ধর্ম, জাৎ-বিজাৎ, লাইনিং-লাইশোনগী খেন্নবা অমতা থিদনা লৈবাক অসিগী মফম অয়াম্বদা কোবিদ-১৯গী অনিশুবা ৱেব অসিনা লেপ্পা লৈতনা চৈথেং পীরি৷ লৈবাক অসিনা অৱাবা খুদোংথিবা তারবা মতমদা, আর্ম ফোর্সশিং তুমিন্না খক লৈথোক্তে হায়বসি হায়দ্রবসু খঙনরবা ৱাফম্নি৷ হৌখিবা চয়োল খরা অসিদা, মালেম শিনবা থুংনা শন্দোরক্লিবা লাইচৎ অসিগী মাইয়োক্তা ঐখোয় পুম্নমক অমতা ওইনা লান্থেংমিন্নসি হায়না আর্ম ফোর্সশিংনা হায়জরকখ্রে অমসুং মখোয়না তোঙান তোঙানবা সরকারগী ইন্সতিত্যুসনশিং অমসুং রাজ্য সরকারশিংদা তঙাই ফদবা সপোর্ত পীনবা হোৎনখ্রে৷

তোঙান তোঙানবা মফমশিংদা লৈরিবা মেদিকেল স্ত্রেস অসি হন্থননবগীদমক ত্রেন তৌরবা মেদিকেল ওফিসরশিং অমসুং পেরামেদিকেল স্তাফ পীবদগী হৌরদুনা মালেম অসিগী অতোপ্পা মফমশিং অসিদগী পীরক্লিবা মরু ওইবা সপ্লাইশিং পুশিল্লকপা, অমসুং য়াদ্রবা ওক্সিজেন প্লান্তশিং শেম্বদগী হৌরদুনা নোংপোক অমসুং নোংচুপ থংবা লমদমশিংদা লৈরিবা হিথাংফমশিংদগী মেদিকেল সপ্লাইশিং পুশিল্লক্তুনা, আর্ম ফোর্সশিংনা মথৌ নিংথিনা তৌখ্রে৷ বরানাসিদা তৌরিবা অদুগুম্না ন্যু দিল্লি, পত্ন, অহমেদবাদ, লখনৌ অমসুং অতোপ্পা মফম খরদা দি.আর.দি.ও.না শেম্লিবা হোস্পিতাল পুম্নমক আর্ম ফোর্সেস দোক্তর নর্স ৫০০ হেনবনা মথৌ তৌরিবনি৷ অসিগুম্বা মেকশিফত কোবিদ কেয়র ফেসিলিতীশিং অসিদা য়ুনিফোর্মদা লৈরিবা নুপা অমসুং নুপীশিংনা সর্ভিস পীদুনা লাক্লি৷ ত্রেন তৌরবা ৱার্কফোর্স অসিদা মতেং পাংননবা, বেসিক মেদিকেল কেয়রদা ত্রেন তৌরবা খোঙ লান্মীশিং/ সেল্লরশিং/ এয়রমেন, বেত্তল ফিল্দ নর্সিং এসিস্তেন্ত(বি.এফ.এন.এ.) কয়া অমসু দিপ্লোই তৌখ্রে৷

লান্মীশিংনা ঙমখৈগী মফমশিংদা, মেরিতাইম বাউন্দরীশিংদা অমসুং এয়র স্পেসতা ঙাক শেন্দুনা থম্লিবা অসিগী মথক্তা মেদিকেলগী ওইবা হিরমশিংদা মতেং পাংলি৷ মেদিকেল মেনপৱার ৱাৎপনা মশাগী ঙম্বা কেপাসিতীগী ৱাংমদা মথৌ তৌরিবা আর্ম ফোর্সেস হোস্পিতাবশিংগী ফেসিলিতীশিং অপগ্রেদ তৌনবা হোৎনরি৷

ভারত অমসুং মপান লৈবাকশিংদগী কোবিদ হোতস্পোত ওইরিবা মফমশিং অসিদা নুংতি নুমিৎ খুদিংগী ওক্সিজেন জেনেরেতরশিং, মেদিকেল সপ্লাইশিং, লেব ইক্ব্যুইপমেন্ত অমসুং মেদিকেল পর্সোনেল পুথোক-পুশিন তৌবদা আর্মীগী গারি, নেভেগী জহাজ অমসুং এয়র ফোর্সকী এয়রক্রাফত কয়া অমা শিজিন্নরি৷ দোমেস্তিক ফ্লাইতশিং অসিদগী হেন্দোক্তুনা, জর্মনী, সিঙ্গাপুর, য়ু.এ.ই., ওমান, য়ু.কে., ওস্ত্রেলিয়া, ইজরেল, বেল্জিয়ম অমসুং থাইলেন্দদগী মেদিকেল সপ্লাইশিং অমসুং ওক্সিজেন জেনেরেতরশিং পুথোরক্নবা আই.এ.এফ.না হোৎনখ্রে৷ ইন্দিয়ন নেভীগী জহাজশিংনা বহরেন, কুৱেত, ক্বাতর অমসুং সিঙ্গাপুরদগী ওক্সিজেন জেনেরেতরশিং অমসুং সিলিন্দরশিং য়াওনা মরু ওইবা আইতেমশিং পুশিল্লক্লি৷ নেভী অসিনা ঐখোয়গী ইথৎশিং অসিগী লাইফলাইনসু ওইরি৷ ইন্দিয়ন আর্মীগী মিলিতরী গ্রেদ রেলৱে বোগীশিং অমসুং হেভী লোদ কেরিয়র তত্রা ভেহিকলশিংনা হেভী মেছিনরীশিং, ওক্সিজেন জেনেরেতরশিং অমসুং ক্রাইয়োজেনিক তেঙ্করশিং মতম চানা পুথোক-পুশিন তৌরি৷ মসিগীসু মথক্তা, ফমুং মশিং হেন্না লৈহন্নবা অমসুং মেদিকেল রিসোর্চশিং হেন্না চাওথোকহন্নবা হৌজিক লৈরিবা প্রোসিদ্যোরশিং শেমদোকখ্রে৷

মিলিতরী হোস্পিতাল মশিং অসি য়াম্না লৈতবনা, ঐখোয়গী ভেতরানশিং অমসুং মখোয়গী ইমুং-মানুংশিংদা ক্বালিতী মেদিকেল কেয়র পীবা অসি ২০০৩দা লোঞ্চ তৌখিবা এক্স-সর্ভিসমেন কন্ত্রিব্যুতরী হেল্থ স্কিম(ই.সি.ঐচ.এস.)কী পান্দম ওইরি৷ লৈবাক অসিদা কোবিদ-১৯গী কেস মশিং য়াম্না হেনগৎলকপা অসিনা লৈবাক অসিদা লৈরিবা হেল্থ ইনফ্রাস্ত্রকচর পুম্নমক্তা অকনবা শাফু পীরে, মসিনা মরম ওইদুনা এক্স-সর্ভিসমেনশিংনা এম্পেনেল সিভিল হোস্পিতালশিং অমসুং মিলিতরী হোস্পিতালশিংদগী মতিক চাবা মেদিকেল সপোর্ত ফংবা হায়বা অসি অরুবা অমা ওইহল্লে৷ অসিগুম্বা লুরবা পুন্সি কনবগী মতম অসিদদি লৈবাক অসিদা লৈরিবা প্রজাশিংগী মরক্তা খেন্নবা অমতা থমদে, রিসোর্চ মরাং কাইনা ফংদবা অসিনা ঐখোয়গী ভেতরানশিং লাইয়েংবদা চৈথেং পীবা ফেক্তর ওইরি৷

হৌজিক চত্থরিবা কোবিদ লাইনা-লাইচৎ লান্থেংনরিবা অসিগী মথক্তা, ইনিসিয়েতিবশিং খুদম ওইনা সিহাত ও.পি.দি., আর্ম ফোর্সেস পর্সোনেল অমসুং মখোয়গী ইমুং-মনুংদা মেদিকেল কন্সল্তেসনশিং ফংহন্নবগীদমক লৈরিবা ইন্তরনেল ওনলাইন কন্সল্তেসন প্লেতফোর্ম অমা, ই সঞ্জিবানি (https://esanjeevaniopd.in) হৌজিক হৌজিক থবক তৌরিবা অমসুং রিতাইয়র্দ তৌক্রবা সর্ভিস দোক্তরশিং শিজিন্নরিবা এম.ও.ঐচ.এফ.দবল্যু.গী ওনলাইন কন্সল্তেসন প্লেতফোর্ম অদুনা খুদোংচাবা ফংহনবা হৌখ্রে৷ অসিগীসু মথক্তা, মরুপ-মপাং ওইরিবা লৈবাকশিং অসিদগী পুশিল্লক্লিবা মরু ওইবা মেদিকেল সপ্লাইশিং অসি হেক য়ৌরকপগা য়েন্থোকপা য়ানবা, ইন্তর-সর্ভিস কম্মিতী অমা এম.ও.ঐচ.এফ.দবল্যু.দা মতেং পাংনবা শেমখ্রে৷

আর্ম ফোর্সেসনা লৈবাক অসিগীদমক তৌবা য়াবা থবক পুম্নমক পাংথোক্তুনা লাক্তুনা ওপরেস্নেল প্রিপেয়র্দনেস অমসুং নেস্নেল সেক্যুরিতীদা কম্প্রোমিস তৌখিবা লৈতে৷ সরকার অসিনা লাইনা-লাইচৎ অসি মাই পাক্না লান্থেংনবা ঙম্নবা হোৎনরিঙৈ চৈরক অসিদা য়ুনিফোর্মদা লৈরিবা মীয়াম্নসু লৈবাক অসিগীদমক মখাতানা মতেং পাংখিগনি৷

                                                                                        ******