প্রধান মন্ত্রী, শ্রী নরেন্দ্র মোদীনা লুচিংবা ইকোনোমিক এফিয়র্সকী কেবিনেৎ কম্মিত্তীনা ফর্তিলাইজর্স বিভাগনা হৌদোরকপা ন্যু ইনভেস্তমেন্ত পোলিসী (এন.আই.পি.)-২০১২গী মনুং চন্না রামাগুন্দম ফর্তিলাইজর্স অমসুং কেমিকেল লিমিতেদ (আর.এফ.সি.এল.)গী কাংলোন্দা ওক্তোবর ৭, ২০১৪দা শেমদোকখিবা থৌওংশিং চৎনবগী মতম শাংদোকপগী ৱাফমগী অয়াবা পীখ্রে।

আর.এফ.সি.এল. অসি নেস্নেল ফর্তিলাইজর্স লিমিতেদ (এন.এফ.এল.), ইঞ্জিনিয়র্স ইন্দিয়া লিমিতেদ (ই.আই.এল.) অমসুং ফর্তিলাইজর্স কোর্পোরেসন ওফ ইন্দিয়া লিমিতেদ (এফ.সি.আই.এল.)না পুন্দুনা ১৭/২/২০১৫৮দা ইনকোর্পোরেৎ তৌখিবা জোইন্ত ভেঞ্চর কম্পেনী অমনি।  আর.এফ.সি.এল.না এফ.সি.আই.এল.গী হান্নগী রামাগুন্দম য়ুনিৎপু লাখ মেত্রিক তোন পর এন্নম (এল.এম.তি.পি.এ.) ১২.৭কী ইন্সতোল্দ কেপাসিতী লৈবা গ্যাস্তা য়ুম্ফম ওইবা অনৌবা গ্রীন ফিল্দ নীম কোতেদ য়ুরিয়া প্লান্ত অমা লিংখত্তুনা হিংগৎহল্লি। আর.এফ.সি.এল. য়ুরিয়া প্রোজেক্তকী অচঙবা শেনফম অসি লুপা করোর ৬১৫৬.০৬নি। আর.এফ.সি.এল. প্লান্ত অসিগী গ্যাস অসিনা জি.এস.পি.এল. ইন্দিয়া ত্রান্সকো লিমিতেদ (জি.তি.আই.এল.)গী এম.বি.বি.ভি.পি.এল. (মল্লাভরম-ভোপাল-ভিলৱারা-বিজয়পুর গ্যাস পাইপলাইন)গী খুত্থাংদগী জি.এ.আই.এল.না পীগনি।

মতমগা চানবা খুৎলায়না চলায়বা গ্যাস্তা য়ুম্ফম ওইবা আর.এফ.সি.এল. প্লান্ত অসি য়ুরিয়া সেক্তরদা মরোমদোম লেপচবা ঙম্নবগীদমক্তা এফ.সি.আই.এল./ঐচ.এফ.সি.এল.গী থিংজিনখ্রবা য়ুরিয়া য়ুনিৎশিংবু অমুক্কা হন্না মথৌ তৌবা হৌহন্নবা ভারত সরকারনা পায়খৎপা খোঙথাংগী শরুক অমনি। রামাগুন্দম প্লান্ত অসিনা মথৌ তৌবা হৌবদগী লৈবাক অসিগী য়ুরিয়া পুথোকপগী মতিক্তা এল.এম.তি.পি.এ. ১২.৭ হেনগৎহনগনি অমসুং য়ুরিয়া পুথোকপগী লমদা প্রধান মন্ত্রীনা “আত্মানির্ভর (মরোমদোম লেপচবা ঙম্বা)”গী মতাংদা মঙলিবা মঙলানবুসু মঙফাওনহনগনি। মসিনা খা-ভারতকী খ্বাইদগী চাওবা হার পুথোকপা য়ুনিৎশিংগী মরক্তা অমা ওইরগনি। প্রোজেক্ত অসিনা লৈবাক অসিগী ফুদ সেক্যুরিতী লৈহনবগী মথক্তা লৌমীশিংদা হার ফংবা হেনগৎহনবগা লোয়ননা লম্বী-শোরোক, রেলৱেজ, এন্সিলেরী ইন্দস্ত্রীনচিংবা ইনফ্রাস্ত্রকচর শেমগৎপগী থৌওং য়াওনা লমদম অসিগী শেন্মিৎলনবুসু চাউখৎহনগনি।

আর.এফ.সি.এল.গী সিঙ্গল ত্রেন লার্জেস্ত কেপাসিতী য়ুরিয়া প্লান্তশিংদা য়ুরিয়া পুথোকপদা ইনর্জী য়াম্না চঙহন্দনবা ঐচ.তি.ই.আর. (হালদর তোপ্সী এক্সচেঞ্জ রিফোর্মর)গী খ্বাইদগী নৌবা তেক্নোলোজী, খ্বাইদগী ফবা য়ুরিয়া প্রিল ফংনবা শিজিন্নবা মীতর ১৪০ ৱাংবা প্রিল্লিং তাৱর, নোংমদা এম.তি. ৪০০০গী য়ুরিয়া থাদোকপা ঙম্বগী মতিক লৈগদবা মপুং ফানা ওতোমেতেদ ওইরবা বোরা হান্নবা অমসুং রেল/ত্রক্তা য়ুরিয়া হাপ্নবা পথাপ, দি.সি.এস. (দিস্ত্রিব্যুতেদ কন্ত্রোল সীস্তেম) পাল্লবা এম.সি.আর. (মেইন কন্ত্রোল রুম), ই.এস.দি. (ইমর্জেন্সী শৎদাউন সীস্তেম ফোর ইম্পরুভ সেফতী অমসুং এভেবিলিতী), ওন-লাইন এম.এম.এস. (মেছিন মোনিতরিং সীস্তেম), ও.তি.এস. (ওপরেতর ত্রেনিং সাইম্যুলেতর), ইনভাইরনমেন্ত মোনিতরিং সীস্তেমগুম্বা তোপ-তোপ্পা মওং-মতৌ লৈরি। পথাপশিং অসি থৱাই-চঙবা, খোঙফম চেৎপা অমসুং নীংথিনা ত্রেন তৌরবা থৌওংশিংনা চলায়বনি।

ফেসিলিতী অসিনা তেলঙ্গানা অমসুং ভারতকী খা অমসুং ময়াই থংবা শরুক্কী রাজ্যশিং, মিং ওইনা পল্লবদা – আন্ধ্র প্রদেশ, করনাতকা, ছতিসগর, মহারাস্ত্রানচিংবগী য়ুরিয়াগী অপাম্বা পীবা ঙম্নবা পান্দম থম্লদুনা মালেমগী খ্বাইদগী ফবা তেক্নোলোজী কয়া শিজিন্নরি। আর.এফ.সি.এল.না পুথোকপা য়ুরিয়া অসি নেস্নেল ফর্তিলাইজর্স লিমিতেদনা য়োনগনি।

পনবা য়াবদি, ভারত সরকারনা এফ.সি.আই.এল./ঐচ.এফ.সি.এল.গী থিংজিনখ্রবা য়ুনিৎ ৫ – রামাগুন্দম (তেলঙ্গানা), তালচের (ওরিশা), গোরখপুর (উত্তর প্রদেশ), সিন্দ্রি (ঝারখন্দ) অমসুং বরাউনী (বিহার)দা লুপা করোর লিশিং ৪০ থাদদুনা মকোক থোংবা পি.এস.য়ু.শিংগী জোইন্ত ভেঞ্চর শেম্লিবা অসিগী খুত্থাংদা এল.এম.তি.পি.এ. ১২.৭কী মতিক লৈবা অনৌবা এমোনিয়া য়ুরিয়া প্লান্ত লিংখত্তুনা অমুক্কা হন্না হিংগৎহন্নবা থৌরাং চত্থরিবনি। প্লান্তশিং অসিনা থবক তৌবা হৌরক্লবা তুংদা, লৈবাক অসিদা য়ুরিয়া পুথোকপা অসি এল.এম.তি.পি.এ. ৬৩.৫গী চাংদা হেনগৎলগনি অমসুং মীরমদগী পুশিল্লকপসু হায়রিবা চাং অসি হন্থহনগনি। মসিদা নত্তনা, থৌওং অসিনা ফোরেন এক্সচেঞ্জকী য়াম্লবা শেম্ফম কনবা ঙমদুনা প্রধান মন্ত্রীনা “আত্মানির্ভর (মরোমদোম লেপচবা ঙম্বা)”গী মঙলিবা মঙলানবুসু মঙফাওনহন্দুনা য়ুরিয়া পুথোকপগী লমদা মরোমদোম লেপচবা ঙমহনগনি।

*****