ਰੱਖਿਆ ਸਕੱਤਰ ਡਾ. ਅਜੈ ਕੁਮਾਰ, ਆਈਏਐੱਸ ਅਤੇ ਹਥਿਆਰਬੰਦ ਸੈਨਾਵਾਂ ਦੀਆਂ ਮੈਡੀਕਲ ਸੇਵਾਵਾਂ ਦੇ ਡਾਇਰੈਕਟਰ ਜਨਰਲ (ਡੀਜੀਐੱਫਐੱਮਐੱਸ) ਸਰਜਨ ਵਾਈਸ ਐਡਮਿਰਲ ਰਜਤ ਦੱਤਾ, ਏਵੀਐਸਐਮ, ਐਸਐਮ, ਵੀਐਸਐਮ, ਪੀਐਚਐਸ ਨੇ ਰਾਸ਼ਟਰ ਦੇ ਸੱਦੇ ਦਾ ਜਵਾਬ ਦੇਣ ਲਈ ਅੱਗੇ ਆਏ ਸਾਬਕਾ ਫੌਜੀ ਡਾਕਟਰਾਂ ਨੂੰ ਸੰਬੋਧਨ ਕੀਤਾ। ਸਾਬਕਾ ਫੌਜੀ ਡਾਕਟਰ ਹੁਣ ਭਾਰਤ ਦੇ ਸਾਰੇ ਨਾਗਰਿਕਾਂ ਨੂੰ "ਈ-ਸੰਜੀਵਨੀ ਓਪੀਡੀ 'ਤੇ ਸਾਬਕਾ ਫੌਜੀ ਡਾਕਟਰਾਂ ਦੁਆਰਾ ਔਨਲਾਈਨ ਕਾਉਂਸਲਿੰਗ ਸੇਵਾ" ਲਈ ਉਪਲਬਧ ਹੋਣਗੇ।

ਈ-ਸੰਜੀਵਨੀ ਓਪੀਡੀ, ਭਾਰਤ ਸਰਕਾਰ ਦਾ ਪ੍ਰੀਮੀਅਰ ਟੈਲੀਮੈਡੀਸਨ ਪਲੇਟਫਾਰਮ ਹੈ, ਜੋ ਕਿ ਭਾਰਤ ਸਰਕਾਰ ਦੇ ਮੋਹਾਲੀ ਵਿਚਲੇ ਸੈਂਟਰ ਫਾਰ ਡਿਵੈਲਪਮੈਂਟ ਆਫ਼ ਐਡਵਾਂਸਡ ਕੰਪਿਊਟਿੰਗ (ਸੀ-ਡੈੱਕ) ਦੀ ਅਗਵਾਈ ਹੇਠ ਵਿਕਸਤ ਕੀਤਾ ਗਿਆ ਹੈ ਅਤੇ ਬਹੁਤ ਵਧੀਆ ਢੰਗ ਨਾਲ ਕੰਮ ਕਰ ਰਿਹਾ ਹੈ। ਇਹ ਪਲੇਟਫਾਰਮ ਕਿਸੇ ਵੀ ਭਾਰਤੀ ਨਾਗਰਿਕ ਨੂੰ ਮੁਫਤ ਕਾਉਂਸਲਿੰਗ ਪ੍ਰਦਾਨ ਕਰਦਾ ਹੈ। ਹਾਲਾਂਕਿ, ਕੋਵਿਡ ਮਾਮਲਿਆਂ ਵਿੱਚ ਵਾਧੇ ਦੇ ਨਾਲ, ਡਾਕਟਰਾਂ ਦੀ ਮੰਗ ਵਿੱਚ ਵਾਧਾ ਹੋ ਰਿਹਾ ਹੈ, ਕੋਵਿਡ ਵਾਰਡ ਦੀਆਂ ਡਿਊਟੀਆਂ ਕਾਰਨ ਡਾਕਟਰਾਂ ਦੀ ਘਾਟ ਆਈ ਹੈ। ਅਜਿਹੀ ਸਥਿਤੀ ਵਿੱਚ ਫੌਜ ਦੇ ਸਾਬਕਾ ਡਾਕਟਰ ਮਦਦ ਲਈ ਅੱਗੇ ਆ ਰਹੇ ਹਨ।

ਹੈੱਡਕੁਆਰਟਰ ਏਕੀਕ੍ਰਿਤ ਰੱਖਿਆ ਅਮਲੇ ਦੇ ਮੈਡੀਕਲ ਵਿੰਗ ਅਤੇ ਸੇਵਾਮੁਕਤ ਰੱਖਿਆ ਕਰਮਚਾਰੀਆਂ ਲਈ ਇੱਕ ਟੈਲੀਮੇਡਿਸਨ ਸੇਵਾ ਪ੍ਰਦਾਨ ਕਰਦਾ ਹੈ। ਮੈਡੀਕਲ ਸ਼ਾਖਾ ਨੇ ਕੇਂਦਰੀ ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰਾਲੇ ਅਤੇ ਰਾਸ਼ਟਰੀ ਸੂਚਨਾ ਕੇਂਦਰ ਨਾਲ ਤਾਲਮੇਲ ਕੀਤਾ ਹੈ, ਤਾਂ ਜੋ ਦੇਸ਼ ਦੇ ਆਮ ਨਾਗਰਿਕ ਮਰੀਜ਼ਾਂ ਲਈ ਇਹ ਪ੍ਰੀ-ਡਿਫੈਂਸ ਓਪੀਡੀ ਸ਼ੁਰੂ ਕੀਤੀ ਜਾ ਸਕੇ। ਆਈਡੀਐਸ ਮੈਡੀਕਲ ਦੇ ਉਪ ਪ੍ਰਧਾਨ ਨੇ ਸੇਵਾਮੁਕਤ ਏਐਫਐਮਐਸ ਡਾਕਟਰਾਂ ਦੇ ਸਾਰੇ ਸੇਵਾਮੁਕਤ ਭਾਈਚਾਰੇ ਨੂੰ ਅਪੀਲ ਕੀਤੀ ਹੈ, ਕਿ ਉਹ ਇਸ ਪਲੇਟਫਾਰਮ ਵਿੱਚ ਸ਼ਾਮਲ ਹੋਣ ਅਤੇ ਸੰਕਟ ਦੇ ਇਸ ਸਮੇਂ ਵਿੱਚ ਭਾਰਤ ਦੇ ਨਾਗਰਿਕਾਂ ਨੂੰ ਕੀਮਤੀ ਸਲਾਹ ਦੇਣ, ਜਦੋਂ ਦੇਸ਼ ਇੱਕ ਮੁਸ਼ਕਲ ਸਮੇਂ ਵਿੱਚੋਂ ਲੰਘ ਰਿਹਾ ਹੈ।

ਸੇਵਾਮੁਕਤ ਫੌਜੀ ਡਾਕਟਰਾਂ ਵਲੋਂ ਚੰਗਾ ਹੁੰਗਾਰਾ ਮਿਲਿਆ ਹੈ ਅਤੇ ਬਹੁਤ ਸਾਰੇ ਸੇਵਾਮੁਕਤ ਫੌਜੀ ਡਾਕਟਰਾਂ ਦੇ ਜਲਦੀ ਹੀ ਇਸ ਵਿੱਚ ਸ਼ਾਮਲ ਹੋਣ ਦੀ ਉਮੀਦ ਕੀਤੀ ਜਾਂਦੀ ਹੈ। ਇਸ ਤੋਂ ਬਾਅਦ, ਇੱਕ ਵੱਖਰੀ ਦੇਸ਼ਵਿਆਪੀ ਫੌਜ ਦੇ ਸਾਬਕਾ ਡਾਕਟਰਾਂ ਦੀ ਓਪੀਡੀ ਦੀ ਕਲਪਨਾ ਕੀਤੀ ਗਈ ਹੈ। ਉਨ੍ਹਾਂ ਦਾ ਵਿਸ਼ਾਲ ਤਜ਼ਰਬਾ ਅਤੇ ਮਹਾਰਤ ਦੇਸ਼ ਦੇ ਆਮ ਨਾਗਰਿਕ ਮਰੀਜ਼ਾਂ ਨੂੰ ਉਨ੍ਹਾਂ ਦੇ ਘਰਾਂ 'ਤੇ ਸਲਾਹ-ਮਸ਼ਵਰਾ ਕਰਨ ਅਤੇ ਸੰਕਟ ਨਾਲ ਨਜਿੱਠਣ ਵਿੱਚ ਸਹਾਇਤਾ ਕਰੇਗੀ।

*******

ਏਏ/ਬੀਐੱਸਸੀ