ত্রাইবেল এফিয়র্স মন্ত্রালয়

ইকাই খুম্নরবা প্রধান মন্ত্রীগী এদভাইজর শ্রী ভাস্কর খুলবেনা নৌনা শঙ্গাখ্রবা ত্রিফেদ হেদ ওফিসতা চৎখ্রে

ঐচ. অমসুং আই.জি. দিজাইন ৱার্কশোপ ত্রেনিং প্রোগ্রামশিংদগী নৌনা পুথোক্লিবা প্রোদক্তশিং লোঞ্চ তৌখ্রে

Posted On: 17 JUN 2021 6:36PM by PIB Imphal

ইকাই খুম্নরবা প্রধান মন্ত্রীগী এদভাইজর শ্রী বাস্কর খুলবেনা ঙসি ন্যু দিল্লিদা লৈরিবা অনৌবা ত্রিফেদ ওফিস হেদক্বাতরশিংদা চৎখ্রে৷ এন.এস.আই.সি. কমপ্লেক্স, ওখলা ইন্দস্ত্রিয়েল এরিয়া, ফেস- III, ন্যু দিল্লিদা নৌনা শারিবা ওফিস পর্মিজেস অসি ত্রাইবেল এফিয়র্স মন্ত্রী, শ্রী আর্জুন মুন্দানা হন্দক্তা ইকুই কুইদ্রিঙৈদা শঙ্গাখ্রে৷

স্ক্যের ফিৎ ৩০,০০০ পাক চাওবা ওফিস অসিদা ত্রিফেদকী এম.দি., শ্রী প্রাভির ক্রিশান অমসুং ত্রিফেদকী ই.দি., শ্রী অনুপম ত্রিবেদিনা শ্রী খুলবেবু পুদুনা য়েংহনখ্রে৷ ওফিস অসিদা ভিদিও কনফরেন্সিং অমসুং অতোপ্পা খ্বাইদগী নৌরিবা এমিনিতীশিং য়াওনা স্তেত-ওফ-দি-আর্ত ইনফ্রাস্ত্রকচর লৈ৷ ওফিস ইনফ্রাস্ত্রকচর অসিগীদমক ত্রিফেদ তীমবু শ্রী খুলবেনা থাগৎখ্রে অমসুং মখোয়গী মিসন অসি হেন্না মাই পাক্ননবা ত্রিফেদ তীমদা য়াইফ মঙ্গোল পীখ্রে৷

থৌরম অসিদা, কমপ্লিতেদ দিজাইন ৱার্কশোপ ত্রেনিং প্রোগ্রামশিংদগী নৌবা দিজাইন তৌবা পোত্থোক কুন-মঙা শ্রী খুলবেনসু লোঞ্চ তৌখ্রে৷ হায়রিবা পোত্থোকশিং অসিদা পুক্নিং চিংশিন্নিংঙাই ওইরবা হিগোক মচুগী পোত্তরী হেন্দিক্রাফতশিং অমসুং হেন্না পুক্নিং চিংশিন্নিংঙাই ওইরবা ৱুল্লন প্রেদক্তশিং য়াওরি৷ পোত্থোকশিং অসি রিশিকেশতা লৈরিবা বোক্সা ত্রাইবেল আর্তিসনশিং অমসুং জয়পুরদা লৈরিবা মীনা ত্রাইবেল আর্তিসনশিং অসিগীদমক পাংথোক্লিবা ৱার্কশোপ ত্রেনিং প্রোগ্রামশিং অসিগী মনুংদা শেমখিবনি৷

“পু্ক্নিং চিংশিন্নিংঙাই ওইরবা অমসুং য়োনবা নুংঙাইরবা ঐচ. অমসুং আই.জি. প্রদক্তশিং দিজাইন তৌদুনা ত্রাইবেল এম্পৱারমেন্তগী এস্পেক পুম্নমক চেকশিন্না য়েংশিল্লিবা অনৌবা ইনিসিয়েতিবশিং ত্রিফেদনা লেপ্পা লৈতনা পুথোক্লিবা অসি শিন্থানিংঙাই ওই” হায়না শ্রী খুলবেনা ফোংদোকখ্রে৷

নেস্নেল নোদেল এজেন্সী ওইনা, লৈবাক অসিদা লৈরিবা ত্রাইবেল কাংলুপশিংনা চহি-চা কয়া অমদগী পুথোক্তুনা লাক্লিবা ইন্দিজিনিয়র্স প্রদক্তশিং অসি য়োনবদা মতেং পাংননবা অমসুং হেন্না য়োকখৎনবা ত্রিফেদনা হোৎনদুনা লাক্লি৷ ত্রাইবেল দিবলপমেন্তগীদমক মহাক্কী লৈরিবা স্ত্রাতিগীশিংগী শরুক অমা ওইনা, ত্রিফেদনা স্কিল অপগ্রেদেসন অমসুং দিজাইন দিবলপমেন্ত ৱার্কশোপশিং শিন্দুনা লাক্লি৷ হায়রিবা ৱার্কশোপশিং অসি ত্রিফেদকী হেন্দিক্রাফত অমসুং ইনকম জেনেরেসন(ঐচ. অমসুং আই.জি.) ত্রেনিং প্রোগ্রামগী খুৎথাংদা পাংথোক্লি৷ আর্তিসনশিং ত্রেনিং তৌদুনা অনৌবা প্রদক্তশিং শেম্বা অমসুং ত্রাইবেলশিংগী পুন্সি মরেলদা অহোংবা ফিভম পুরক্নবগীদমক মখোয় মখোয়গী পোত্থোকশিং অদু নিংথিনা য়োলহনবা য়াননবা ত্রাইবেল হেন্দিক্রাফতশিংগী সস্তেনেবল সপ্লাই বেজ অমা শেম্বনদা মীৎয়েং থম্লি৷ লাইনা-লাইচৎ অসিগী মনুংদা, ত্রাইবেল আর্তিসনশিং অসিগী স্কিল অসি হেন্না হৈথোই-শিন্থোইনবা অহেনবা ইফর্তশিং থাদখ্রে৷ ত্রেনিং প্রোগ্রাম ১৭ এপ্রুব তৌখ্রে৷ নৌনা দিজাইন তৌবা প্রদক্ত ১৭০ শেম্বগীদমক ত্রাইবেল আর্তিসন ৩৪০ মখোয়না কান্নবা পীখ্রে৷ ঙসি লোঞ্চ তৌরিবা পোত্থোকশিং অসি রিশিকেশতা লৈরিবা বোক্সা ত্রাইবেল আর্তিসনশিং অমসুং জয়পুরদা লৈরিবা মীনা ত্রাইবেল আর্তিসনশিংগীদমক হন্দক্তা ইকুই কুইদ্রিঙৈদা পাংথোকখিবা দিজাইন ৱার্কশোপ ত্রেনিং প্রোগ্রামশিং অদুদগীনি৷ শেম্লিবা পোত্থোক পুম্নমক ত্রাইবস ইন্দিয়া রিতেল আউতলেতশিং অমসুং দোত কোমশিংগী খুৎথাংদা য়োল্লগনি৷

শ্রী বাস্কর খুলবেনা ওফিস পর্মিজেস মনুংদা লৈরিবা ত্রাইবস ইন্দিয়া শরুম য়েংখ্রে অমসুং তীম অদুগা নিংথিনা ৱারি-ৱাতাই শান্নখ্রে৷

ত্রিফেদকী মেনেজিং দাইরেক্তর শ্রী প্রাভির কৃষ্ণনা শ্রী খুলবেবু মহাক্কী শিন্থানিংঙাই ওইরবা খোঙচৎ অদুগীদমক থাগৎখ্রে অমসুং ত্রাইবেলশিং অসি সত্মনির্ভির অমসুং মশা-মরোমদোম লেপচবা ঙম্ননবা হোৎনরিবা ত্রাফেদকী মিসন অসিদা মহাক্না লৌখিবা থৌদাং অদু পনখ্রে৷”

ত্রাইবেল এম্পৱারমেন্তগীদমক নোদেল এজেন্সী ওইনা লৈরিবা ত্রিফেদনা ত্রাইবেল মীয়ামগী পুন্সি অমসুং ত্রেদিসনশিং অসি ঙাকপি শেনবিদুনা মখোয়গী পুন্সি মহিং ফগৎহন্নবা অমসুং ইনকম হেনগৎহন্নবা হোৎনরি৷

******



(Release ID: 1728103) Visitor Counter : 18