വാര്ത്താവിതരണ പ്രക്ഷേപണ മന്ത്രാലയം
കോവിഡ് -19 മൂലം ജീവൻ നഷ്ടപ്പെട്ട 67 മാധ്യമപ്രവർത്തകരുടെ കുടുംബങ്ങൾക്ക് കേന്ദ്ര ഗവണ്മെന്റ് സാമ്പത്തിക സഹായം അനുവദിച്ചു
വാർത്താ വിതരണ പ്രക്ഷേപണ മന്ത്രാലയത്തിന്റെ പത്രപ്രവർത്തക ക്ഷേമ പദ്ധതി പ്രകാരം ഓരോ കുടുംബത്തിനും 5 ലക്ഷം രൂപ വീതം ലഭിക്കും
അപേക്ഷകൾ വേഗത്തിൽ തീർപ്പാക്കാൻ ആഴ്ചതോറും ജെഡബ്ല്യുഎസ് യോഗം ചേരും
Posted On:
27 MAY 2021 7:23PM by PIB Thiruvananthpuram
2020, 2021 വർഷങ്ങളിൽ കോവിഡ് മൂലം ജീവൻ നഷ്ടപ്പെട്ട മാധ്യമപ്രവർത്തകരുടെ വിവരങ്ങൾ സമാഹരിച്ച് കേന്ദ്ര ഗവണ്മെന്റിന്റെ പത്രപ്രവർത്തക ക്ഷേമ പദ്ധതി (ജെഡബ്ല്യുഎസ്) പ്രകാരം അവരുടെ കുടുംബങ്ങൾക്ക് സഹായം നൽകുന്നതിനുള്ള പ്രത്യേക യജ്ഞത്തിന് തുടക്കമായി .
വാർത്താ വിതരണ പ്രക്ഷേപണ മന്ത്രി ശ്രീ. പ്രകാശ് ജാവ്ദേക്കറുടെ , മാർഗനിർദേശപ്രകാരമാണിത് .
വാർത്താ വിതരണ പ്രക്ഷേപണ സെക്രട്ടറി ശ്രീ. അമിത് ഖരേയുടെ അധ്യക്ഷതയിൽ ഇന്ന് ചേർന്ന എസ്. യുടെ നേതൃത്വത്തിലുള്ള ജേണലിസ്റ്റ് വെൽഫെയർ സ്കീം കമ്മിറ്റിയുടെ ഇത് സംബന്ധിച്ച നിർദ്ദേശത്തിന് കേന്ദ്ര ഗവണ്മെന്റ് അംഗീകാരം നൽകി. കോവിഡ് -19 മൂലം മരണമടഞ്ഞ 26 മാധ്യമപ്രവർത്തകരുടെ കുടുംബങ്ങളിൽ ഓരോരുത്തർക്കും 5 ലക്ഷം രൂപ സാമ്പത്തിക ആശ്വാസം നൽകും. 2020-21 സാമ്പത്തിക വർഷത്തിൽ, കോവിഡ് മൂലം മരണമടഞ്ഞ 41 കുടുംബങ്ങൾക്ക് കേന്ദ്ര ഗവണ്മെന്റ് അത്തരം സഹായം നൽകിയിരുന്നു . ഇതോടെ ധനസഹായം ലഭിക്കുന്ന കുടുംബങ്ങളുടെ മൊത്തം എണ്ണം 67 ആയി. കോവിഡ് ബാധിച്ച മാധ്യമപ്രവർത്തകരുടെ കുടുംബങ്ങൾക്ക് കമ്മിറ്റി അനുശോചനം രേഖപ്പെടുത്തി.
കോവിഡ് -19 ന് ജീവൻ നഷ്ടപ്പെട്ട നിരവധി മാധ്യമപ്രവർത്തകരുടെ കുടുംബങ്ങളിലേക്ക് പ്രസ് ഇൻഫർമേഷൻ ബ്യൂറോ സ്വമേധയാ എത്തി, പദ്ധതിയെക്കുറിച്ചും ക്ലെയിമുകൾ ഫയൽ ചെയ്യുന്നതിനെക്കുറിച്ചും അവർക്ക് മാർഗ നിർദേശം നൽകി
ഈ പദ്ധതിക്ക് കീഴിലുള്ള സാമ്പത്തിക സഹായത്തിനായുള്ള അപേക്ഷകൾ വേഗത്തിൽ തീർപ്പാകുന്നതിനായി ആഴ്ചതോറും ജെഡബ്ല്യുഎസ് കമ്മിറ്റിയുടെ യോഗം ചേരാനും കമ്മിറ്റി തീരുമാനമായി.
കോവിഡ് -19 അല്ലാതെയുള്ള കാരണങ്ങളാൽ അന്തരിച്ച മാധ്യമപ്രവർത്തകരുടെ 11 കുടുംബങ്ങളുടെ അപേക്ഷകളും സമിതി ഇന്ന് പരിഗണിച്ചു.
ജെഡബ്ല്യുഎസ് യോഗത്തിൽ പിഐബി പ്രിൻസിപ്പൽ ഡയറക്ടർ ജനറൽ ശ്രീ ജയ്ദീപ് ഭട്നഗർ, ജോയിന്റ് സെക്രട്ടറി (ഐ & ബി) ശ്രീ വിക്രം സഹായ് എന്നിവരും ,. സമിതിയിലെ മാധ്യമ പ്രവർത്തക അംഗങ്ങളായ ശ്രീ. സന്തോഷ് താക്കൂർ, ശ്രീ. അമിത് കുമാർ, ശ്രീ. ഉമേശ്വർ കുമാർ, ശ്രീമതി സർജന ശർമ്മ എന്നിവർ പങ്കെടുത്തു.
പത്രപ്രവർത്തകർക്കും അവരുടെ കുടുംബങ്ങൾക്കും https://accreditation.pib.gov.in/jws/default.aspx എന്ന വെബ്സൈറ്റിലൂടെ ജേണലിസ്റ്റ് വെൽഫെയർ സ്കീം (ജെഡബ്ല്യുഎസ്) പ്രകാരമുള്ള സഹായത്തിനായി അപേക്ഷിക്കാം.
***
(Release ID: 1722276)
Visitor Counter : 223
Read this release in:
English
,
Urdu
,
Hindi
,
Marathi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada