ਕੇਂਦਰੀ ਸਿਹਤ ਤੇ ਪਰਿਵਾਰ ਭਲਾਈ ਮੰਤਰੀ ਡਾਕਟਰ ਹਰਸ਼ ਵਰਧਨ ਨੇ ਅੱਜ ਨਵੀਂ ਦਿੱਲੀ ਵਿੱਚ ਵੀਡੀਓ ਕਾਨਫਰੰਸਿੰਗ ਰਾਹੀਂ ਕੋਵਿਡ 19 ਬਾਰੇ ਉੱਚ ਪੱਧਰੀ ਮੰਤਰੀ ਸਮੂਹ ਦੀ 25ਵੀਂ ਮੀਟਿੰਗ ਦੀ ਪ੍ਰਧਾਨਗੀ ਕੀਤੀ । ਉਨ੍ਹਾਂ ਨਾਲ ਡਾਕਟਰ ਐੱਸ ਜੈਸ਼ੰਕਰ ਵਿਦੇਸ਼ ਮੰਤਰੀ , ਸ਼੍ਰੀ ਹਰਦੀਪ ਐੱਸ ਪੁਰੀ ਸ਼ਹਿਰੀ ਹਵਾਬਾਜ਼ੀ ਮੰਤਰੀ , ਸ਼੍ਰੀ ਮਨਸੁੱਖ ਮਾਂਡਵੀਯਾ ਰਾਜ ਮੰਤਰੀ ਜਹਾਜ਼ਰਾਨੀ ਸੁਤੰਤਰ ਚਾਰਜ ਤੇ ਰਸਾਇਣ ਅਤੇ ਖਾਦ , ਸ਼੍ਰੀ ਨਿਤਿਯਾਨੰਦ ਰਾਏ ਰਾਜ ਮੰਤਰੀ ਗ੍ਰਿਹ ਮੰਤਰਾਲਾ , ਸ਼੍ਰੀ ਅਸ਼ਵਨੀ ਕੁਮਾਰ ਚੌਬੇ ਰਾਜ ਮੰਤਰੀ ਸਿਹਤ ਤੇ ਪਰਿਵਾਰ ਭਲਾਈ ਵੀ ਡਿਜੀਟਲੀ ਇਸ ਮੀਟਿੰਗ ਵਿੱਚ ਸ਼ਮਿਲ ਹੋਏ ।

ਡਾਕਟਰ ਵਿਨੋਦ ਕੇ ਪਾਲ , ਮੈਂਬਰ ਸਿਹਤ ਨੀਤੀ ਆਯੋਗ ਵੀ ਵਰਚੁਅਲੀ ਹਾਜ਼ਰ ਸਨ ।

 

ਸ਼ੁਰੂ ਵਿੱਚ ਡਾਕਟਰ ਹਰਸ਼ ਵਰਧਨ ਨੇ ਮੰਤਰੀ ਸਮੂਹ ਦੇ ਹੋਰ ਮੈਂਬਰਾਂ ਨੂੰ ਰੋਜ਼ਾਨਾ ਹੋ ਰਹੀਆਂ ਰਿਕਵਰੀਆਂ ਵਿੱਚ ਵੱਧ ਰਹੀ ਚਾਲ ਬਾਰੇ ਜਾਣੂ ਕਰਵਾਇਆ । ਉਨ੍ਹਾਂ ਕਿਹਾ ਕਿ ਪਿਛਲੇ 24 ਘੰਟਿਆਂ ਦੌਰਾਨ 3 ਲੱਖ ਤੋਂ ਵੱਧ ਕੋਰੋਨਾ ਮਰੀਜ਼ ਸਿਹਤਯਾਬ ਹੋਏ ਨੇ । ਉਨ੍ਹਾਂ ਇਹ ਵੀ ਦੱਸਿਆ , “ਪਿਛਲੇ 7 ਦਿਨਾਂ ਦੌਰਾਨ 180 ਜਿ਼ਲਿ੍ਆਂ ਵਿੱਚ ਕੋਈ ਵੀ ਨਵਾਂ ਕੇਸ , 14 ਦਿਨਾਂ ਵਿੱਚ 8 ਜਿ਼ਲਿ੍ਆਂ ਵਿੱਚ , 21 ਦਿਨਾਂ ਵਿੱਚ 54 ਜਿ਼ਲਿ੍ਆਂ ਵਿੱਚ ਅਤੇ ਪਿਛਲੇ 28 ਦਿਨਾਂ ਵਿੱਚ 32 ਜਿ਼ਲਿ੍ਆਂ ਵਿੱਚ ਕੋਈ ਵੀ ਨਵਾਂ ਕੇਸ ਨਹੀਂ ਦਰਜ ਕੀਤਾ ਗਿਆ” । ਉਨ੍ਹਾਂ ਕਿਹਾ ਕਿ ਆਈ ਸੀ ਯੂ ਬੈੱਡ ਵਾਲੇ ਮਰੀਜ਼ਾਂ ਦੀ ਗਿਣਤੀ 488861 ਹੈ , ਜਦਕਿ 170848 ਅਤੇ 902291 ਮਰੀਜ਼ ਕ੍ਰਮਵਾਰ ਵੈਂਟੀਲੇਟਰ ਅਤੇ ਆਕਸੀਜਨ ਸਹਾਇਤਾ ਤੇ ਹਨ । ਇਸ ਤਰ੍ਹਾਂ ਆਈ ਸੀ ਯੂ ਵਿੱਚ 1.34 % ਕੋਵਿਡ ਕੇਸਾਂ ਦਾ ਬੋਝ ਹੈ , ਜਦਕਿ ਵੈਂਟੀਲੇਟਰ ਤੇ 0.39 ਫ਼ੀਸਦ ਕੇਸ ਅਤੇ ਅੱਜ ਦੀ ਤਰੀਕ ਵਿੱਚ ਆਕਸੀਜਨ ਬੈੱਡਸ ਤੇ 3.70 % ਕੋਵਿਡ ਮਰੀਜ਼ ਹਨ ।

ਡਾਕਟਰ ਹਰਸ਼ ਵਰਧਨ ਨੇ ਮੰਤਰੀ ਸਮੂਹ ਨੂੰ ਜਾਣਕਾਰੀ ਦਿੱਤੀ ਕਿ ਦੇਸ਼ ਭਰ ਵਿੱਚ ਕੁੱਲ ਕੋਵਿਡ 19 ਟੀਕਿਆਂ ਦੀਆਂ 16.73 ਕਰੋੜ ਤੋਂ ਵੱਧ ਖੁ਼ਰਾਕਾਂ ਦਿੱਤੀਆਂ ਜਾ ਚੁੱਕੀਆਂ ਹਨ , ਜਿਨ੍ਹਾਂ ਵਿੱਚ ਕਰੀਬ 23 ਲੱਖ ਖੁ਼ਰਾਕਾਂ ਬੀਤੇ ਦਿਨ ਦਿੱਤੀਆਂ ਗਈਆਂ । ਸੂਬਿਆਂ ਨੂੰ ਕੁੱਲ 174957777 ਖ਼ੁਰਾਕਾਂ ਦਿੱਤੀਆਂ ਜਾ ਚੁੱਕੀਆਂ ਹਨ , ਜਿਨ੍ਹਾਂ ਵਿੱਚੋਂ 166549583 ਖ਼ੁਰਾਕਾਂ ਦੀ ਖਪਤ ਹੋ ਚੁੱਕੀ ਹੈ ਅਤੇ 8408187 ਖ਼ੁਰਾਕਾਂ ਸੂਬਿਆਂ ਕੋਲ ਉਪਲਬਧ ਹਨ । ਉਨ੍ਹਾਂ ਨੇ ਹੋਰ ਦੱਸਿਆ ਕਿ ਕੁੱਲ 5325000 ਖ਼ੁਰਾਕਾਂ ਪਾਈਪਲਾਈਨ ਵਿੱਚ ਹਨ ਅਤੇ ਜਲਦੀ ਹੀ ਸੂਬਿਆਂ ਨੂੰ ਸਪਲਾਈ ਕੀਤੀਆਂ ਜਾਣਗੀਆਂ ।

2 ਕੋਵਿਡ ਟੀਕੇ ਦੀਆਂ ਖ਼ੁਰਾਕਾਂ ਰਾਹੀਂ ਮਿਲਣ ਵਾਲੀ ਪੂਰੀ ਸੁਰੱਖਿਆ ਦੇ ਮਹੱਤਵ ਨੂੰ ਦੁਹਰਾਉਂਦਿਆਂ ਉਨ੍ਹਾਂ ਨੇ ਸਾਰੇ ਨਾਗਰਿਕਾਂ ਨੂੰ ਅਪੀਲ ਕੀਤੀ ਕਿ ਉਹ ਟੀਕੇ ਦੀ ਦੂਜੀ ਖ਼ੁਰਾਕ ਲੈਣ , ਜੋ ਕੋਵਿਡ 19 ਖਿ਼ਲਾਫ਼ ਇਮਿਊਨਿਟੀ ਨੂੰ ਕਈ ਗੁਣਾ ਵਧਾਉਂਦੀ ਹੈ । ਉਨ੍ਹਾਂ ਨੇ ਸੂਬਿਆਂ ਨੂੰ ਬੇਨਤੀ ਕੀਤੀ ਕਿ ਉਹ ਭਾਰਤ ਸਰਕਾਰ ਦੇ ਚੈੱਨਲ ਰਾਹੀਂ ਪ੍ਰਾਪਤ ਟੀਕਿਆਂ ਦਾ 70 % ਦੂਜੀ ਖ਼ੁਰਾਕ ਦੇਣ ਲਈ ਅਲੱਗ ਰੱਖਣ ।

ਭਾਰਤ ਵਿੱਚ ਕੀਤੇ ਜਾ ਰਹੇ ਟੈਸਟਾਂ ਬਾਰੇ ਕੇਂਦਰੀ ਸਿਹਤ ਮੰਤਰੀ ਨੇ ਕਿਹਾ ਕਿ ਦੇਸ਼ ਪ੍ਰਤੀ ਦਿਨ 2500000 ਟੈਸਟਾਂ ਦੀ ਸਮਰੱਥਾ ਤੇ ਪਹੁੰਚ ਗਿਆ ਹੈ । ਉਨ੍ਹਾਂ ਦੱਸਿਆ ਕਿ ਹੁਣ ਤੱਕ ਭਾਰਤ ਵਿੱਚ 306018044 ਟੈਸਟ ਕੀਤੇ ਗਏ ਹਨ , ਜਿਨ੍ਹਾਂ ਵਿੱਚ 1808344 ਟੈਸਟ ਬੀਤੇ 24 ਘੰਟਿਆਂ ਵਿੱਚ ਕੀਤੇ ਗਏ , ਵੀ ਸ਼ਾਮਿਲ ਹਨ । ਐੱਨ ਆਈ ਵੀ ਪੂਨੇ ਦੀ ਕੇਵਲ 1 ਲੈਬ ਤੋਂ ਦੇਸ਼ ਹੁਣ 2514 ਲੈਬਾਰਟੀਆਂ ਨਾਲ ਸੇਵਾ ਕਰ ਰਿਹਾ ਹੈ ।

ਡਾਕਟਰ ਸੁਰਜੀਤ ਕੁਮਾਰ ਸਿੰਘ , ਡਾਇਰੈਕਟਰ , ਨੈਸ਼ਨਲ ਸੈਂਟਰ ਫਾਰ ਡਿਜ਼ੀਜ਼ ਕੰਟਰੋਲ (ਐੱਨ ਸੀ ਡੀ ਸੀ) ਨੇ ਹੋਰ ਮੁਲਕਾਂ ਦੇ ਮੁਕਾਬਲੇ ਭਾਰਤ ਦੀ ਕੋਵਿਡ ਚਾਲ ਨੂੰ ਉਜਾਗਰ ਕੀਤਾ । ਉਨ੍ਹਾਂ ਨੇ ਦੂਜੇ ਤੇ ਤੀਜੀ ਸ਼੍ਰੇਣੀ ਸ਼ਹਿਰਾਂ ਵਿੱਚ ਕੇਸਾਂ ਵਿੱਚ ਆਏ ਉਛਾਲ ਦੇ ਮੱਦੇਨਜ਼ਰ , ਹਸਪਤਾਲ , ਬੁਨਿਆਦੀ ਢਾਂਚਾ ਅਤੇ ਟੈਸਟਿੰਗ ਨੂੰ ਵਧਾਉਣ ਦੇ ਮਹੱਤਵ ਅਤੇ ਜਰੂਰਤ ਤੇ ਜ਼ੋਰ ਦਿੱਤਾ । ਉਨ੍ਹਾਂ ਕਿਹਾ ਕਿ ਹੁਣ ਇਹ ਉਛਾਲ ਇਨ੍ਹਾਂ ਖੇਤਰਾਂ ਵੱਲ ਵੀ ਜਾ ਰਿਹਾ ਹੈ ।

ਸੂਬਿਆਂ ਵਿੱਚੋਂ ਮਹਾਰਾਸ਼ਟਰ (1.27 %) , ਕਰਨਾਟਕ (3.05 %) , ਕੇਰਲ (2.35 %) , ਉੱਤਰ ਪ੍ਰਦੇਸ਼ (2.44 %) , ਤਾਮਿਲਨਾਡੂ (1.86 %) , ਦਿੱਲੀ (1.92 %) , ਆਂਧਰ ਪ੍ਰਦੇਸ਼ (1.90 %) , ਪੱਛਮ ਬੰਗਾਲ (2.19 %) , ਛੱਤੀਸਗੜ੍ਹ (2.06 %) , ਰਾਜਸਥਾਨ (2.99 %) , ਗੁਜਰਾਤ (2.40 %) , ਮੱਧ ਪ੍ਰਦੇਸ਼ (2.24 %) , ਨੂੰ ਉਜਾਗਰ ਕੀਤਾ ਗਿਆ , ਕਿਉਂਕਿ ਇਨ੍ਹਾਂ ਸੂਬਿਆਂ ਵਿੱਚ ਕੇਸਾਂ ਵਿੱਚ 7 ਦਿਨਾਂ ਦੌਰਾਨ ਸਭ ਤੋਂ ਵੱਧ ਦਰ ਰਹੀ ਹੈ ।

ਦੇਸ਼ ਵਿੱਚ ਐਕਟਿਵ ਕੇਸਾਂ ਦਾ ਜਿਹੜੇ 20 ਜਿ਼ਲਿਆਂ/ ਮਹਾਨਗਰਾਂ ਨੇ ਸਭ ਤੋਂ ਵੱਧ ਯੋਗਦਾਨ ਪਾਇਆ ਹੈ , ਉਨ੍ਹਾਂ ਵਿੱਚ ਬੈਂਗਲੁਰੂ , ਸ਼ਹਿਰੀ , ਗੰਜਮ , ਪੂਨੇ , ਦਿੱਲੀ , ਨਾਗਪੁਰ , ਮੁੰਬਈ , ਇਰਨਾਕੁਲਮ , ਲਖਨਊ , ਕੋਚੀਕੋੜੇ (ਕਾਲੀਕਟ) , ਠਾਥੇ , ਨਾਸਿਕ , ਮੱਲਾਪੁਰਮ , ਤ੍ਰਿਸੂਰ , ਜੈਪੁਰ , ਗੁੜਗਾਂਓਂ , ਚੇੱਨਈ , ਥਿਰੁਵਨੰਤਪੁਰਮ , ਚੰਦਰਾਪੁਰ , ਕੋਲਕਾਤਾ , ਪਲੱਕੜ ਸ਼ਾਮਿਲ ਹਨ । ਉੱਚ ਸੰਚਾਰ ਖੇਤਰਾਂ ਵਿੱਚ ਕਲੀਨਿਕਲ ਸਿਹਤ ਸੰਭਾਲ ਦੀ ਸਮੇਂ ਸਿਰ ਵਿਵਸਥਾ , ਮੌਰਬਿਡਟੀ ਤੇ ਮੌਤ ਦਰ ਨੂੰ ਘਟਾਉਣ , ਮਾਮਲਿਆਂ ਵਿੱਚ ਵਾਧਾ ਹੋਣ ਦੀ ਸੰਭਾਵਨਾ ਵਿੱਚ ਅਗਾਂਊਂ ਤਿਆਰੀ , ਆਰ ਏ ਟੀ ਦੀ ਵਰਤੋਂ ਕਰਕੇ ਟੈਸਟਾਂ ਵਿੱਚ ਵਾਧਾ ਅਤੇ ਜਿਨ੍ਹਾਂ ਲਾਗ ਵਾਲੇ ਕੇਸਾਂ ਦਾ ਹੋ ਸਕਦਾ ਸੀ , ਉਨ੍ਹਾਂ ਦਾ ਪਤਾ ਲਗਾਉਣ ਉੱਤੇ ਜ਼ੋਰ , ਲਾਗ ਦੀ ਗਤੀਸ਼ੀਲਤਾ , ਕਲੀਨਿਕਲ ਤੀਬਰਤਾ ਅਤੇ ਨਵੇਂ ਮਾਮਲਿਆਂ ਦੀ ਉਮਰ ਪ੍ਰੋਫਾਈਲ ਦੇ ਨਾਲ ਜਿਨੌਮਿਕ ਨਿਗਰਾਨੀ ਦੇ ਕਲੀਨਿਕ ਮਹਾਮਾਰੀ ਸਬੰਧੀ ਜੋੜਾਂ ਦੇ ਜ਼ੋਰ ਵਾਲੇ ਅਗਲੇ ਮਹੱਤਵਪੂਰਨ ਕਦਮਾਂ ਨੂੰ ਉਜਾਗਰ ਕੀਤਾ ਗਿਆ ।

ਡਾਕਟਰ ਵੀ ਕੇ ਪਾਲ ਨੇ ਸ਼ਕਤੀਸ਼ਾਲੀ ਗਰੁੱਪ 1 ਦੇ ਚੇਅਰਮੈਨ ਵਜੋਂ ਇਸ ਦੇ ਕੰਮ ਬਾਰੇ ਇੱਕ ਵਿਸਥਾਰਿਤ ਰਿਪੋਰਟ ਪੇਸ਼ ਕੀਤੀ । ਉਨ੍ਹਾਂ ਨੇ ਹਸਪਤਾਲਾਂ ਵਿੱਚ ਦਾਖ਼ਲ ਮਰੀਜ਼ਾਂ ਦੇ ਪ੍ਰਭਾਵਸ਼ਾਲੀ ਕਲੀਨਿਕਲ ਪ੍ਰਬੰਧਨ ਲਈ ਹਸਪਤਾਲ ਬੁਨਿਆਦੀ ਢਾਂਚੇ ਨੂੰ ਵਧਾਉਣ ਲਈ ਵੱਖ ਵੱਖ ਯਤਨਾਂ ਨੂੰ ਉਜਾਗਰ ਕੀਤਾ । ਭਾਈਚਾਰੇ ਦੀ ਅਗਵਾਈ ਦੇ ਯਤਨਾਂ ਅਤੇ ਰੋਕਾਂ ਰਾਹੀਂ ਕੰਟੇਨਮੈਂਟ ਨੂੰ ਤੇਜ਼ ਕਰਨ ਦੁਆਰਾ ਲਾਗ ਨੂੰ ਰੋਕਣ ਲਈ ਜ਼ਰੂਰੀ ਕਦਮਾਂ , ਸਨੇਹਾਂ ਨੂੰ ਵਧਾਉਣ ਅਤੇ ਗਲਤ ਜਾਣਕਾਰੀ ਦੇ ਪ੍ਰਵਾਹ ਨੂੰ ਰੋਕਣ ਅਤੇ ਘਬਰਾਹਟ ਨੂੰ ਦੂਰ ਕਰਨ ਲਈ ਪਹੁੰਚ , ਕੋਵਿਡ ਦੌਰਾਨ ਘਰ ਵਿੱਚ ਹੀ ਸੰਭਾਲ ਨੂੰ ਉਤਸ਼ਾਹਿਤ ਕਰਨ, ਅਤੇ ਹਸਪਤਾਲਾਂ ਤੇ ਲੋਡ ਘਟਾ ਕੇ ਰੇਮਡੇਸਿਵਰ , ਆਕਸੀਜਨ ਤੇ ਹੋਰ ਦਵਾਈਆਂ ਦੀ ਸੋਚ ਸਮਝ ਕੇ ਵਰਤੋਂ ਕਰਨਾ , ਇਕਾਂਤਵਾਸ ਬੈੱਡ ਵਜੋਂ ਰੇਲਵੇ ਕੋਚਾਂ ਨੂੰ ਵਧਾਉਣਾ , ਪੇਂਡੂ ਕੋਵਿਡ ਸੰਭਾਲ ਤੇ ਵਧੇਰੇ ਧਿਆਨ ਕੇਂਦਰਿਤ ਕਰਨਾ ਪੇਸ਼ ਕੀਤਾ ਗਿਆ । ਮਹਾਮਾਰੀ ਵਿਗਿਆਨ ਦੇ ਸਬੂਤ , ਵੱਖ ਵੱਖ ਭਾਗੀਦਾਰਾਂ ਦੁਆਰਾ ਗਤੀਸ਼ੀਲ ਮਾਰਗਦਰਸ਼ਨ ਅਤੇ ਸੂਬਿਆਂ / ਕੇਂਦਰ ਸ਼ਸਿਤ ਪ੍ਰਦੇਸ਼ਾਂ ਦੀ ਸਹਾਇਤਾ ਕਰਨ ਬਾਰੇ ਵੀ ਮੀਟਿੰਗ ਵਿੱਚ ਦੱਸਿਆ ਗਿਆ ।

ਸ਼੍ਰੀ ਏ ਗਿਰਧਰ ਅਰਮਾਨੇ , ਸਕੱਤਰ ਸੜਕ ਆਵਾਜਾਈ ਤੇ ਰਾਜ ਮਾਰਗ ਮੰਤਰਾਲਾ , ਚੇਅਰ , ਈ ਜੀ , 2 ਨੇ ਤਰਲ ਮੈਡੀਕਲ ਆਕਸੀਜਨ ਉਤਪਾਦਨ , ਵੰਡ ਅਤੇ ਸਪਲਾਈ ਦਾ ਮੌਜੂਦਾ ਦ੍ਰਿਸ਼ ਪੇਸ਼ ਕੀਤਾ । ਉਨ੍ਹਾਂ ਕਿਹਾ ਕਿ ਕੋਵਿਡ ਮਰੀਜ਼ਾਂ ਦੀ ਮੌਜੂਦਾ ਮੰਗ ਨੂੰ ਪੂਰਾ ਕਰਨ ਲਈ ਵੱਧ ਤੋਂ ਵੱਧ ਤਰਲ ਮੈਡੀਕਲ ਆਕਸੀਜਨ ਦਾ ਉਤਪਾਦਨ ਕੀਤਾ ਜਾ ਰਿਹਾ ਹੈ । ਉਨ੍ਹਾਂ ਕਿਹਾ ਕਿ ਸਵਦੇਸ਼ੀ ਉਤਪਾਦਨ 9400 ਮੀਟਰਿਕ ਟਨ ਪ੍ਰਤੀ ਦਿਨ ਤੋਂ ਵੱਧ ਹੋ ਗਿਆ ਹੈ । ਐੱਲ ਐੱਮ ਓ ਦੀ ਦਰਾਮਦ ਲਈ ਕਦਮ , ਪੀ ਐੱਮ ਕੇਅਰਸ ਫੰਡ ਦੀ ਸਹਾਇਤਾ ਰਾਹੀਂ ਪੀ ਐੱਸ ਏ ਆਕਸੀਜਨ ਪਲਾਂਟਾਂ ਨੂੰ ਸਥਾਪਿਤ ਕਰਨ ਦੀ ਸਥਿਤੀ ਇਸ ਲਈ ਡੀ ਆਰ ਡੀ ਓ ਅਤੇ ਸੀ ਐੱਸ ਆਈ ਆਰ ਦੀ ਲਈ ਜਾ ਰਹੀ ਸਹਾਇਤਾ , ਟੈਂਕਰਾਂ ਦੀ ਉਪਲਬਧਤਾ ਵਧਾਉਣ , ਐੱਲ ਐੱਮ ਓ ਟੈਂਕਰਸ ਦੀ ਰੀਅਲ ਟਾਈਮ ਟ੍ਰੈਕਿੰਗ ਲਈ ਕੰਮ ਕਰ ਰਹੇ ਮੋਬਾਈਲ ਐਪਲੀਕੇਸ਼ਨ ਅਤੇ ਵੈੱਬ ਪੋਰਟਲ ਬਾਰੇ ਵੀ ਉਨ੍ਹਾਂ ਵੱਲੋਂ ਜਾਣਕਾਰੀ ਦਿੱਤੀ ਗਈ ।

   

ਸ਼੍ਰੀ ਅਮਿਤਾਭ ਕਾਂਤ , ਸੀ ਈ ਓ , ਨੀਤੀ ਆਯੋਗ , ਸ਼੍ਰੀ ਹਰਸ਼ ਵਰਧਨ ਸਿ਼੍ਰੰਗਲਾ , ਵਿਦੇਸ਼ ਸਕੱਤਰ , ਸ਼੍ਰੀ ਅਨੂਪ ਵਧਾਵਨ ਸਕੱਤਰ (ਵਣਜ) , ਡਾਕਟਰ ਬਲਰਾਮ ਭਾਰਗਵ , ਸਕੱਤਰ (ਸਿਹਤ ਅਤੇ ਖੋਜ) ਅਤੇ ( ਡੀ ਜੀ ਆਈ ਸੀ ਐੱਮ ਆਰ ) , ਮਿਸ ਵੰਦਨਾ ਗੁਰਨਾਨੀ ਵਧੀਕ ਸਕੱਤਰ ਅਤੇ ਮਿਸ਼ਨ ਡਾਇਰੈਕਟਰ , ਐੱਨ ਐੱਚ ਐੱਮ (ਸਿਹਤ) , ਮਿਸ ਆਰਤੀ ਅਹੂਜਾ ਵਧੀਕ ਸਕੱਤਰ (ਐੱਮ ਓ ਐੱਚ ਐਫ ਡਬਲਿਊ) , ਡਾਕਟਰ ਸੁਨੀਲ ਕੁਮਾਰ , ਡੀ ਜੀ ਐੱਚ ਐੱਸ (ਸਿਹਤ ਤੇ ਪਰਿਵਾਰ ਭਲਾਈ ਮੰਤਰਾਲਾ) , ਸ਼੍ਰੀ ਅਮਿਤ ਯਾਦਵ , ਡੀ ਜੀ ਵਿਦੇਸ਼ ਵਿਭਾਗ (ਡੀ ਜੀ ਐੱਫ ਟੀ) , ਆਈ ਟੀ ਬੀ ਪੀ , ਰੱਖਿਆ ਹੈੱਡ ਕੁਆਟਰ ਦੇ ਪ੍ਰਤੀਨਿੱਧ ਵੀ ਸ਼ਾਮਿਲ ਸਨ ।

ਐੱਮ ਵੀ