హల్ద్వానీలో డిఫెన్స్ రీసెర్చ్ అండ్ డెవలప్‌మెంట్ ఆర్గనైజేషన్ (డిఆర్‌డిఓ) ఏర్పాటు చేసిన 500 పడకల కోవిడ్ కేర్ ఆస్పత్రిని 2021 జూన్ 02 న ఉత్తరాఖండ్ ముఖ్యమంత్రి శ్రీ తీరత్ సింగ్ రావత్ ప్రారంభించారు. ఈ సదుపాయంలో 375 ఆక్సిజన్ పడకలు, వెంటిలేటర్లతో 125 ఐసియు పడకలు ఉన్నాయి. . 100 శాతం పవర్ బ్యాకప్‌తో, ఇది అన్ని వాతావరణ పరిస్థితులకు కేంద్రంగా ఎయిర్ కండిషన్ ఏర్పాటు చేసారు. పాథాలజీ ప్రయోగశాల, ఫార్మసీ, ఎక్స్-రే, ఇసిజి మొదలైనవి ఈ సదుపాయంలో అంతర్లీనంగా ఉన్నాయి. ఈ కేంద్రం 2021 జూన్ 03 నుండి పూర్తిగా పనిచేయనుంది.

ప్రస్తుత కోవిడ్ పరిస్థితిలో, ఈ కోవిడ్ కేర్ సెంటర్ ఉత్తరాఖండ్ ప్రజలకు చాల అమూల్యమైనది. ఇది మహమ్మారి సమయంలో సకాలంలో అవసరమైన వైద్య సంరక్షణను అందిస్తుంది. ఉత్తరాఖండ్‌కు చెందిన, భారత సైన్యం 17 వ చీఫ్ అయిన దివంగత జనరల్ బిపిన్ చంద్ర జోషి పేరు మీద ఇది అంకితం చేశారు. 

ఈ కార్యక్రమంలో పార్లమెంటు సభ్యుడు డాక్టర్ అజయ్ భట్, ఉత్తరాఖండ్ ప్రభుత్వ మంత్రి శ్రీ బన్సిధర్ భగత్, ప్రతిపక్ష నేత డాక్టర్ ఇందిరా హృదయేష్, డిఆర్డిఓ & రాష్ట్ర ప్రభుత్వ ఉన్నతాధికారులు పాల్గొన్నారు. ఈ మహమ్మారి సమయంలో నిరంతర సహాయం చేస్తున్న  డిఆర్‌డిఓని రక్షణ మంత్రి శ్రీ రాజనాథ్ సింగ్ ప్రశంసించారు. రక్షణ శాఖ ఆర్‌ అండ్‌ డి కార్యదర్శి, డిఆర్‌డిఓ చైర్మన్ డాక్టర్ జి. సతీష్ రెడ్డి ఈ పనిలో పాల్గొన్న బృందం చేసిన కృషిని ప్రశంసించారు. ఇందుకు సహకరించిన ఉత్తరాఖండ్ ప్రభుత్వానికి ధన్యవాదాలు తెలిపారు.

***