গৃহ মন্ত্রালয় (এম.ঐচ.এ.)না হৌজিক লৈরিবা ফোরেন কন্ত্রিব্যুসন (রিগুলেসন) এক্ত (এফ.সি.আর.এ.) একাউন্ত হোল্দরশিংনা মখোয়গী “এফ.সি.আর.এ. একাউন্ত” স্তেৎ বেঙ্ক ওফ ইন্দিয়া (এস.বি.আই.)গী ন্যু দিল্লী মেন ব্রাঞ্চ (এন.দি.এম.বি.), ১১ সন্সদ মার্গ, নই দিল্লী – ১১০০০১দা ৩০.০৬.২০২১ ফাওবা হাংবা য়াবগী অয়াবা পীখ্রে। তাং অসিগী মতুংদা এন.দি.এম.বি.দা হাংবা “এফ.সি.আর.এ. একাউন্ত” নত্তনা অতৈ একাউন্ত অমহেক্তদা মখোয়না ফোরেন কন্ত্রিব্যুসন চংহনবা য়াররোই।

এম.ঐচ.এ.না www.fcraonline.nic.inদা ফংবা পব্লিক নোতিস অমদা হায় মদুদি কেন্দ্রনা সরকারনা সর্তিফিকেৎ ওফ রেজিস্ত্রেসন পীখ্রবা নত্ত্রগা মাংজৌননা অয়াবা পীখ্রবা মীওই/এন.জি.ও./এসোসিএসন পুম্নমক্না খঙজিনগদবদি অসিগুম্বা একাউন্ত অসি হাংখিবগী তাং নত্ত্রগা ০১.০৭.২০২১, অহানবা অদু চৎনদুনা মখোয়না এস.বি.আই.গী এন.দি.এম.বি., ১১ সন্সদ মার্গ, নই দিল্লী – ১১০০০১দা হাংখিবা মরী লৈনবা “এফ.সি.আর.এ. একাউন্ত” অসি নত্তনা অতৈ একাউন্ত অমা হেক্তদা ফোরেন কন্ত্রিব্যুসন অমত্তা চংহনবা য়াররোই।

হৌজিক লৈরিবা এফ.সি.আর.এ. একাউন্ত হোল্দরশিংদা মমাংদা এফ.সি.আর.এ., ২০১০গী অমেন্দ তৌখিবা সেক্সন ১৭(১)গী মখাদা এন.দি.এম.বি.দা মখোয়গী এফ.সি.আর.এ. একাউন্ত হাংনবগী মতম ৩১.০৩.২০২১ ফাওবা পীখি। অমেন্দ তৌখ্রবা সেক্সন অসি সেপ্তেম্বর ২৯, ২০২০দগী চৎনবা হৌখি। কোবিদ-১৯গী ওইরিবা ফীভম অসিনা ওইহল্লক্লিবা মথৌ তাবশিং অসি য়েংলগা অমসুং এন.জি.ও.শিংনা অমেন্দ তৌখ্রবা এফ.সি.আর.এ. রেজিম অসিদা লায়না ত্রাঞ্জিসন তৌবা ঙম্নবা মতম শাংদোকখি।

*****