পাৱর মন্ত্রালয়
ওক্সীজেন প্লান্ত অমসুং অনকপা মফমশিংদা মৈ লেপ্তনা পীনবগীদমক্তা নাগালেন্দগী রিফরেল হোস্পিতাল সব-স্তেসন্দা পাৱরগ্রিদনা ত্রান্সফোর্মর পীখ্রে
Posted On:
24 MAY 2021 1:57PM by PIB Imphal
পাৱর মন্ত্রালয়গী মখাদা লৈবা মহারত্না ভারত সরকারগী সি.পি.এস.য়ু., পাৱরগ্রিদ কোর্পোরেসন ওফ ইন্দিয়া লিমিতেদ (পাৱরগ্রিদ)না লাইচৎ মনুংদা মখোয়গী মী পীনবা নেৎৱর্কশিংগী খুত্থাংদা মৈ চাং-নাইনা পীনবা ২৪x৭তা থৱাই য়াওনা হোৎনরি।
নাগালেন্দগী অমত্তা ঙাইরবা ওক্সীজেন প্লান্ততা মৈ মুৎহন্দনা অমসুং মতিক চানা পীনবগীদমক্তা নাগালেন্দ সরকার অমসুং মসিগী দিপার্তমেন্ত ওফ পাৱর নাগালেন্দ (দি.ও.পি.এন.)না দিমাপুরদা লৈবা রিফরেল হোস্পিতাল সব-স্তেসন্দা মেগা ভোল্ৎ এম্পিয়র (এম.ভি.এ.) ১০গী ত্রান্সফোর্মর অমা পীনবা পাৱরগ্রিদতা হায়জখ্রে।
মতমগী তঙাই ফদবা অসিগী পাউখুম পীদুনা, পাৱরগ্রিদকী কাঙবুনা থবক পায়খৎপা হৌদুনা নুমিৎ নিনিগী মনুংদা ২২/৫/২০২১গী পুং ১৯:৩০ তাবা মতমদা পাৱর ত্রান্সফোর্মর পীরকখ্রে অমসুং মসিনা মরম ওইদুনা ওক্সীজেন প্লান্ত অমসুং নক্নবা মফমশিংদা মৈ চাং-নাইনা ফংহল্লগনি।
এম.ভি.এ. ৫গী ত্রান্সফোর্মরনা হান্না মৈ পীরম্বা নাগা য়ুনাইতেদ ভিলেজতা লৈরিবা বি.এম.এ.গী লিক্বিদ প্লান্ত অসিগী মৈগী তঙাই ফদবগী খুদোংচাবা অসি পাৱরগ্রিদনা ৩৩/১১ কে.ভি. রিফরেল নাগালেন্দ সব-স্তেসন্দা পীরক্লবা অনৌবা পাৱর ত্রান্সফোর্মর অসিনা হেন্না নুংঙাইহল্লগনি। ওক্সীজেন প্লান্ত অসিদা ত্রান্সফোর্মর অসি পীরক্লবা মতুংদা সব-স্তেসন অসিগী কে.ভি. ১১গী আওৎগোইং রোংমৈ ফীদরগী খুত্থাংদা অহিং-নুংথিল নাইদবা মগুন লৈবা মৈ ফংবা ঙম্লে।
পাৱরগ্রিদকী ইঞ্জিনিয়রশিংনা নোর্থ ইস্তর্ন রীজন পাৱর সীস্তেম ইম্প্রুবমেন্ত প্রোজেক্ত (এন.ই.আর.পি.এস.আই.পি.)গী শরুক অমা ওইনা কোবিদ-১৯গী কাংলোনগী মতুং ইন্না চত্থবা অকনবা লোকদাউনগী মনুংদা থবক অসি লোইশিনখি। এন.ই.আর.পি.এস.আই.পি. অসি ভারত সরকারগী পাৱর মন্ত্রালয়গী সেন্ত্রেল সেক্তর প্লান স্কিম অমনি অমসুং মসিনা লৈবাক অসিগী অৱাং নোংপোক লমদমগী শেন্মিৎলোন চাউখৎহন্নবা শাফু পীবগী পান্দম থম্মি।
স্কিম অসি পাৱরগ্রিদকী খুত্থাংদা অৱাং নোংপোক লমদমগী বেনিফিশরী রাজ্য তরুক, মিং ওইনা পল্লবদা- অসম, মনিপুর, মেঘালয়, মিজোরম, নাগালেন্দ অমসুং ত্রিপুরাগা খুৎশম্নদুনা পায়খৎপনি। প্রোজেক্ত অসিগী মরু ওইবা পান্দমদি ভারত সরকারনা অৱাং নোংপোক লমদমগী শেন্মিৎলোন মপুং ফানা চাউখৎহন্নবা অমসুং অৱাং নোংপোক লমদম অসিদা ইন্ত্রা-স্তেৎ ত্রান্সমিসন অমসুং দিস্ত্রিব্যুসন ইনফ্রাস্ত্রকচরবু মপাঙ্গল হাপ্নবা খোঙফম চেৎপনি। স্কিম অসিবু থবক ওইনা পায়খৎপনা থাজনীংঙাই ওইবা পাৱরগ্রিদ শেম্বা অমসুং এন.ই.আর. রাজ্যশিংগা তুংদা ওইরক্কদবা লোদ সেন্তরশিংগগী কনেক্তিবিতীদা ফগৎহন্দুনা অৱাং নোংপোক লমদমগী কঞ্জ্যুমর খুদিংদা গ্রিদকা শম্নবা মৈগী কাংলুপ খুদিংগী কান্নবা ফংহনগনি। তীম পাৱরগ্রিদনা লৈবাক্কী সেবাদা থমোই শেংনা খোঙফম চেৎপগী শরুক অমা ওইনা লাইচৎ মনুংদা মৈ পীবা ঙম্নবা পাংথোকফম থোকপা থবক খুদিংমক অমত্তা চিত্থদনা পাংথোক্লি।
***
(Release ID: 1721353)
Visitor Counter : 136