3 ਭਾਰਤੀ ਯੂਨੀਵਰਸਿਟੀਆਂ ਨੇ ਕਿਊ ਐੱਸ ਵਰਲਡ ਯੂਨੀਵਰਸਿਟੀ ਰੈਂਕਿੰਗਸ 2022 ਵਿੱਚ ਚੋਟੀ ਦੇ 200 ਸਥਾਨ ਪ੍ਰਾਪਤ ਕੀਤੇ ਹਨ । ਆਈ ਆਈ ਐੱਸ ਸੀ ਬੈਂਗਲੁਰੂ ਨੇ ਵਿਸ਼ਵ ਵਿੱਚ ਖੋਜ ਲਈ ਪਹਿਲਾ ਰੈਂਕ ਪ੍ਰਾਪਤ ਕੀਤਾ ਹੈ । ਕਿਊ ਐੱਸ ਕੁਆਕੁਰੈਲੀ ਸਾਈਮੰਡਸ , ਵਿਸ਼ਵ ਉੱਚ ਸਿੱਖਿਆ ਮੁਲਾਂਕਣਕਾਰ ਨੇ ਵਿਸ਼ਵ ਦੀ ਅੰਤਰਰਾਸ਼ਟਰੀ ਯੂਨੀਵਰਸਿਟੀ ਰੈਂਕਿੰਗ ਦਾ ਅੱਜ 18ਵਾਂ ਸੰਸਕਰਣ ਜਾਰੀ ਕੀਤਾ ਹੈ ।

https://twitter.com/DrRPNishank/status/1402559433259962371?s=20

ਕੇਂਦਰੀ ਸਿੱਖਿਆ ਮੰਤਰੀ ਸ਼੍ਰੀ ਰਮੇਸ਼ ਪੋਖਰਿਯਾਲ “ਨਿਸ਼ੰਕ” ਨੇ ਆਈ ਆਈ ਟੀ ਬਾਂਬੇ ਨੂੰ 177ਵਾਂ ਸਥਾਨ , ਆਈ ਆਈ ਟੀ ਦਿੱਲੀ ਨੂੰ 185ਵਾਂ ਅਤੇ ਆਈ ਆਈ ਐੱਸ ਸੀ ਬੈਂਗਲੁਰੂ ਨੂੰ 186ਵਾਂ ਸਥਾਨ ਯੂਨੀਰਸਿਟੀ ਰੈਂਕਿੰਗ ਵਿੱਚ ਪ੍ਰਾਪਤ ਕਰਨ ਤੇ ਵਧਾਈ ਦਿੱਤੀ ਹੈ ।

ਸ਼੍ਰੀ ਪੋਖਰਿਯਾਲ ਨੇ ਕਿਹਾ ਕਿ ਭਾਰਤ ਸਿੱਖਿਆ ਅਤੇ ਖੋਜ ਦੇ ਖੇਤਰ ਵਿੱਚ ਵੱਡੀਆਂ ਪੁਲਾਂਘਾਂ ਪੁੱਟ ਰਿਹਾ ਹੈ ਅਤੇ ਵਿਸ਼ਵ ਗੁਰੂ ਵਜੋਂ ਉੱਭਰ ਰਿਹਾ ਹੈ । ਉਨ੍ਹਾਂ ਨੇ ਕਿਹਾ ਕਿ ਸਾਨੂੰ ਇਸ ਗੱਲ ਤੇ ਵੀ ਮਾਣ ਹੈ ਕਿ ਇੱਕ ਗੁਰੂ ਵਰਗੇ ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਸਾਨੂੰ ਮਿਲੇ ਹਨ ਜੋ ਲਗਾਤਾਰ ਵਿਦਿਆਰਥੀਆਂ , ਫੈਕਲਟੀ ਸਟਾਫ ਅਤੇ ਭਾਰਤੀ ਸਿੱਖਿਆ ਖੇਤਰ ਨਾਲ ਜੁੜੇ ਹੋਏ ਸਾਰੇ ਭਾਗੀਦਾਰਾਂ ਦੇ ਕਲਿਆਣ ਲਈ ਸੋਚ ਰਹੇ ਹਨ ।

ਮੰਤਰੀ ਨੇ ਕਿਹਾ ਕਿ ਪਹਿਲਕਦਮੀਆਂ ਜਿਵੇਂ ਕੌਮੀ ਸਿੱਖਿਆ ਨੀਤੀ 2020 ਅਤੇ ਇੰਸਟੀਚਿਊਟ ਆਫ਼ ਐੱਮੀਨੈਂਸ ਦੀ ਸਾਡੇ ਕਾਲਜਾਂ ਅਤੇ ਸੰਸਥਾਵਾਂ ਦੀ ਵਿਸ਼ਵੀ ਰੈਂਕਿੰਗ ਹਾਸਲ ਕਰਨ ਵਿੱਚ ਵੱਡੀ ਭੂਮਿਕਾ ਹੈ । ਉਨ੍ਹਾਂ ਕਿਹਾ ਕਿ ਇਸ ਨੂੰ ਕਿਊ ਐੱਸ ਟਾਈਮ ਗਰੁੱਪ ਵੱਲੋਂ ਐਲਾਨੀਆਂ ਗਈਆਂ ਯੂਨੀਵਰਸਿਟੀ ਰੈਂਕਿੰਗ ਤੇ ਨਜ਼ਰ ਪਾ ਕੇ ਮਹਿਸੂਸ ਕੀਤਾ ਜਾ ਸਕਦਾ ਹੈ ।
 

**********

ਕੇ ਪੀ / ਏ ਕੇ