অৱাবা কয়া মায়োক্নরিবা অসিগী অনৌবা পাম্বৈ অমা ওইনা, ইন্দিয়ন রেলৱেনা অৱাবা অসি কোক্নবা লৈবাকসিগী স্তেত কয়াদা  লিক্বিদ মেদিকেল ওক্সীজেন (এল.এম.ও.) পীবগী খোঙচৎ চৎথরি। হৌজিক ফাওবদা ইন্দিয়ন রেলৱেনা লৈবাক অসিগী স্তেত কয়াদা তেঙ্কর ৬০০ হেনবা অমদা এল.এম.ও. চাওরাক্না মেত্রীক তন ১০৩০০ য়েন্থোকখ্রে।

ওক্সীজেন এক্সপ্রেসনা হৌখিবা নুমিৎ খরনি অসিদা নুমিৎ খুদিংগী ওইনা এল.এম.ও. চাওরাক্না মেত্রীক তন  ৮০০ লোম লৈবাক অসিদা য়েন্থোক্লি।  

সাইক্লোন লাক্কদবা লৈজরবসু, অকনবা নুংশিৎপু মায়থিবা পীরদুনা লৈবাক অসিদা ওক্সীজেন মেত্রীক তন ১৫০ য়ৌহন্নবা ঙসি অয়ুক অঙনবদা গুজরাত্তগী ওক্সীজেন এক্সপ্রেস অনি রেলৱেজনা থাখ্রে

বাদোদরাদগী ওক্সীজেন এক্সপ্রেস অমা দিল্লী রিজন্দা য়েন্থোক্নবা এল.এম.ও. আর.ও.আর.ও.ত্রক ২ অমসুং এম.তি. ৪৫ অয়ুক্কী পুং ৪দা থাখ্রে।

য়ু.পি. অমসুং দিল্লী রিজন্দা য়েন্থোক্নবা অতোপ্পা ওক্সীজেন এক্সপ্রেসশিং ওক্সীজেন তেংবাংগীদমক মেত্রীক তন ১০৬ য়াওবা তেঙ্কর ৬ অয়ু্ক্কী পুং ৫.৩০দা হেপা থাদোকখ্রে।

ওক্সীজেন তেংবাংগী মেত্রীক তন ৪১.০৭ য়াওবা তেঙ্কর অনি ঙসি অয়ুক পুং ৭তা ফিলৌরদা য়ৌগদবা অহানবা ওক্সীজেন এক্সপ্রেস বোকারোদগী পঞ্জাব ফাওবগীসু থাখ্রে।

খঙজিনবা য়াই মদুদি ওক্সীজেন এক্সপ্রেসনা মহারাস্ত্রাদা মেত্রীক তন ১২৬ থাদুনা নুমিৎ ২৩নিগী মমাং ২০২১গী এপ্রিলগী ২৪দা য়েন্থোকপা হৌখ্রে।

নুমিৎ ২৩নিগী মতম অসিদা, রেলৱেজনা রাজ্য ১৩দা মেদিকেল ওক্সীজেন মেত্রীক তন ১০৩০০ হেন্না য়েনবগী থবক চৎথখ্রে।

লৈবাক অসিদা মফম অমদগী মফম অমদা পীনদুনা, ইন্দিয়ন রেলৱেজনা নোংচুপতগী হাপা অমসুং মুন্দ্রা অমসুং নোংপোক্লোমদনা রৌর্কেলা, দুর্গাপুর, তাতানগর, আঙ্গুলগী মফমশিংদগী ওক্সীজেন লৌখৎতুনা রাজ্যশিং হায়বদি উত্তরাখন্দ, কর্নাতকা, মহারাস্ত্রা, এম.পি., আন্ধ্র প্রদেশ, তামিল নাদু, হারিয়ানা, তেলঙ্গনা, পঞ্জাব,কেরলা, দিল্লী অমসুং য়ু.পি.গী মফমশিংদা য়েন্থোক্লি।

ওক্সীজেনগী তেংবাং অসি য়াম্না অথুবা মতমদা শোইদনা ফংহন্নবা, রেলৱেজনা ওক্সীজেন এক্সপ্রেস ফ্রাইত ত্রেন চেনবগী অনৌবা মওং অমসুং মমাংদা অমুক্তা তৌখিদ্রিবা বেনচমার্ক শেম্লি। হায়রিবা অখন্নবা ফ্রাইত ত্রেন অসি চাংচৎতা খোঙজেল ৫৫গী মথক্তা চেল্লি। গ্রীন কোরিদুরদা য়াম্না লুম্না লৌদুনা চেল্লিবা, খ্বায়দগী অথুবা অমা ওইনা লৌদুনা, মফম কয়া অমদা থবক তৌরিবা তীমশিংনা ওক্সীজেনশিং অসি ঙম্লিবমখৈ অথুবা মতমদা শোইদনা ফংহন্নবা নুমিৎ চুপ্পা অমা অৱাবা কয়া অমা মায়োক্নদুনা থবক তৌরি। সেক্সন কয়া অমদা ক্রশিং শিন্ননবা তেক্নিকেল স্তোপেজশিং অসি মিনিত ১দা হন্থরি।

ওক্সীজেন এক্সপ্রেসশিং অসি য়াম্না থুনা চৎখিবা য়াননবা ত্রেকশিং হাংদোক্তুনা থম্লি অমসুং মিকুপ নাহুম শিংনা লৈরি।

হায়রিবা অসি ফ্রাইত ওপরেসনশিং অসিগী খোঙজেলশিং হন্থদনবা মওংদা পাংথোক্লি।

খঙজিনবা য়াই মদুদি হৌজিক ফাওবদা চাওরাক্না ওক্সীজেন এক্সপ্রেস ১৬০না মখোয়গী খোঙচৎ মপুং ফাখ্রে অমসুং রাজ্য কয়াদা তেংবাং পীখ্রে।

স্তেতশিংনা হায়জরকপগী মতুং ইন্না এল.এম.ও. অথুবা মতমদা য়ারিবমখৈ য়ৌহনখিবা অসি ইন্দিয়ন রেলৱেগী হোৎনমলনি।  

হৌজিক ফাওবদা মহারাস্ত্রাদা ওক্সীজেন মেত্রীক তন ৫২১ থাখ্রে, য়ু.পি.দনা চাওরাক্না মেত্রীক তন ২৬৫২, এম.পি.দনা মেত্রীক তন ৪৩১, হারিয়ানাদনা মেত্রীক তন ১২৯০, তেলঙ্গনাদনা মেত্রীক তন ৫৬৪, রাজস্থান্দনা মেত্রীক তন ৪০, কর্নাতকাদনা মেত্রীক তন ৩৬১, উত্তরাখন্দনা মেত্রীক তন ২০০, তামিল নাদুদনা মেত্রীক তন ২৩১, পঞ্জাবতনা মেত্রীক তন ৪০, কেরলাদনা মেত্রীক তন ১১৮ অমসুং দিল্লীদনা চাওরাক্না মেত্রীক তন ৩৭৩৪ থাখ্রে

অনৌবা ওক্সীজেন পীবা অসি য়াম্না খুমাং চাওশিনবা অমনি অমসুং মসিনা মতম অয়াম্বদা অপদেৎ তৌরি। লোদেৎ তৌরবা ওক্সীজেন এক্সপ্রেস ঙসি নুমিদাংদা মখোয়গী খোঙচৎ হৌরবা য়ারি।   

রেলৱেজনা ওক্সীজেন য়েন্নবা মফমশিংগী তোঙান তোঙানবা লম্বীশিং খঙদোকখ্রে অমসুং রাজ্যশিংগী অথু-অকাই লাকপা মতমদা পীননবা শেম-শাদুনা লৈখ্রে। রাজ্যশিংনা এল.এম.ও. পুরক্নবা ইন্দিয়ন রেলৱেজদা তেঙ্করশিং পীখ্রে।

****