PIB Headquarters
पत्र सूचना कार्यालयाचे कोविड-19 संबंधित बातमीपत्र
Posted On:
02 JUN 2021 6:13PM by PIB Mumbai
नवी दिल्ली/मुंबई 2 जून 2021
- India’s Daily New Cases stand at 1.32 lakh
- Less than 2 lakh Daily New Cases for 6 continuous days
- Recovery Rate further climbs to 92.48%
- Daily Positivity Rate at 6.57% continues trend of less than 10% positivity for 9 continuous days
|
#Unite2FightCorona
#IndiaFightsCorona
PRESS INFORMATION BUREAU
MINISTRY OF INFORMATION AND BROADCASTING
GOVERNMENT OF INDIA
आरोग्य मंत्रालयाची कोविड-19 शी संबंधित घडामोडींवरील माहिती
भारतातील दैनंदिन नवीन रुणांच्या संख्येमध्ये सतत घसरण झालेली आढळून येत असून, भारतात गेल्या 24 तासात 1.32 लाख इतक्या नव्या रुग्णांची नोंद झाली आहे. गेल्या 24 तासात दैनंदिन 1,32,788 नवीन रुग्णांची नोंद झाली आहे.
देशात सलग 6 व्या दिवशी 2 लाखांपेक्षा कमी दैनंदिन नव्या रुग्णांची नोंद झाली आहे.
भारतात दैनंदिन नवीन सक्रीय रुग्णांच्या संख्येत सतत घसरण होत आहे. आज 17,93,645 सक्रीय रुग्णांची नोंद झाली. गेल्या 24 तासात सक्रिय रूग्णसंख्येत एकूण 1,01,875 इतकी घसरण झाली, आता सक्रीय रुग्ण संख्या एकूण बाधित रुग्णांच्या 6.34% आहे.
दैनंदिन बरे झालेल्यांची संख्या दैनंदिन नवीन रुग्णांच्या तुलनेत सलग 20 व्या दिवशी जास्त आहे. गेल्या 24 तासांत 2,31,456 जण बरे झाल्याची नोंद झाली आहे.
दैनंदिन नवीन रुग्णांच्या तुलनेत गेल्या 24 तासांत 98,668 हूनअधिक जण बरे झाल्याची नोंद झाली आहे.
या महामारीची लागण झाल्यापासून संसर्ग झालेल्या लोकांपैकी 2,61,79,085 नागरीक कोविड-19 या आजारातून मुक्त झाले आहेत आणि गेल्या 24 तासांत 2,31,456 रूग्ण बरे झाले आहेत. एकूण रूग्ण बरे होण्याचा दर 92.48%,इतका आहे, जो सातत्याने वाढता कल दर्शवित आहे.
गेल्या 24 तासात एकूण 20,19, 773 चाचण्या करण्यात आल्या आणि आतापर्यंत भारताने एकूण 35 कोटी ( 35,00,57,330) चाचण्या पूर्ण केल्या आहेत.
देशभरात एकीकडे चाचण्या करण्याचे प्रमाण वाढत आहे, तसेच साप्ताहिक पॉझिटिव्हिटीचा दरात सतत घट दिसून येत आहे. साप्ताहिक पॉझिटिव्हिटीचा दर सध्या 8.21% वर आहे तर दैनंदिन पॉझिटिव्हिटीचा दर कमी झाला असून तो आज 6.57% वर आहे. आता सलग 9 व्या दिवशी तो 10% पेक्षा कमी आहे.
राष्ट्रव्यापी लसीकरण मोहिमेअंतर्गत आज देशभरात एकूण संख्या 21.85 कोटी लसींच्या मात्रा देण्यात आल्या.
आज सकाळी 7 वाजेपर्यंत प्राप्त झालेल्या तात्पुरत्या अहवालानुसार एकूण 21,85,46,667 लसीच्या मात्रा 30,91,543 सत्रांद्वारे दिल्या गेल्या आहेत.
इतर अपडेटस्
- केंद्र सरकारने जून महिन्यात लसीच्या 12 कोटी मात्रा उपलब्ध करून देणार असे सांगितल्याचे आणि मे महिन्यात उपलब्ध असलेल्या 7 कोटी 90 लाख मात्रांपैकी फक्त 5 कोटी 80 लाख मात्रा वापरल्याचे आरोप करणारी वृत्ते काही माध्यमांनी प्रसारित केली आहेत. ही वृत्ते, खरेतर, एकदम चुकीची असून त्यांना कोणताही आधार नाही. 1 जून 2021 रोजी सकाळी 7 वाजता उपलब्ध माहितीनुसार, राज्ये आणि केंद्रशासित प्रदेशांनी 1 मे ते 31 मे 2021 या कालावधीत एकूण 6 कोटी 10 लाख 60 हजार मात्रांचा वापर केला आहे. राज्ये आणि केंद्रशासित प्रदेशांकडे एकूण 1 कोटी 62 लाख 20 हजार मात्रा लसीकरणासाठी अजूनही शिल्लक आहेत. 1 मे ते 31 मे 2021 या कालावधीत लसीच्या एकूण 7 कोटी 94 लाख 50 हजार मात्रा उपलब्ध करून देण्यात आल्या होत्या.
- केंद्र सरकारने राज्ये आणि केंद्रशासित प्रदेशांना मोफत स्वरुपात तसेच राज्यांकडून थेट खरेदीच्या माध्यमातून अशा दोन्ही मार्गांनी मिळून कोविड प्रतिबंधक लसीच्या आतापर्यंत एकूण 23 कोटींहून अधिक (23,35,86,960) मात्रांचा पुरवठा केला आहे. यापैकी वाया गेलेल्या मात्रांसह एकूण 21,71,44,022 मात्रा वापरण्यात आल्या. (आज सकाळी 8 वाजता उपलब्ध आकडेवारीनुसार) राज्ये/ केन्द्र शासित प्रदेशांकडे अजूनही 1.64 कोटींपेक्षा जास्त (1,64,42,938) मात्रा उपलब्ध आहेत.
- हैदराबाद येथील भारत बायोटेक कंपनीशी केलेल्या तंत्रज्ञान हस्तांतरण व्यवस्थेअंतर्गत हाफकिन बायोफार्मा ही महाराष्ट्र राज्य सरकारची सार्वजनिक क्षेत्रातील कंपनी कोव्हॅक्सिन लसीच्या उत्पादनासाठी पूर्वतयारी करीत आहे. हे उत्पादन हाफकिन कंपनीच्या परळ येथील संकुलात केले जाईल.
- कृत्रिम बुद्धिमत्ता तंत्रज्ञानावर आधारित नवा मंच आता ज्या डॉक्टरांकडे एक्स-रे यंत्रे उपलब्ध आहे अशा डॉक्टरांना व्हॉट्स अॅपवरून पाठविलेल्या छातीच्या एक्स-रे च्या मदतीने कोविड संसर्गाच्या सुरुवातीच्या टप्प्यात निदान करण्यास मदत करेल. एक्स-रे सेतू नावाची ही नवी सुविधा मोबाईल फोनवरून पाठविलेल्या कमी रिझोल्युशन असलेल्या प्रतिमेवरून देखील योग्य निदान करू शकेल, ही सुविधा वापरण्यास सोपी आणि जलद आहे तसेच ग्रामीण भागातील रुग्णांमध्ये निश्चित रोग निदान करण्यासाठी ती सुलभतेने काम करू शकेल.
- केंद्रीय बंदर, नौवहन व जलवाहतूक राज्यमंत्री (स्वतंत्र प्रभार) मनुसुख मांडवीय यांनी गांधीधाम (कच्छ) मधील गोपाळपुरी येथील दीनदयाल पोर्ट ट्रस्ट रुग्णालयात वैद्यकीय ऑक्सिजन कॉपर पाइपिंग नेटवर्कसह वैद्यकीय ऑक्सिजन जनरेटर युनिट तसेच अग्निशमन यंत्रणा आणि ऑक्सिजन सिलिंडर बँकेद्वारे ऑटोमॅटिक सोर्स चेंजओव्हर प्रणाली सारख्या संलग्न सुविधांचे व्हर्चुअल उद्घाटन केले. या प्रसंगी बोलताना मांडवीय यांनी ऑक्सिजन संयंत्राचे काम अवघ्या 20 दिवसात पूर्ण केल्याबद्दल बंदर कर्मचारी आणि सर्व हितधारकांचे कौतुक केले.
महाराष्ट्र अपडेट्स :-
राज्यातील गेल्या सहा महिन्यांच्या कालावधीमध्ये कोविड आजार झालेल्या रुग्णांच्या माहितीचा आढावा घेतल्यानंतर लहान मुलांमध्ये कोविड-19 चे संक्रमण पसरण्याच्या बाबतीत कोणताही महत्त्वाचा बदल झाल्याचे दिसून आले नाही असे आरोग्य विभागाने सांगितले आहे. महाराष्ट्र राज्याच्या आरोग्य विभागाचे अतिरिक्त सचिव डॉ.प्रदीप व्यास यांनी ही माहिती दिली. या आढाव्यातून असे दिसते कि नोव्हेंबर 2020 ते एप्रिल 2021 या कालावधीत 0 ते 5 वर्षे वयोगटातील 1.3% मुलांना, 6 ते 11 वर्षे वयोगटातील 2.4% मुलांना, 12 ते 17 वर्षे वयोगटातील 4.1% मुलांना कोरोनाचा आजार झाला. एकुणात वय वर्षे 0 ते 17 या संपूर्ण वयोगटातील मुलांना कोरोना आजार होण्याचे प्रमाण 7.8% होते. राज्यात सद्यस्थितीला म्युकरमायकॉसिस आजाराचे सुमारे 4000 रुग्ण आहेत अशी माहिती राज्याचे आरोग्यमंत्री राजेश टोपे यांनी मंगळवारी दिली. राज्यातील म्युकरमायकॉसिस आजाराने बाधित सर्व रुग्णांवर मोफत उपचार करण्यासाठी राज्य सरकारने आवश्यक उपाययोजना केल्या आहेत असेही त्यांनी पुढे सांगितले. मोठ्या शहरांच्या परीसराबाहेर वास्तव्य करणाऱ्या रुग्णांना दिलासा देण्यासाठी राज्य सरकारने तहसील आणि जिल्हा पातळीवरील खासगी रुग्णालयांमध्ये आकारले जाणारे कोविड-19 वरील उपचारांचे दर कमी केले आहेत.
गोवा अपडेट्स:-
गोवा: गोवा राज्यात सोमवारी 903 नव्या कोविड बाधितांची नोंद झाली, 22 रुग्णांचा बळी गेला तर 1777 जण रोगमुक्त झाले. राज्यात मंगळवारी कोविड बळींच्या संख्येत घसरण दिसून आली. गोवा राज्यात सध्या 11,867 कोविड सक्रीय रुग्ण आहेत. मंगळवारी 4009 व्यक्तींचे लसीकरण झाल्यानंतर, गोवा राज्यात देण्यात आलेल्या एकूण लसीकरण मात्रांची संख्या 5,21,940 वर पोहोचली आहे.
FACT CHECK
***
M.Chopade/S.Chitnis/P.Kor
***
सोशल मिडियावर आम्हाला फॉलो करा: @PIBMumbai /PIBMumbai /pibmumbai pibmumbai[at]gmail[dot]com
(Release ID: 1723907)
Visitor Counter : 152