3 ಡಿ ಮುದ್ರಣ ಮತ್ತು ಔಷಧಿಗಳ ಸಂಯೋಜನೆಯು ಒಂದು ಹೊಸ ರೀತಿಯ ಮುಖಗವಸಿಗೆ ಕಾರಣವಾಗಿದೆ, ಇದು ವೈರಸ್ ಕಣಗಳು ಸಂಪರ್ಕಕ್ಕೆ ಬಂದಾಗ ವೈರಸ್ ಮೇಲೆ ದಾಳಿ ಮಾಡುತ್ತದೆ.  ಪುಣೆ ಮೂಲದ ನವೋದ್ಯಮ ಸಂಸ್ಥೆ ಥಿಂಕ್ರ್ ಟೆಕ್ನಾಲಜೀಸ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್ ಅಭಿವೃದ್ಧಿಪಡಿಸಿದ ಈ ಮುಖಗವಸುಗಳನ್ನು ವೈರಸಿಡ್ಸ್ ಎಂದು ಕರೆಯಲ್ಪಡುವ  ಆಂಟಿ-ವೈರಲ್ ಏಜೆಂಟ್ಗಳೊಂದಿಗೆ ಲೇಪಿಸಲಾಗಿದೆ.  ಕೋವಿಡ್-19ರ ವಿರುದ್ಧದ ಸರ್ಕಾರದ ಹೋರಾಟದ ಭಾಗವಾಗಿ ಭಾರತ ಸರ್ಕಾರದ ವಿಜ್ಞಾನ ಮತ್ತು ತಂತ್ರಜ್ಞಾನ ಇಲಾಖೆಯ ಶಾಸನಬದ್ಧ ಸಂಸ್ಥೆಯಾದ ತಂತ್ರಜ್ಞಾನ ಅಭಿವೃದ್ಧಿ ಮಂಡಳಿ (ಟಿಡಿಬಿ) ವಾಣಿಜ್ಯೀಕರಣಕ್ಕಾಗಿ ಆಯ್ಕೆ ಮಾಡಿದ ಆರಂಭಿಕ ಯೋಜನೆಗಳಲ್ಲಿ ವೈರಸಿಡಲ್ ಮಾಸ್ಕ್ ಯೋಜನೆಯು ಸೇರಿದೆ.

ಮೇ 2020 ರಲ್ಲಿ ಕೋವಿಡ್-19ರ ವಿರುದ್ಧ ಹೋರಾಡಲು ಹೊಸ ಪರಿಹಾರಗಳ ಹುಡುಕಾಟದ ಭಾಗವಾಗಿ ಈ ಯೋಜನೆಯು ಟಿಡಿಬಿ ಯಿಂದ ಹಣಕಾಸಿನ ನೆರವು ಪಡೆಯಿತು. ಇದರ ನಂತರ, ಮುಖಗವಸುಗಳನ್ನು ಅಭಿವೃದ್ಧಿಪಡಿಸಲು 2020 ರ ಜುಲೈ 8ರಂದು ಒಪ್ಪಂದಕ್ಕೆ ಸಹಿ ಹಾಕಲಾಯಿತು. ಸಾಮಾನ್ಯ ಎನ್-95, 3-ಪ್ಲೈ ಮತ್ತು ಬಟ್ಟೆ ಮುಖಗವಸುಗಳಿಗೆ ಹೋಲಿಸಿದರೆ, ಕೋವಿಡ್ -19ರ ಹರಡುವಿಕೆಯನ್ನು ತಡೆಯುವಲ್ಲಿ ಈ ಮೌಲ್ಯಕ್ಕೆ ತಕ್ಕನಾದ  ಮುಖಗವಸುಗಳು ಹೆಚ್ಚು ಪರಿಣಾಮಕಾರಿ ಎಂದು 2016ರಲ್ಲಿ ಪ್ರಾರಂಭಗೊಂಡ ಸಂಸ್ಥೆ ಹೇಳಿಕೊಂಡಿದೆ.

ಉತ್ತಮ ಗುಣಮಟ್ಟದ ಹೆಚ್ಚು ಪರಿಣಾಮಕಾರಿ ಮುಖಗವಸುಗಳ ಅಗತ್ಯದ ಪೂರೈಕೆ

ಹೊಸ ಔಷಧೀಯ ಸೂತ್ರೀಕರಣಗಳು ಮತ್ತು ವಿವಿಧ ಔಷಧಿಗಳ  ಮದ್ದು ಹೊಂದಿರುವ ಫಿಲಮೆಂಟಗಳನ್ನು ಕಂಡುಹಿಡಿಯಲು ಥಿಂಕ್ರ್ ಟೆಕ್ನಾಲಜೀಸ್ ಇಂಡಿಯಾ ಫ್ಯೂಸ್ಡ್ ಡಿಪಾಸಿಷನ್ ಮಾಡೆಲಿಂಗ್ (ಎಫ್ಡಿಎಂ) 3 ಡಿ-ಪ್ರಿಂಟರ್ಗಳ ಅಭಿವೃದ್ಧಿಯಲ್ಲಿ ಕಾರ್ಯನಿರ್ವಹಿಸುತ್ತದೆ. ಸಂಸ್ಥಾಪಕ ನಿರ್ದೇಶಕರಾದ ಡಾ. ಶೀತಲ್  ಕುಮಾರ್ ಜಾಂಬಾದ್ ವಿವರಿಸುತ್ತಾರೆ: “ಸಾಂಕ್ರಾಮಿಕ ರೋಗದ ಆರಂಭಿಕ ದಿನಗಳಲ್ಲಿ ನಾವು ಸಮಸ್ಯೆ ಮತ್ತು ಸಂಭವನೀಯ ಪರಿಹಾರಗಳ ಬಗ್ಗೆ ಯೋಚಿಸಲು ಪ್ರಾರಂಭಿಸಿದ್ದೇವೆ. ಮುಖಗವಸುಗಳ ಬಳಕೆಯು ಸೋಂಕನ್ನು ತಡೆಗಟ್ಟುವ ಪ್ರಮುಖ ಸಾಧನವಾಗಿ ಸಾರ್ವತ್ರಿಕವಾಗಲಿದೆ ಎಂದು ನಾವು ತಿಳಿದಿದ್ದೇವೆ. ಆದರೆ ಆಗ ಲಭ್ಯವಿರುವ ಮತ್ತು ಸಾಮಾನ್ಯ ಜನರ ವ್ಯಾಪ್ತಿಯಲ್ಲಿರುವ ಹೆಚ್ಚಿನ ಮುಖಗವಸುಗಳು ಮನೆಯಲ್ಲಿಯೇ ಮತ್ತು ಕಡಿಮೆ ಗುಣಮಟ್ಟದವು ಎಂದು ನಾವು ಅರಿತುಕೊಂಡೆವು. ಉತ್ತಮ ಗುಣಮಟ್ಟದ ಮುಖಗವಸುಗಳ ಅವಶ್ಯಕತೆಯೇ ಇದು ಸೋಂಕಿನ ಹರಡುವಿಕೆಯನ್ನು ಕಡಿಮೆ ಮಾಡಲು ಉತ್ತಮ ವಿಧಾನವಾಗಿ ಮೌಲ್ಯಕ್ಕೆ ತಕ್ಕನಾದ  ಮತ್ತು ಹೆಚ್ಚು ಪರಿಣಾಮಕಾರಿಯಾದ ವೈರಸಿಡಲ್ ಲೇಪಿತ ಮುಖಗವಸುಗಳನ್ನು ಅಭಿವೃದ್ಧಿಪಡಿಸಲು ಮತ್ತು ವ್ಯಾಣಿಜ್ಯೀಕರಣಗೊಳಿಸಲು ಒಂದು ಯೋಜನೆಯನ್ನು ಕೈಗೊಳ್ಳಲು ಕಾರಣವಾಯಿತು ”.

ಅಭಿವೃದ್ಧಿಯ ಪಯಣ

ಈ ಗುರಿಯೊಂದಿಗೆ, ಥಿಂಕ್ರ್ ಟೆಕ್ನಾಲಜೀಸ್ ವೈರಸಿಡಲ್ ಲೇಪನ ಸೂತ್ರೀಕರಣಗಳನ್ನು ಅಭಿವೃದ್ಧಿಪಡಿಸುವತ್ತ ಗಮನಹರಿಸಲು ಪ್ರಾರಂಭಿಸಿತು. ಇದನ್ನು ನೆರುಲ್ ನಲ್ಲಿರುವ ಮೆರ್ಕ್ ಲೈಫ್ ಸೈನ್ಸಸ್ ನ ಬೆಂಬಲದೊಂದಿಗೆ ಅಭಿವೃದ್ಧಿಪಡಿಸಲಾಗಿದೆ, ಇದರ ಸಂಶೋಧನಾ ಸೌಲಭ್ಯವನ್ನು ಈ ಉದ್ದೇಶಕ್ಕಾಗಿ ಬಳಸಲಾಯಿತು. ಬಟ್ಟೆಯ ಪದರವನ್ನು ಲೇಪಿಸಲು ಲೇಪನ ಸೂತ್ರೀಕರಣವನ್ನು ಬಳಸಲಾಗಿದೆ ಮತ್ತು ಲೇಪನದ ಏಕರೂಪತೆಗಾಗಿ 3 ಡಿ ಮುದ್ರಣ ತತ್ವವನ್ನು ಬಳಸಲಾಯಿತು. ಲೇಪಿತ ಪದರವನ್ನು ಮರು ಬಳಸಬಹುದಾದ ಫಿಲ್ಟರ್ ಗಳ ಜೊತೆಗೆ ಎನ್ -95 ಮುಖಗವಸುಗಳು, 3-ಪ್ಲೈ ಮುಖಗವಸುಗಳು, ಸರಳ ಬಟ್ಟೆ ಮುಖಗವಸುಗಳು, 3 ಡಿ ಮುದ್ರಿತ ಅಥವಾ ಇತರ ಪ್ಲಾಸ್ಟಿಕ್ ಕವರ್ ಮುಖಗವಸುಗಳು ಹೆಚ್ಚುವರಿ ಪದರವಾಗಿ ಸೇರಿಸಿಕೊಳ್ಳಬಹುದು.  ಈ ಮುಖಗವಸುಗಳು ಶೋಧನೆ ಕಾರ್ಯವಿಧಾನಗಳ ರಕ್ಷಣೆಯನ್ನು ಮೀರಿ ಹೆಚ್ಚುವರಿ ರಕ್ಷಣೆ ನೀಡುತ್ತದೆ.

ಲೇಪನವನ್ನು ಪರೀಕ್ಷಿಸಲಾಗಿದೆ ಮತ್ತು SARS-COV-2 ವೈರಸ್ ಅನ್ನು ನಿಷ್ಕ್ರಿಯಗೊಳಿಸಲು ತೋರಿಸಲಾಗಿದೆ. ಮುಖಗವಸಿನ ಮೇಲೆ ಲೇಪನಕ್ಕೆ ಬಳಸುವ ವಸ್ತುವು ಸೋಡಿಯಂ ಒಲೆಫಿನ್ ಸಲ್ಫೋನೇಟ್ ಆಧಾರಿತ ಮಿಶ್ರಣವಾಗಿದೆ. ಇದು ಹೈಡ್ರೋಫಿಲಿಕ್ ಮತ್ತು ಹೈಡ್ರೋಫೋಬಿಕ್ ಗುಣಲಕ್ಷಣಗಳನ್ನು ಹೊಂದಿರುವ ಸಾಬೂನು ರೂಪಿಸುವ ಏಜೆಂಟ್ ಆಗಿದೆ.  ಸುತ್ತುವರೆದ ವೈರಾಣುಗಳ ಸಂಪರ್ಕದಲ್ಲಿ, ಇದು ವೈರಾಣುವಿನ ಹೊರ ಪೊರೆಯನ್ನು ಅಡ್ಡಿಪಡಿಸುತ್ತದೆ.  ಇದರಲ್ಲಿ ಬಳಸಿದ ವಸ್ತುಗಳು ಕೋಣೆಯ ಉಷ್ಣಾಂಶದಲ್ಲಿ ಸ್ಥಿರವಾಗಿರುತ್ತವೆ ಮತ್ತು ಸೌಂದರ್ಯವರ್ಧಕಗಳಲ್ಲಿ ವ್ಯಾಪಕವಾಗಿ ಬಳಸಲಾಗುತ್ತದೆ.

ಈ ಮರುಬಳಕೆ ಮಾಡಬಹುದಾದ ಮುಖಗವಸುಗಳ ಫಿಲ್ಟರ್ಗಳನ್ನು ಸಹ 3D ಮುದ್ರಣವನ್ನು ಬಳಸಿ ಅಭಿವೃದ್ಧಿಪಡಿಸಲಾಗಿದೆ. ಇದಲ್ಲದೆ, ಮುಖಗವಸುಗಳ ಬ್ಯಾಕ್ಟೀರಿಯಾದ ಶೋಧನಾ ದಕ್ಷತೆಯು 95% ಕ್ಕಿಂತ ಹೆಚ್ಚಿವೆ ಎಂದು ಡಾ. ಜಾಂಬಾದ್ ಹೇಳುತ್ತಾರೆ. “ಈ ಯೋಜನೆಯಲ್ಲಿ, ಮೊದಲ ಬಾರಿಗೆ, ಪ್ಲಾಸ್ಟಿಕ್-ಮೌಲ್ಡಡ್ ಅಥವಾ 3 ಡಿ-ಮುದ್ರಿತ ಮುಖಗವಸುಗಳ ಕವರ್ ಗಳಿಗೆ ನಿಖರವಾಗಿ ಹೊಂದಿಕೊಳ್ಳಲು ಮಲ್ಟಿಲೇಯರ್ ಬಟ್ಟೆ ಫಿಲ್ಟರ್ಗಳನ್ನು ತಯಾರಿಸಲು ನಾವು 3D- ಮುದ್ರಕಗಳನ್ನು ಬಳಸಿದ್ದೇವೆ”.

ಥಿಂಕ್ರ್ ಟೆಕ್ನಾಲಜೀಸ್ ಇಂಡಿಯಾ ಪ್ರೈ. ಲಿಮಿಟೆಡ್ ಈ ಉತ್ಪನ್ನಕ್ಕಾಗಿ ಪೇಟೆಂಟ್ ಗಾಗಿ ಅರ್ಜಿ ಸಲ್ಲಿಸಿದೆ. ವಾಣಿಜ್ಯ ಪ್ರಮಾಣದ ಉತ್ಪಾದನೆ ಕೂಡ ಪ್ರಾರಂಭವಾಗಿದೆ ಎಂದು ಡಾ.ಜಾಂಬಾದ್ ಮಾಹಿತಿ ನೀಡಿದರು.  ಆರೋಗ್ಯ ಕಾರ್ಯಕರ್ತರ ಬಳಕೆಗಾಗಿ ಮತ್ತು ಬೆಂಗಳೂರಿನ ಬಾಲಕಿಯರ ಶಾಲೆ ಮತ್ತು ಕಾಲೇಜಿಗೆ,  ನಂದೂರ್ಬಾರ್, ನಾಸಿಕ್ ಮತ್ತು ಬೆಂಗಳೂರಿನ ನಾಲ್ಕು ಸರ್ಕಾರಿ ಆಸ್ಪತ್ರೆಗಳಿಗೆ 6,000 ವೈರಸಿಡಲ್ ಮುಖಗವಸುಗಳನ್ನು ವಿತರಿಸಲಾಗಿದೆ.

***