দোনর মন্ত্রালয়না চয়োল অমগী অমগী মনুংদা গভর্নেন্স অমসুং দিবলপমেন্ত পেরামিতরশিংদা শোত্থদুনা অৱাং নোংপোক রাজ্য ৮ পুম্নমক্তা লৈরিবা জিলা ১০ খন্দোক্লগনি হায়না দিবলপমেন্ত ওফ নোর্থ ইস্তর্ন রিজন(দোনর), এম.ও.এস. পি.এম.ও., পর্সোনেল, পব্লিক গ্রিভেন্স, পেন্সন্স, ওতোমিক ইনর্জী অমসুং স্পেস্কী কেন্দ্রগী রাজ্য মন্ত্রী(ইন্দিপেন্দেন্ত চার্জ) দা. জিতেন্দ্র সিংহনা ফোংদোকখ্রে৷

দোনর মন্ত্রালয় অমসুং নোর্থ ইস্তর্ন কাউন্সিল(এন.ই.সি.)গী ওফিসিয়েলশিংগা লোইননা ফমখিবা অৱাংবা থাক্কী মীফম অদুদা শরুক য়ারদুনা, হায়রিবা জিলাশিং অসি মীৎয়েং চংবা অমসুং জিলাশিং অসি সেচুরেসনগী থাক্তা অতোপ্পা চাওখৎলবা জিলাশিং অসিগী থাক্তা পুরকপা অসিনা এক্সর্সাইজ অসিগী পান্দমনি হায়না মন্ত্রী অসিনা ফোংদোকখ্রে৷ হায়রিবা জিলাশিং অসিদা গুদস অমসুং সর্ভিসেস নিংথীনা ফংহন্দুনা “পুন্সি মহিং লাইথোকহনবা” অসিদা মরু ওইনা মীয়েং থম্লগনি হায়না মহাক্না ফোংদোকখ্রে৷

হায়রিবা জিলা ১০ অসি মমাংগী মতমদা হেল্থকেয়রগী স্তেতস্না য়াম্না মরু ওইবা কম্পোনেন্ত অমা ওইনা থমদুনা মরু ওইবা ইন্দিকেতর ৪৯গী মতুং ইন্না খন্দোকখিবা অৱাংনোংপোকগী এস্পিরেস্নেল জিলা ১৪ অদুদদগী তোখায় হায়না দা. জিতেন্দ্র সিংহনা ক্লেরিফাই তৌখ্রে৷ প্রধান মন্ত্রী শ্রী নরেন্দ্র মোদীনা শাগৎলিবা এস্পিরেস্নেল জিলাশিংগী কন্সেপ্ত অসি ভারতনা চহি ৭০ মনিং মখা তম্লবা মতুং লৈঙাক সাসন তৌবদা অচৌবা শিফত অমা ওইখি হায়না মহাক্নসু ফোংদোকখি৷ মসিনা গভর্নেন্সকী লেবেল পুম্নমক্তা ৱার্ক কল্চরদা চাওনা অহোংবা পুরকপগী মথক্তা দিবলপমেন্তেল এক্তিবিতীশিংগী এসেসমেন্ত অমসুং হেন্না সাইন্তিফিক ওইবা শিফত অমদা পুরকখি হায়না মহাক্না ফোংদোকখি৷

ইসরোনা(ইন্দিয়ন স্পেস রিসর্চ ওর্গনাইজেসন) স্পেস তেক্নোলোজী শিজিন্নদুনা অৱাংনোংপোক্তা পাইখৎকদৌরিবা দিবলপমেন্ত প্রোজেক্তশিংদা মতেং পাংলগনি অমসুং অৱাংনোংপোক লমদমগী রাজ্য নিপান পুম্নমক্তা ইনফ্রাস্ত্রকচর প্রোজেক্তশিং নিংথিনা পাইখৎননবগীদমক সেতলাইত ইমেজিং অমসুং অতোপ্পা স্পেস তেক্নোলোজী এপ্লিকেসনশিং শিজিন্নদুনা অচৌবা থৌদাং লৌরগনি হায়না দা. জিতেন্দ্র সিংহনা ফোংদোকখ্রে৷ হৌজিক হৌজিক পাইখৎলিবা য়াম্না মরু ওইবা প্রোজেক্তশিংগী মনুংদা খরা অদুদি ফোরেস্ত গেপ এরিয়াশিং মেপ্পিং তৌবা, হোর্তিকল্চর দিবলপমেন্তগী লম পাকথোক চাওথোকহনবা, ৱেতলেন্দশিং খন্দোকপা অমসুং রেজুবিনেত তৌবা অমসুং ফ্লদৱাতর দাইবর্জন তৌবা, হিংননবগীদমক ৱাগী রিসোর্চশিং শিজিন্নবা অমসুং বোর্দর দিস্প্যুত মেনেজমেন্তনি হায়না মহাক্না ফোংদোকখ্রে৷

হৌখিবা চহি তরেৎ অসিদা অৱাং নোংপোক লমদমদা লৈরিবা রাজ্য নিপান খুদিংমক্তা পাইখৎখিবা দিবলপমেন্তেল প্রোজেক্তশিংগী কম্প্রিহেন্সিব দাতাবেজ অমা শেম্ননবা অমসুং মমাংগী চহি ৬৩ অসিগা য়েংনবা মতমদা সেক্তর পুম্নমক্না ফগৎলকখিবিগী ফিভম অদু উৎথোক্নবা দা. জিতেন্দ্র সিংহনা ওফিসিয়েলশিংদসু খঙহনখ্রে৷ প্রধান মন্ত্রীগী ফ্লেগশিপ প্রোজেক্তশিং অমসুং রাজ্য নিপান পুম্নমক্তা নরেন্দ্র মোদীনা উরেপ-উয়ুং তম্লিবা ফাউন্দেসন পুম্নমক দিবলপমেন্তেল দাতাবেজ অসিদা শোইদনা উৎকদবনি হায়না মহাক্না ফোংদোকখি৷

২০২০গী ওক্তোবর থাদা লাওথোকখিবা অত্ম নির্ভর ভারত পেকেজ অদুসু মহাক্না পনখি৷ পেকেজ অসিদা স্তেতস পেকেজকী ওইনা কেপিতেল এক্সপেন্দিচর বুস্তকী মখাদা রাজ্যশিং অসিদা চহি ৫০গী ইন্তরেস্ত-ফ্রী লোন ওইনা অৱাং নোংপোক রাজ্য নিপান খুদিংমক্তা লুপা কোতি ২০০-২০০গী শেনফম খাকখ্রে৷

পোস্ত-কোবিদ দিবলপমেন্তেল এক্তিবিতীশিং মখা চত্থনবা অমসুং লাইনা-লাইচৎ অসিগী মনুংদা মাংখিবা খুদোংচাবশিং অদু অমুক হন্না লৌশিনবা ঙম্ননবা হোৎনসি হায়না দা. জিতেন্দ্র সিংহনা ওফিসিয়েলশিংদা ফোংদোক্লদুনা মীফম অদু লোইশিনখি৷

*****