੱਖ ਪੋਸਟਮਾਸਟਰ ਜਨਰਲ , ਦਿੱਲੀ ਸਰਕਲ ਨਵੀਂ ਦਿੱਲੀ ਜੀ ਪੀ ਓ (ਗੋਲ ਡਾਕਖਾਨਾ) ਵਿਖੇ ਜਾਰੀ ਕਰਨਗੇ ।
 

*********************
 

ਮੋਨਿਕਾ