کیمیکل اور فرٹیلائزر س کے وزیر مملکت جناب من سکھ منڈاویہ نے آج ورچوئل طریقہ سے ہماچل پردیش کے کانگڑا ضلع کے پراگ پور میں پردھان منتری جن اسوشدھی کیندر کا افتتاح کیا۔

आज प्रागपुर, कांगड़ा, हिमाचल प्रदेश में नए जन औषधि केंद्र का उदघाटन किया।

जनऔषधि केंद्र खुलने के कारण लोगों को गुणवत्तापूर्ण दवाइयाँ सस्ते दामों पर मिलने लगी है। जिससे अब बचत भी हो रही है और तंदुरुस्त जीवन का तौफ़ा भी मिल रहा है।#JanJanTakJanAushadhi pic.twitter.com/X2gdJO7fqb

— Mansukh Mandaviya (@mansukhmandviya) June 14, 2021

اس موقع پر جناب من سکھ منڈاویہ نے کہا کہ جن اوشدھی کیندروں نے سستی شرح پر معیاری جینرک دوا دستیاب کرانے کے وزیراعظم کے خواب کو پورا کیا ہے ۔ انہوں نے آج کانگڑا میں جن اوشدھی کیندر کھولنے پر   روشنی ڈالتے ہوئے کہا کہ ان کیندروں سے مقامی لوگوں کو سستی قیمتوں پر معیاری دوائیں حاصل کرنے میں مدد ملے گی۔

انہوں نے کہا کہ کووڈ-19 وبا جیسی صورتحال میں جن اوشدھی کیندروں کا رول کافی اہم ہوگیا ہے۔ غریبوں  اور ضرورت مندوں کی خدمت کے لئے 7836 جن اوشدھی کیندر  دن رات کام کررہے ہیں۔ جناب منڈاویہ نے بتایا کہ کئی جن اوشدھی کیندروں نے سستی اور معیاری جینرک دوائیں  فروخت کرنے کے علاوہ ، لاک ڈاون کے دوران ضرورت مند لوگوں کو راشن کٹ ، پکا ہوا کھانا، مفت دوائیں وغیرہ تقسیم کرنے کا کام کیا ہے۔

جناب منڈاویہ نے بتایا کہ حکومت نے مارچ 2024 تک پردھان منتری بھارتی جن اوشدھی کیندروں (پی ایم بی جے کے) کی تعداد بڑھا کر 10000 کرنے کا نشانہ رکھا ہے۔ 11 جون 2021 تک جن اوشدھی کیندروں کی تعداد بڑھ کر 7836 ہوگئی ہے۔ انہوں نے کہا کہ اسی طرح ، پورے ہماچل پردیش میں کل 66 جن اوشدھی کیندر کھولے گئے ہیں۔

پردھان منتری بھارتی جن اوشدھی پروجیکٹ  - پی ایم بی جے پی کے تحت ملک کے سبھی ضلع شامل کئے گئے ہیں ۔ پی ایم بی جے پی ملک کے کونے کونے میں لوگوں تک سستی دوا  سہل رسائی کو یقینی بنارہا ہے۔

*******

ش ح۔ ف  ا- م ص

(U:5460)