কেন্দ্রগী রাজ্য মন্ত্রী (ইন্দিপেন্দেন্ত চার্জ) দিবেলপমেন্ত ওফ নোর্থ ইস্তর্ন রিজন (দোনর), এম.ও.এস. পি.এম.ও., পর্সনেল, পব্লিক গ্রীভান্সেস, পেন্সনস, এতোমিক ইনর্জী এন্দ স্পেস, দা. জিতেন্দ্র সিংহনা ঙসি নই দিল্লীগী বিজ্ঞান ভৱনদা ওফিসরশিংগী কোবিদ এৱের্নেস প্রোগ্রাম অমা পাঙথোকখ্রে মসিদা লাইচৎকা মরী লৈনবা ওইথোকপা য়াবা হীরমশিং খন্নবগী মথক্তা ভিদিও প্রজেন্তেসন অমসু উখ্রে। মহাক্না ইশাগী ওইবা মওংদা কোবিদ-১৯গী লায়েং চত্থবা অসিগী মায়োক্তা চেকশিন ৱা থমখ্রে।

দোনরগী ওফিসরশিং অমসুং স্তাফকীদমক এৱের্নেস কেম্পেন অমা ময়াই তাংবল লৌদুনা পাঙথোক্লদুনা মহাক্না লাইনা অসি নারবা মীওইশিংনা প্রোফেস্নেল মেদিকেল কন্সল্তেসন চত্থনবা পাউতাক পীখ্রে। মহাক্না মীচম প্রজাদা অচুম্বা ৱাফম খঙদোক্তনা কোবিদকী লায়েংশিংগী মতাংদা ই-পাউ সিয়র তৌদনবা খঙহনখ্রে।

এম.দোনরদা লৈরিবা চহি ১৮গী মথক্কী ওফিসরশিং অমসুং স্তাফকী বেক্সিনেসন খোঙজেল য়াংনা চত্থনবা অকনবা ৱাফম থম্লদুনা দা. জিতেন্দ্র সিংহনা মীয়ামদা খুদোংচাগদবা মওং অমদা অথুবদা মন্ত্রালয় অসিদা অখন্নবা বেক্সিনেসন কেম্পশিং পাঙথোক্নবা মকোক থোংবা ওফিসিএলশিংদা পাউতাক পীখ্রে। মহাক্না অসিগুম্বা কেম্পশিং অসিদা ইমুং-মনুংগী মীওইশিং অমসুং স্তাফ তীকা থাদোকপা য়াবগী ওইথোকপা য়াবা অদুসু মখোয়না খঙদোক্নবা হায়খ্রে। মহাক্না মেদিকেল অমসুং এদমিনিস্ত্রেতিবকী ওইবা খোঙথাংশিং অসিগা লোইননা কোবিদকী কম্ম্যুনিতি মেনেজমেন্ত অসিদু চপ মান্ননা মরু ওই অমসুং মখোয় পুন্না থবক তৌমিন্ননবসু ফোঙদোকখ্রে। মহাক্না তঙাই ফদবা হীদাক-লাংথকশিং অমসুং ওক্সিজেন মরম চাদনা মমল ৱাংনা য়োনবা অসিগী মতাংদা এৱের্নেস পীনবসু হায়খ্রে।

দা. জিতেন্দ্র সিংহনা হায়ন মহাক্না অৱাং নোংপোক থংবা রাজ্য ৮দগী কোবিদকী ওইরিবা ফীভমগী অমসুং কান্নবা ফংগদবা মওংদা লাইচৎ অসি লান্থেংননবা মথৌ তাবা হেল্থ ফেসিলিতীশিং অমসুং ইনফ্রাস্ত্রকচরগী মতাংদা নুংতিগী পাউ লৌরি । অৱাং নোংপোক থংবা রাজ্য পুম্নমক্তা ওক্সিজেনগী স্তোক মরাং কাইনা লৈবা অমদি খোঙলৈ থুনা অনৌবা প্লান্তশিং শেমগৎলিবা অসিদা অপেনবা ফোঙদোকখ্রে।

দা. জিতেন্দ্র সিংহনা হায় দোনর মন্ত্রালয় অমসুং এন.ই.সি.বা কোবিদকা মরী লৈনবা ইনফ্রাস্ত্রকচরদা মতেং পীনবা অমসুং চাউথোক্নবা প্রোএক্তিব ওইবা খোঙথাংশিং পাইখৎলি। মহাক্না অমুক হন্না অৱাং নোংপোক থংবা রাজ্যশিংদা কোবিদ অমসুং হকশেলগা মরী লৈনবা প্রপোজেলশিং মরু ওইবগী মতুং ইন্না থারক্নবা খঙহনখ্রে অমসুং অসিগুম্বা প্রপোজেলশিং অসি কেন্দ্রনা অথুবদা থুংহন্নবা থাজবসু পীখ্রে। মহাক্না হায় মন্ত্রালয় অসিনা এদমিসন কেপাসিতী চাউথোক্নবা ফমুং ১০০গী হোস্পিতালশিং লিংখৎনবগী মতাংদা মনিপুর অমসুং মিজোরামদগী লাকপা অনৌবা প্রপোজেলশিং অদু অথুবদা পাউখুম পীরগনি।

দা জিতেন্দ্র সিংহনা কোবিদ-১৯ শন্দোরকপা অদু থেংননবা মমাংগী মার্চতা অৱাৎপা মেনশিন্নবা ফন্দ ওইনা অৱাং নোংপোক থংবা রাজ্যশিংদা লুপা করোর ২৫গী অপুনবা ফন্দ ওইনা পীখিবা অসুনা হোস্পিতাল কয়াদা মরু ওইবা হকশেলগী মচাক-মথুমশিং লৈশিনদুনা রাজ্য কয়াদা মতেং ওইদুনা কান্নবা ফংখি হায়না নৌহৌনা নীংশিংখ্রে।

এম্সকী সিনিয়র রেসিদেন্ত দা. লক্ষমনা ওফিসরশিং অমসুং স্তাফকী মমাংদা মাস্ক উপ্পা, সোসোএল দিস্তেন্সিং তৌবা অমসুং হেন্দ হাইজিন অমসুং অতৈ চেকশিল থৌরাং অসিগুম্বা কোবিদ প্রোতোকলশিংগী মতাংদা অকুপ্পা ৱারোল য়াওবা প্রজেন্তেসন অমা উৎখ্রে। দা. লক্ষমনা বেক্সিনগী মখল অদুগী মরমদা মরম চাদনা খঞ্জনবা তৌদনা ঙন্না বেক্সিনেসন তৌথোক্নবা হায়খ্রে মসিবু মহাক্না ভাইরসকী ইনফেক্সনদগী শোইদনা ঙাকথোক্না পাম্বৈনি হায়খ্রে।

<><><><><>