ভারত অসি অরিবা মতমগী ৱেল্নেস আর্ত ফোর্ম কয়া অমগী ত্রেজর-হাউস ওইরি৷ য়োগ অসি ভারতকী অরিবা ত্রেদিসন, মশা ফগৎহনবা, চাওখৎহনবা অমসুং সেল্ফ-রিয়েলাইজেসন্দা মীৎয়েং থম্লিবা চহি চা কয়া শুরবা অরিবা তেক্নিকশিংগী মমল নাইদ্রবা খুদোল অমনি৷ য়োগ অসিনা হকচাং ফানা, পুক্নিং অমসুং ৱাখল শান্তি ওইনা থম্নবা হোলিস্তিক এপ্রোচ অমনি৷ মালেম পুম্বনা লাইনা-লাইচৎ অসি লান্থেংনরিবা ঙসিগী ফিভম অসিদা; ইম্ম্যুনিতী অসি ফগৎহনবগী খ্বাইদগী ফরবা অল্তর্নেতিবশিংগী মনুংদা য়োগসু অমা ওইরি৷ অসানাস, প্রানয়মগা তৌদুনা য়োগ শান্নবা অসিনা ঐখোয়গী পুক্নিং, হকচাং অমসুং ৱখল শান্তি ওইহল্লি৷

২০১৫দগী হৌদুনা জুন ২১ অসি মালেম শিনবা থুংনা মালেমগী য়োগগী নুমিৎ(আই.দি.ৱাই.) হায়না পাংথোক্নরি৷ তুরিজম মন্ত্রালয় অমসুং লৈবাক অসিদা অমসুং মপান লমদমশিংদা লৈরিবা মহাক্কী ফিল্দ ওফিসশিংনা আই.দি.ৱাই. অসি য়াম্না পাক-চাওনা পাংথোকই৷ থৌরম অসিদা তুরিজম মন্ত্রালয়না মালেম অসিগী তোঙান তোঙানবা মফমশিংদগী য়োগ দেদিকেতেদ ইতিনেরেরিশিংগা লোইননা জর্নেলিস্তশিং, ইনফ্লুয়েন্সরশিং, তুর ওপরেতরশিং শরুক য়াননবা কৌরি৷ তশেং-তশেংনা চত্থোক-চশিন তৌদুনা শরুক য়ানবগী খুদোংচাবা লৈত্রবা ফিভম অসিনা মরম ওইদুনা, অয়ুশ মন্ত্রালয়না পীরিবা থীম “বি ৱিথ য়োগ বি এত হোম” অসিগী মতুং ইন্না তুরিজম মন্ত্রালয়না মহাক্কী ভারত্তা অমসুং মপান লৈবাকশিংদা লৈরিবা ফিল্দ ওফিসশিং অসিগা লোইননা তোঙান তোঙানবা ওনলাইন প্রোগ্রামশিং হৌদোকখ্রে৷

তুরিজম মন্ত্রালয়না য়োগ অসি ভারত্তা লৈরিবা অচৌবা তুরিস্তকী মফমশিং উৎলিবা ৱেল্নেস তুরিজম অমসুং স্পিরিচুয়েল তুরিজমগী অপুনববা শকফম অমা ওইনা প্রমোত তৌই৷ চয়োল অমরোম শাংবা য়োগ নুমিৎকী পাংথোক্লিবা থৌরমশিং অসিগী মনুংদা, য়োগগী কান্নবা উৎলিবা পোস্তশিং/পিকচরশিং/ভিদিওশিং অদু মন্ত্রালয়গী তোঙান তোঙানবা সোসিয়েল মেদিয়া প্লোতফোর্মশিংদা উৎলগনি৷ তুরিজম মন্ত্রালয়নসু কা-হেন্না হৈথোই-শিন্থোইরবা য়োগ ওজাশিং/ব্লোগগরশিং/ইনফ্লুয়েন্সরশিংগা লোইননা য়োগনা কমদৌনা মখোয়গী পুন্সি অসি ত্রান্সফোর্ম তৌখিবগে হায়বগী মতাংদা লাইব সেসনশিং পাংথোক্নবসু প্লান তৌরি৷ চহি অসিগী থীম “বি ৱিথ য়োগ বি এত হোম” অসিগী মতুং ইন্না, তুরিজম মন্ত্রালয়না ইশা ফাউন্দেসনগা খুৎশম্নদুনা ২০২১ জুন ১৯, থাংজ নুমিৎকী পুং ১১০০ চৎপা মতমদা “য়োগ ফোর ইম্যুনিতী”  হায়না মমিং থোনবা ৱেবিনার অমা শিল্লগনি৷ ৱেবিনার অসিগী মনুংদা, ইশা ফাউন্দেসন্দগী শরুক য়ারিবা য়োগ এক্সপর্তনা ঐখোয়গী ইম্ম্যুনিতী অমসুং পাঙ্গল অসিবু হেনগৎহনবা সিমহা ক্রিয়া উৎলগনি৷

য়োগগী মতাংদা এৱার্নেস হেন্না পীননবা অমসুং অফবা পুন্সি মরেল অমা কমদৌনা হিংগদগে হায়বা অসিগী মতাংদা খঙহন্নবা সমাজ অসিদা লৈরিবা তোঙান তোঙানবা সেগমেন্তগী প্রজাশিং অমসুং চহি কাংলুপ পুম্নমক্কী মীওইশিং শরুক য়াহন্নবা তুরিজম মন্ত্রালয়গী লৈবাক অসিদা অমসুং মপান লৈবাকশিংদা লৈরিবা ফিল্দ ওফিসশিংনা তোঙান তোঙানবা প্রোগ্রামশিং পাংথোক্নবা প্লান তৌখ্রে৷ ঐখোয়গী পুন্সি মরেল অসিদা য়োগগী কান্নবা তাক্লিবা তোঙান তোঙানবা প্রোগ্রামশিংগী মনুং চল্লিবশিং অদুদি ওনলাইন এসেস, ক্বুইজ, লাই য়েকপা , মহৈরোইশিংগীদমক য়োগ পোস্তর দিজাইন কম্পিতিসনশিং, য়োগগী লাইব দেমোন্সত্রেসনগা লোইননা ৱেবিনার পাংথোকপা, ই-য়োগ বুক অমসুং অতোপ্পা অহেনবশিংনি!  অকুপ্পা মরোলগীদমক মখাদা পীরিবশিং অসিদা ইনক্রিদিবল ইন্দিয়া চংদুনা য়েংবিয়ু :

ইন্সতাগ্রাম - https://instagram.com/incredibleindia?igshid=v02srxcbethv

ত্বিত্তর - https://twitter.com/incredibleindia?s=21

ফেসবুক - https://www.facebook.com/incredibleindia/

লিনকেদিন - https://www.linkedin.com/company/incredibleindia

ৱেবসাইত - https://www.incredibleindia.org/

য়ুত্যুব - https://www.youtube.com/channel/UCMxJPchGLE_CJ1MJbJy-xDQ

*****