ঙসি মফম অসিদা ভিদিও কনফরেন্সিংগী খুৎথাংদা হকশেল অমসুং য়াইফ য়ুম্বালগী কেন্দ্রগী মন্ত্রী দা. হার্শ বর্ধননা কোবিদ-১৯গী মতাংদা ফমখিবা গ্রুপ ওফ মিনিস্তরগী(জি.ও.এম.) ২৫শুবা অৱাংবা থাক্কী মীফম অদুদা শরুক য়াখ্রে৷ দিজিতেল্লী মীফম অদুদা এক্সতর্নেল এফিয়র্সকী মন্ত্রী দা. এস. জয়শঙ্কর, সিভিল এভিয়েসনগী মন্ত্রী শ্রী হরদীপ এস পুরি, পোর্তস, শিপ্পিং অমসুং ৱাতরৱেজ(আই./সি),অমসুং কেমিকেল অমসুং ফর্তিলাইজর্সকী রাজ্যগী মন্ত্রী শ্রী মন্সুখ মন্দাবিয়া অমসুং হোম এফিয়র্স মন্ত্রালয়গী রাজ্যগী মন্ত্রী শ্রী নিত্যনন্দ রাই, হকশেল অমসুং য়াইফ য়ুম্বালগী রাজ্যগী মন্ত্রী শ্রী অশৱিনি কুমার চৌবেহসু শরুক য়াখি৷

নিতি অয়োগকী মেম্বর(হেল্থ) দা. বিনোদ কে পোলসু ভর্চুএল থৌরম অদুদা শরুক য়াখি৷

থৌরম অদু হৌরকপদা, দা. হার্শ বর্ধননা নুংতি নুমিৎ খুদিংগী লাইচৎ অসিদগী ফগৎলকপগী চাং হেনগৎলক্লিবা অদুগী মতাংদা জি.ও.এম.গী অতোপ্পা মেম্বরশিংদা ফোংদোকখ্রে৷ হৌখিবা পুং ২৪ অসিদা মীওই লাখ ৩ হেন্না লাইচৎ অসিদগী ফবা ঙমখ্রে হায়না মহাক্না ফোংদোকখ্রে৷ “হৌখিবা নুমিৎ ৭নি অসিদা জিলা ১৮০দা অনৌবা কেস অমতা লাকখিদে, হৌখিবা নুমিৎ ১৪নিদা জিলা ১৮দা, হৌখিবা নুমিৎ ২১নিদা জিলা ৫৪দা অমসুং হৌখিবা নুমিৎ ২৮নি অসিদা জিলা ৩২দা অনৌবা কেস অমতা লাকখিবা লৈতে” হায়না মহাক্নসু ফোংদোকখ্রে৷  হৌজিক ফাওবদা অরুবা ফিভমদা লৈরিবা কেস মশিং অদুদি-আই.সি.য়ু. ফমুং দরকার ওইরিবা পেসেন্ত ৪,৮৮,৮৬১, ভেন্তিলেতর সপোর্ত দরকার ওইরিবা পেসেন্ত ১,৭০,৮৪১ অমসুং ওক্সিজেন সপোর্ত পীরিবা পেসেন্ত ৯,০২,২৯১নি হায়না মহাক্না মখাতানা ফোংদোকখ্রে৷ ঙসি ফাওবদা, এক্তিব কেসলোদকী ১.৩৪% আই.সি.য়ু.দা লৈরি, এক্তিন কেসলোদকী ০.৩৯% ভেন্তিলেতরদা লৈরি অমসুং এক্তিব কেসলোদকী ৩.৭০% ওক্সিজেন সপোর্ত পীদুনা লৈরি৷

“ঙরাং কাপখিবা ভেক্সিন দোজ লাখ ২৩রোমগী চাং অদু য়াওরগা ঙসি ফাওবদা লৈবাক অসিদা কাপখিবা কোবিদ-১৯ ভেক্সিন দোজ অদু পুন্না কোতি ১৬.৭৩ হেনখ্রে৷ রাজ্যশিংদা ভেক্সিন দোজ পুন্না ১৭,৪৯,৫৭,৭৭০ পীখ্রে, মসিগী মনুংদা ভেক্সিন দোজ ১৬,৬৫,৪৯,৫৮৩ শিজিন্নখ্রে অমসুং ভেক্সিন দোজ ৮৪,০৮,১৮৭না রাজ্যশিংদা হৌজিক হৌজিক শিজিন্ননবা লৈরি” হায়না দা. হার্শ বর্ধননা জি.ও.এম.দা ফোংদোকখ্রে৷ ভেক্সিন দোজ পুন্না ৫৩,২৫,০০০ পইপলাইনদা লৈরি অমসুং ভেক্সিনশিং অদু অথুবা মতমদা রাজ্যশিংদা য়েন্থোক্লগনি হায়না মহাক্না মখাতানা ফোংদোকখ্রে৷

কোবিদ ভেক্সিন দোজ অনি অসিগী মতেংদগী ঐখোয়গী হকচাং অসি মপুং পানা ঙাকথোক্তুনা লৈবগী তঙাই ফদবা অদু পল্লদুনা, কোবিদ লাইচৎ অসিগী মাইয়োক্তা ঐখোয়গী ইম্ম্যুনিতী অসি হেন্না মপাঙ্গল লৈহনগদৌরিবা অনিশুবা দোজ অসি শোইদনা কাপথোকপীনবা প্রজা পুম্নমক্তা মহাক্না হায়জখ্রে৷ জি.ও.আই. চেনেলগী খুৎথাংদা ফংলিবা ভেক্সিনগী ৭০%দি অনিশুবা দোজ কাপ্নবা ওইনা থম্নবা মহাক্না রাজ্যশিংদা খঙহনখ্রে৷

ভারততা পাংথোক্লিবা তেস্তশিং অসিগী মতাংদা, লৈবাক অসিনা নোংমদা তেস্ত ২৫,০০,০০০ য়ৌনা তৌবা ঙম্লে হায়না কেন্দ্রগী হকশেল মন্ত্রীনা ফোংদোকখ্রে৷ হৌখিবা পুং ২৪ অসিদা তেস্ত ১৮,০৮,৩৪৪ তৌখিবা অসি য়াওরগা হৌজিক ফাওবদা ভারততা পুন্না তেস্ত ৩০,৬০,১৮,০৪৪ তৌখ্রে হায়না মহাক্না ফোংদোকখ্রে৷ এন.আই.ভি. পুনেদা লৈরিবা লেব অমা অসিদগী হৌদুনা হৌজিক হৌজিক লৈবাক অসিদা লেব ২,৫১৪ মথৌ তৌদুনা লৈরি৷

অতোপ্পা লৈবাকশিংদা চাংদম্নদুনা ভারতকী কোবিদ ত্রাজেক্তরী অদু নেস্নেল সেন্তর ফোর দিজিস কন্ত্রোল(এন.সি.দি.সি.)গী দাইরেক্তর দা. সুজীৎ কুমার সিংহনা পুথোকখ্রে৷ কোবিদকী কেস হেনগৎলক্লিবা অসি য়েংলগা তাইয়র-II/IIIদা লৈরিবা হোস্পিতাল ইনফ্রাস্ত্রকচর অমসুং তেস্তিং তৌবগী চাং হেনগৎহনবা অসি য়াম্না মরু ওই হায়না মহাক্না ফোংদোকখ্রে৷

মহারাস্ত্রা (১.২৭%), কর্নতাকা (৩.০৫%), কেরলা (২.৩৫%), উত্তর প্রদেশ (২.৪৪%), তামিল নাদু (১.৮৬%), দিল্লি (১.৯২%), আন্ধ্র প্রদেশ (১.৯০%), ৱেস্ত বেঙ্গল (২.১৯%), ছত্তিশগর (২.০৬%), রাজস্থান(২.৯৯%), গুজরাত (২.৪০%), মধ্য প্রদেশ(২.২৪%) রাজ্যশিং অসি হৌখিবা নুমিৎ ৭নি  অসিদা কেসকী গ্রোথ রেত চাং য়াম্না ৱাংনা লাকখি৷

বেঙ্গলুরু(আর্বান), গঞ্জম, পুনে, দিল্লি, নাগপুর, মুম্বাই, ইর্নকুলম, লখনৌ, কোজিকোদ(কলিকত), থানে, নাশিক, মলাপ্পুরম, থ্রিসুর, জয়পুর, গুরগাউন, চেন্নাই, থিরুবনন্থপুরম, চন্দ্রপুর, কোলকতা, পলাক্কদকী জিলাশিং/মেত্রোপোলিস অসি লৈবাক অসিগী খ্বাইদগী য়াম্না এক্তিব কেস কন্ত্রিব্যুত তৌরিবা কন্ত্রিব্যুতর ২০নি৷ শিবগী চাং হন্থননবগীদমক য়াম্না কন্না শন্দোক্লিবা মফমশিংদা মতম চানা ক্লিনিকেল কেয়র লৌবদা মীৎয়েং চংবা, কেস মশিং হেনগৎলকপা য়াবনা মাংজৌননা চেকশিন থৌরাং লৌখৎপা, আর.এ.তি. শিজিন্নদুনা তেস্ত তৌবগী চাং হেনগৎহনবা অমসুং নারিবা মীওই অদুগা শম্নরুবা মীওইশিং ত্রেসিং তৌবা,  অনৌবা কেসশিংগী এজ প্রোফাইল, ক্লিনিকেল সেভেরিতী অমসুং ত্রান্সমিসন দাইনামিক্সকা লোইননা জিনোমিক সর্ভিলেন্সকী ক্লিনিক-ইপিদেমিওলোজিকেল লিঙ্কেজতা মীৎয়েং চংবা অসি য়াম্না মরু ওইবা খোংথাংশিংনি হায়না পনখ্রে৷

দা. ভি. কে. পোলনা চিয়রমেন ওইনা এম্পৱার গ্রুপ-১গী ৱার্ক অদুগী মতাংদা দিতেল রিপোর্ত অমা পীখি৷ হোস্পিতেলাইস তৌরবা পেসেন্তশিংদা ইফেক্তিব ওইবা লাইয়েং চত্থনবগীদমক হোস্পিতালগী ইনফ্রাস্ত্রকচর শেমগৎনবা হোৎনরিবশিং অদু মহাক্না পনখ্রে৷ কম্ম্যুনিতীনা য়াম্না কন্না হোৎনদুনা অমসুং অথিংবশিং থমদুনা কন্তেনমেন্ত ওইরিবা মফমশিংদগী ত্রান্সমিসন তৌবা থিংনবা অথুবা মতমদা চেকশিন খোংথাংশিং লৌখৎনবা, হোস্পিতালশিংদা পীরিবা লোদ অসি হন্থনবা লাইয়েং পথাপশিং ময়ামদা খঙহন্দুনা কোবিদ নারবা মীওইশিংবু হোমকেয়র পীবদা হেন্না য়োকখৎপা, রেমদেসিভির, ওক্সিজেন অমসুং অতোপ্পা দ্রগশিং মশাগী চান্নবা চাংদা শিজিন্নহনবা, রেলৱে কোচশিংবু আইসোলেসন ফমুংশিং ওইনা শিজিন্নবা হেনগৎহন্নবা, রুরেল কোবিদ কেয়রদা হেন্না মীৎয়েং চংনবা ফোংদোকখ্রে৷

লিক্ব্যুইদ মেদিকেল ওক্সিজেন প্রদক্সন, এলোকেসন অমসুং সপ্লাইগী হৌজিক লৈরিবা ফিভম অদু রোদ ত্রান্সপোর্ত অমসুং হাইৱে মন্ত্রালয়গী(চিয়র, ই জি-২) সেক্রেতরী শ্রী গিরিধার অরমেননা পুথোকখ্রে৷ কোবিদ পেসেন্তশিংদা ওক্সিজেন অৱাৎপা লৈরিবা অসি মেনশিনবা ঙম্নবা লিক্ব্যুইদ মেদিকেল ওক্সিজেন(এল.এম.ও.)গী চাং য়াম্না ৱাংনা পুথোকখ্রে হায়না মহাক্না ফোংদোকখি৷ লৈবাক অসিদা ওক্সিজেন নোংমদা এম.তি. ৯৪০০ হেন্না ৱাংনা পুথোকখ্রে হায়না মহাক্না ফোংদোকখি৷ এল.এম.ও. পুশিল্লক্নবা খোথাংশিং, দি.আর.দি.ও. অমসুং সি.এস.আই.আর.গী মতেং লৌদুনা পি.এম. কেয়রগী ফন্দ শিজিন্নদুনা পি.এস.এ. ওক্সিজেন প্লান্তশিং শেমগৎলিবগী স্তেতস, তেঙ্কর হেন্না ফংহন্নবা হোৎনরিবশিং, এল.এম.ও. তেঙ্করশিং রিয়েল তাইম ত্রেক্কিং তৌননবগীদমক মথৌ তৌরিবা ৱেব পোর্তেল অমসুং মোবাইল এপ্লিকেসন অদুসু মহাক্না পনখ্রে৷

নিতি আয়োগকী সি.ই.ও. শ্রী অমিতাভ কান্ত, ফোরেন্দ সেক্রেতরী শ্রী হার্শ বর্ধন শ্রিঙ্গলা, সেক্রেতরী(কম্মর্জ) শ্রী অনুপ ৱাধাৱন, সেক্রেতরী(হেল্থ রিসর্চ) অমসুং দি.জি.(আই.সি.এম.আর.)দা. বালরাম ভর্গভ, এন.ঐচ.এম.(হেল্থ)গী মিসন দাইরেক্তর অমসুং এদিস্নেল সেক্রেতরী শ্রীমতি বন্দনা গুর্নানি, এদিস্নেল সেক্রতরী (এম.ও.ঐচ.এফ.দবল্যু.) শ্রীমতি আর্তি অহুজা, দি.জি.ঐচ.এস.( (এম.ও.ঐচ.এফ.দবল্যু.) সুনিল কুমার, দি.জি., ফোরেন্দ ত্রেদ(দি.জি.এফ.তি.) শ্রী অমিত য়াদব, আই.তি.বি.পি., দিফেন্স ঐচ.ক্বু.গী মীহুৎশিংসু শরুক য়াখি৷

****