نئی دہلی14 جون2021: پٹرولیم اور قدرتی گیس   اور فولاد کے  مرکزی وزیر  جناب دھرمیندر پردھان اور مدھیہ پردیش کے وزیر اعلیٰ  جناب شیوراج سنگھ چوہان نے  آج ریاست  کے  ساگر  ضلع کے بینا میں غیر مستقل  کووڈ  اسپتال کا آغاز کیا۔  آکسیجن سے لیس   200 بستروں والے کووڈ  -19  دیکھ بھال مرکز  بی پی سی ایل کی بینا ریفائنری  کے نزدیک  بنایا گیا ہے ،جس کے لئے  بھارت پٹرولیم کارپوریشن لمٹیڈ   ( بی پی سی ایل  ) کی مالکانہ  اختیار والی  ماتحت  بھارت ، اومان  ریفائنری  لمٹیڈ کے ذریعہ   آکسیجن دستیاب کرائی گئی ہے۔

اس موقع  پر ایک ٹیکہ کاری مرکز کا بھی آغاز کیا گیا، جو  تمام فرنٹ لائن کارکنان اور ان کے  کنبوں  کی  مفت ٹیکہ کاری کے لئے بی او  آر ایل  کے ذریعہ  قائم کیا جارہا ہے۔ بی او آر ایل  ریفائنری   میں کام کررہے  تمام  صف اول    کے کارکنان   اور صف اول کے ملازمین کو  ٹیکہ  فراہم کرنے کی پہل  کی ہے ۔

دونوں معزز اشخاص  نے  آکسیجن  باٹلنگ  اور ری – فلنگ  پلانٹ کے لئے  سنگ بنیاد  بھی رکھا ۔ پلانٹ کی صلاحیت تقریباََ  25  ٹی آکسیجن  /  یومیہ  ( 2000 آکسیجن سلنڈر  /  یومیہ ) بوتل کی ہوگی اور  اس سے ضلع کے  آ س  پاس کے استپالو ں کی آکسیجن کی ضرورت   کو پورا کیا جائے گا۔

اس موقع پر مدھیہ پردیش کے وزیر  جناب  گوپال بھارگو ،  جناب بھوپیندر سنگھ ،  جناب گووند سنگھ  راجپوت،  ڈاکٹر اروند سنگھ بھدوریہ  ،  ساگر سے رکن  پارلیمان   جناب راج بہادر سنگھ ،  بینا کے  رکن اسمبلی  جناب مہیش رائے  موجود رہے ۔

اس موقع پر اپنے خطاب میں  جناب  دھرمیندر پردھان نے کہا کہ بینا ریفائنری اسپتال کو   ہر رو ز 90 فیصد خالص  دس ٹن  آکسیجن گیس  اور  یومیہ  4  لاکھ میٹر  پینے کے  پانی  کی سپلائی کے ذریعہ  تعاون کرے گی۔بی پی سی ایل  کی کوششوں کی ستائش کرتے  ہوئے  ،  انہوں نے کہا کہ بیناریفائنری  کو وڈ  -19  سے اثر دار  لڑائی میں  اسپتال کی  مجموعی تیاری کو   مضبوطی دینے کے لئے  پُر عز م ہے ۔

وبا پر قابو  پانے میں  ریاست کی کووڈ  انتظامیہ ماڈل  کے لئے  وزیر اعلیٰ اور ان کی ٹیم کو  مبارکباد دیتے ہوئے جناب پردھان نے کہا  کہ مدھیہ پردیش کے  50  اضلاع میں  پازیٹوٹی  شرح  گر کر  ایک فیصد سے نیچے آگئی ہے ۔کووڈ -19  وباکو  ایک صدی میں   ایک مرتبہ آنے والے بحران  سے  تعبیر کرتے ہوئے  ،  انہوں نے کہا کہ حکومت ہند   معزز وزیر  اعظم  جناب نریندر مودی کی قیادت  میں   کووڈ -19  کی   لہر کے خَلاف لڑنے اور  زندگیوں کی حفاظت  کی  مسلسل کوششیں کررہی ہے ۔  انہوں  نے کہا کہ  کووڈ سے تحفظ  اور  ملک میں   اس کی تیسری  لہر کو روکنے میں   ٹیکہ کاری ہی سب سے اچھا متبادل ہے ۔   تمام  لوگوں کو  مفت ویکسین  مہیا کرانے کی مہم  21  جون سے  شروع کی جائے گی۔ انہوں نے کہا کہ جلد ہی ملک میں  ویکسین کی کوئی کمی نہیں ہوگی۔

*************

ش ح۔ش ت ۔رم

U-5436