কঞ্জ্যুমর এফিয়র্স, ফুদ প্রোসেসিং অমসুং পাব্লিক দিস্ত্রিব্যুসন মন্ত্রালয়

২০২৫ ফাওবগী মনুংদা ইথানোল দিস্তিলেসন কেপাসিতী শরুক অনি হেনগৎলগনি অমসুং ২০% ব্লেন্দেদ তার্গেৎ ফংলগনি:- দিপার্তমেন্ত ওফ ফুদ, পব্লিক দিস্ত্রিব্যুসনগী সেক্রেতরী

ই.বি.পি.না ক্রুদ ওইল ইম্পোর্ত বিলদা লুপা কোতি ৩০,০০০ হেনবগী ফোরেন্দ একচেঞ্জ কল্লগনি, মপান লমশিংদগী পুশিল্লক্লিবা ফোজিল ফ্যুলদা মখা পোনবা হন্থহল্লগনি অমসুং পেত্রোলিয়ম সেক্তরদা অত্মনির্ভর ভারতকী গোল অদু ফংনবা হোৎনবদা মতেং পাংলগনি হায়না থাজনরি: শ্রী সুধানশু পান্দে

মসিগী ইন্তরবেন্সন অসিদগী চু থারিবা লৌমী অমসুং মখোয়গী ইমুং-মানুং কোতি ৫রোম অমসুং চিনিগী মিলশিং অমসুং অতোপ্পা এন্সিলরী এক্তিবিতীশিংদা থবক শুরিবা ৱার্কর লাখ ৫না কান্নবা ফংলগনি: শ্রী পান্দে

হৌখিবা চহি ৬ অসিদা সরকারনা শেমখিবা পোলিসী চেঞ্জেসশিং অসিনা মরম ওইদুনা, মোলাসেস-বেজ দিস্তিলেরিশিংগী কেপাসিতী অদু শরুক অনি হেনগৎখ্রে

দিস্তিলেরীশিংনা এফ.সি.আই.দা ফংলিবা চেং অমসুং চুজাক অসিদগী ইথানোল শুংনবা হোৎনবদা সরকারনা পুক্নিং থৌগৎলি

দিপার্তমেন্ত ওফ ফুদ, পব্লিক দিস্ত্রিব্যুসনগী সেক্রেতরীনা ইথানোল ব্লেন্দিং ৱিথ পেত্রোল(ই.বি.পি.) প্রোগ্রামগী মতাংদা মেদিয়াগী মীওইশিংদা তেল্লপনা ফোংদোকখ্রে

Posted On: 15 JUN 2021 3:18PM by PIB Imphal

দিপার্তমেন্ত ওফ ফুদ, পব্লিক দিস্ত্রিব্যুসনগী সেক্রেতরী শ্রী সুধানশু পান্দেনা ঙসি ইথানোল ব্লেন্দিং ৱিথ পেত্রোল(ই.বি.পি.) প্রোগ্রামগী মতাংদা মেদিয়াগী মীওইশিংদা তেল্লপনা ফোংদোকখ্রে৷

২০২০-২৫দা ভারত্তা  ইথানোল ব্লেন্দিং তৌবগী রোদমেপ অদু প্রধান মন্ত্রী শ্রী নরেন্দ্র মোদীনা ২০২১গী জুন ৫দা (ৱার্লদ এনবাইরোনমেন্ত দে) রিলিস তৌখ্রে৷ ২০২৩গী এপ্রীল থা ফাওবগী মনুংদা ফংগদৌরিবা ই২০ ফ্যুল শেম্বগী নোতিফিকেসন থোকখ্রে৷

ই১২ অমসুং ই১৫গী বি.আই.এস. স্পেসিফিকেসনশিংসু ২০২১গী জুন ২দা নোতিফাই তৌখ্রে৷ পুনেগী মফম ৩দগী থাদোরক্লিবা ই ১০০গী পাইলোত প্রোজেক্তসু প্রধান মন্ত্রীনা লোঞ্চ তৌখ্রে৷

দিমান্দ অমসুং সপ্লাই সাইদ ইসুশিং অসি থেংননবা লৌখৎলিবা তোঙান তোঙানবা খোঙথাংশিং অসিনা মরম ওইদুনা, ২০২৫ ফাওবগী মনুংদা লৈবাক অসিদা ইথানোল দিস্তিলেসন কেপাসিতীশিং অসি শরুক অনিদা হেনগৎলগনি অমসুং ঐখোয়না ২০%ব্লেন্দিং তার্গেৎ ফংবা ঙম্লগনি হায়না দি.এফ.পি.দি.গী সেক্রেতরীনা ফোংদোকখ্রে৷

ই.বি.পি.না লৈবাক অসিগী ইকোনোমীদসু পোজিতিব ইমপেক্ত পীরগনি হায়না শ্রী পান্দেনা ফোংদোকখ্রে৷ মসিনা লৈবাক অসিদা শাজবা, পোলুসন থোকহন্দবা অমসুং ভর্চুয়েল্লী ইনএগজোস্তিবল ওইরবা ইথানোল অসি ফ্যুল ওইনা শিজিন্ননবা অমসুং ই২০ ফ্যুল শিজিন্নবা অসিনা কার্বোন মোনোক্সাইদ থাদোকপগী চাং ৩০-৫০% অমসুং হাইদ্রোকার্বোননা ২০% হন্থহন্দুনা অকোইবগী ফিভম অমসুং ইকো-সিস্তেম অসি হেন্না ফহল্লগনি হায়না মহাক্না ফোংদোকখ্রে৷

ব্লেন্দিং তার্গেৎশিং অসি ফংবা ঙম্নবা, সরকারনা চিনিগী মিলশিং অমসুং দিস্তিলেরীশিং অসিনা মখোয়গী দিস্তিলেসন কেপাসিতীশিং অসি হেনগৎহন্নবা পুক্নিং থৌগৎলি অমসুং সরকারনা মখোয়শিং অসিবু বেঙ্কশিংদগী লোন লাইনা ফংহল্লি৷

২০১৩-১৪দগী ২০১৮-১৯ ফাওবদা, ফ্যুল গ্রেদ ইথানোল পুথোকপদা অমসুং ও.এম.সি.শিংদা সপ্লাই তৌবগী চাং শরুক ৫ হেনগৎখ্রে হায়না মহাক্না ফোংদোকখ্রে৷ ই.এস.ৱাই ২০১৮-১৯দা, ঐখোয়না ইতিহাসিক ওইরবা মওং অমদা লিতর কোতি ১৮৯গী চাং য়ৌনা ৱাংনা পুথোক্তুনা ৫% ব্লেন্দিং ফংবা ঙমখ্রে৷ হৌজিক চৎলিবা ইথানোল সপ্লাই ইয়র ২০২০-২১ অসিদা, ইথানোল লিতর কোতি ৩০০ হেন্না ও.এম.সি.শিংদা সপ্লাই তৌরদুনা ব্লেন্দিং লেবেল ৮দগী ৮.৫% ফাওবা ফংলবা য়াই হায়না পানরি৷ ঐখোয়না ২০২২ ফাওবগী মনুংদা ১০% ব্লেন্দিং তার্গেৎ ফংলবা য়াই হায়নসু পানরি৷

কেপাসিতী হাপচিল্লকপা/ অনৌবা দিস্তিলেরীশিংদা লুপা কোতি ৪১,০০০গী চাংদা থাদরক্কদৌরিবা অসিনা মরম ওইদুনা, খুঙ্গংশিংগী মফমশিংদা তোঙান তোঙানবা মখলগী অনৌবা থবক্কী খুদোংচাবশিং ফংহল্লগনি অমসুং এগ্রীকল্চরেল ইকোনোমী হেন্না চাওখৎহল্লগনি হায়না মহাক্না মখাতানা ফোংদোকখি৷ মসিনা ক্রুদ ওইল ইম্পোর্ত বিলদা লুপা কোতি ৩০,০০০ হেনবগী ফোরেন্দ একচেঞ্জ কল্লগনি অমসুং মপান লমশিংদগী পুশিল্লক্লিবা ফোজিল ফ্যুলদা মখা পোনবা হন্থহল্লগনি অমসুং পেত্রোলিয়ম সেক্তরদা অত্মনির্ভর ভারতকী গোল অদু ফংবা ঙম্লগনি হায়না শ্রী পান্দেনা ফোংদোকখ্রে৷

লাক্কদৌরিবা চিনিগী চহি ২০২১-২২ অসিদা, চিনি এল.এম.তি. ৩৫গী চাংদা ওন্থোক্লগনি অমসুং ২০২৫ ফাওবগী মনুংদা চিনি এল.এম.তি. ৬০গী চাং অসি ইথানোল ওন্থোক্নবা পান্দম থম্লি৷ মসিনা চু/চিনি কা হেন্না পুথোকপগী প্রোব্লেম সোল্ব তৌরগনি৷ হৌখিবা চিনিগী চহি ৩ অসিদা, চিনিগী মিলশিং/দিস্তিলেরীশিংনা ইথানোল অসি ও.এম.সি.শিংদা য়োন্দুনা লুপা কোতি ২২,০০০গী রেভেন্যু খোমগৎখ্রে হায়না শ্রী পান্দেনা ফোংদোকখ্রে৷

মসিগী ইন্তরবেন্সন অসিদগী চু থারিবা লৌমী অমসুং মখোয়গী ইমুং-মানুং কোতি ৫রোম অমসুং চিনিগী মিলশিং অমসুং অতোপ্পা এন্সিলরী এক্তিবিতীশিংদা থবক শুরিবা ৱার্কর লাখ ৫না কান্নবা ফংলগনি  হায়না শ্রী পান্দেনা ফোংদোকখ্রে৷ ইথানোল য়োনবনা চিনি য়োনবদগী হেন্না শেন্দোং লৈবনা চুদা লৈরিবা দ্যুশিং অদু চু থারিবা লৌমীশিংনা মতম চানা ফংবা ঙম্লগনি৷ সরকার অসিনা অহেনবা চুশিং অদু ইথানোলদা ওন্থোক্নবা চিনিগী মিলশিংদা হায়রি৷

২০১৪ চহি ফাওবদা, মোলাসেস-বেজ দিস্তিলেরীশিংগী ইথানোল দিস্তিলেসন কেপাসিতী অসি লিতর কোতি ২০০গী মখাদা লৈরম্মী হায়না দি.এফ.পি.দি.গী সেক্রেতরীনা মখাতানা তেল্লপনা ফোংদোকখ্রে৷ ইথানোল সপ্লাই ইয়র(ই.এস.ৱাই.) ২০১৩-১৪দা ব্লেন্দিং লেব্ল ১.৫৩% খক্তমক য়াওদুনা ও.এম.সি.শিংদা সপ্লাই তৌখিবা ইথানোল অদু লিতর কোতি ৩৮ খক্তনি৷ অদুমওইনমক, হৌখিবা চহি ৬ অসিদা সরকারনা শেমখিবা পোলিসী চেঞ্জেসশিং অসিনা মরম ওইদুনা মোলাসেস-বেজ দিস্তিলেরিশিংগী কেপাসিতী অদু শরুক অনি হেনগৎখ্রে  অমসুং হৌজিক হৌজিক লিতর কোতি ৪৪৫ ওইরি৷ গ্রেন-বেজ দিস্তিলেরীশিংগী কেপাসিতী অসি হৌজিক হৌজিক লিতর কোতি ২৫৮গী চাং ওইরি৷

ইথানোল সপ্লাই ইয়র ২০২০-২১গী ওইনদি, রো মেতরিয়েলগী মমল অমসুং শুংদোকপগী মমলশিং অসিগী মতুং ইন্না তোঙান তোঙানবা ফীদ স্তোকশিংদগী ফংলিবা ইথানোলগী এক্স-মিল মমল অদু সরকারনা হৌজিক্তি হেনগৎখ্রে হায়না শ্রী পান্দেনা ফোংদোকখ্রে৷ ফ্যুল গ্রেদ ইথানোল পুথোকপগী চাং অসি হেনগৎননবা, এফ.সি.আই.দা ফংলিবা চেং অমসুং চুজাক অসিদগী ইথানোল শুংনবা হোৎনবদা সরকারনসু পুক্নিং থৌগৎলি  হায়না শ্রী পান্দেনা ফোংদোকখ্রে৷

চুজাক অমসুং এফ.সি.আই. চেংদগী শুংলিবা ইথানোলগী মমল অদু সরকারনা লেপ্পী৷ ফুদ গ্রেনশিংদগী ইথানোল/অল্কোহোল পুথোক্নবা, অহেনবা ফুদ গ্রেন এল.এম.তি. ১৬৫ হেন্না শিজিন্নরগনি;  অসিগুম্না ফুদ গ্রেনশিং হেন্না শিজিন্নরকপা অসিনা লৌমীশিংদা য়াম্না চাওনা কান্নহল্লগনি৷ মখোয়না মখোয়গী পোত্থোকশিং অদুগীদমক হেন্না শাফবা মমলশিং ফংবা ঙম্লগনি অমসুং পোত্থোক অদুবু লৈরিবা মীয়ামশিং অদুবুসু থাজবা পীবা ঙম্লগনি অমসুং মসিনা লৈবাক অসিদা লৈরিবা লৌমী কোতি কয়াগী ইনকমসু হেনগৎহল্লগনি৷

হেন্দ সেনিতাইজরশিংগী মতাংদা তেল্লপনা ফোংদোক্লদুনা, কোবিদ-১৯গী মমাংদা চহি অমদা পুথোক্লিবা হেন্দ সেনিতাইজরগী চাং অসি লিতর লাখ ১০রোম্নি অমসুং হায়রিবশিং অসি মরু ওইনা হোস্পিতালশিংদা শিজিন্নৈ৷ কোবিদ-১৯ অসি থেংনবা মতমদা সেনিতাইজরগী য়াম্না মরু ওইবা থৌদাং অদু য়েংলগা, সেনিতাইজরশিং অসি ইন্দস্ত্রীশিংনা হেন্না পুথোক্নবা ইন্দস্ত্রী অমসুং রাজ্য সরকারশিংগা খুৎশম্নদুনা দি.এফ.পি.দি.না হোৎনখ্রে৷

দি.এফ.পি.দি. অমসুং রাজ্য সরকারশিংনা পুন্না হোৎনমিন্নদুনা, দিস্তিলেরী/ইন্দিপেন্দেন্ত য়ুনিত ৯০০ হেনবনা হেন্দ সেনিতাইজর অসি পুথোক্নবগী অয়াবা ফংখ্রে৷ হেন্দ সেনিতাইজর পুথোক্নবগী ইন্সতোল্দ কেপাসিতী অসি নোংমদা লিতর লাখ ৩০দা হেনগৎখ্রে৷

৩১.০৫.২০২১ ফাওবদা, হেন্দ সেনিতাইজর লিতর কোতি ৩.৯গী চাং পুথোকখ্রে৷ লৈবাক অসিদা সেনিতাইজর পুথোকপগী চাং ৱাংলিবা অসি য়েংলগা, সেনিতাইজরশিং অসি মপান লৈবাকশিংদা এক্সপোর্ত তৌবা য়াহন্দুনা লৈবাক অসিগীদমক য়াম্লবা শেনফম কয়া তানবা ঙমখ্রে হায়না শ্রী পান্দেনা ফোংদোকখ্রে৷

******



(Release ID: 1727734) Visitor Counter : 60