রেলৱে মন্ত্রালয়
রেলৱেনা অসম (এন.এফ. রেলৱে)গী গুৱাহাতীদা আইসোলেসন কোচ ২১ অমসুং সিলচরগী মনাক্তা লৈবা বদরপুরদা আইসোসেলন কোচ ২০ পীখ্রে
রেলৱেনা চয়োলগী অহৌবদা সাবরমতী অমসুং চান্দলোদিয়াদা গুজরাৎকী রাজ্য সরকারনা হায়জরকপদগী আইসোলেসন কোচ ১৯ পীখ্রবনি
ফমুং ৩৭৮ লৈবা কোবিদ কেয়র কোচ ২১ অমসুং ফমুং ৭০ লৈবা কোবিদ কেয়র কোচ ৫সু পলঘর অমসুং জবলপুরদা মথংশিৎনা মথৌ তৌবা হৌখ্রবনি
চায়রাকপা ফমুং ৪৭০০ লৈবা অপুনবা কোবিদ কেয়র কোচ ২৯৮ অসি লৈবাক অসিগী তোঙান-তোঙানবা মফমশিংগী স্তেসন ১৭ হৌজিক লৈরে
কোবিদ কেয়র কোচ ৪৪০০ হেনবদা রেলৱেজনা আইসোলেসন ফমুং ৭০,০০০ ফংহনখ্রে
রেলৱেজনা পাংথোক্লিবা হাইজিন অমসুং কেতরিংগী থবকশিংগী অফবা ফীদবেক কয়া অনাবশিংনা পীনরক্লি
Posted On:
07 MAY 2021 3:37PM by PIB Imphal
কোবিদকী নীংহন্নবা লৈতনা লান্থেংনরিবা অসিদা, রেলৱেজ মন্ত্রালয়না রাজ্যশিংনা হায়জরকপগী মতুং ইন্না তঙাই ফদবা মফমশিংদা আইসোলেসন কোচ কয়া অথুবা মতমদা থারি অমসুং থবক অসিগীদমক্তা মখোয়গী থৌমী কয়া অমা মথৌ তৌহল্লি। রেলৱেজনা আইসোলেসন য়ুনিৎ ওইনা মথৌ তৌগদবা চাউরাকপা ফমুং ৭০,০০০ লৈবা আইসোলেসন কোচ ৪৪০০ শেম-শাদুনা মীয়ামদা ফংহনখ্রে।
খ্বাইদগী নৌবা পাউ অমদা, অসম রাজ্যনা ইনৌ নৌনা হায়জরকপগী মতুং ইন্না, রেলৱেজনা রেলৱেনা অসম (এন.এফ. রেলৱে)গী গুৱাহাতীদা আইসোলেসন কোচ ২১ অমসুং সিলচরগী মনাক্তা লৈবা বদরপুরদা আইসোসেলন কোচ ২০ পীখ্রে। চয়োল অসিগী অহৌবদসু, সাবরমতী, চান্দলোদিয়া অমসুং দিমাপুরদা আইসোলেসন কোচ কয়াসু থাখ্রবনি।
রাজ্যশিংনা হায়জরকপগী মতুং ইন্না, তোঙান-তোঙানবা রাজ্যশিংদা ফমুং ৪৭০০ হেন্না লৈবা কোচ ২৯৮ হৌজিক ফাওবগী ওইনা পীখ্রে। গুজরাৎনা খ্বাইদগী নৌনা হায়জরকপদগী, রেলৱেজনা সাবরমতী কোচ ১০ অমসুং চান্দলোদিয়াগী কোচ ৬ পীখ্রে। অতোপ্পা নাকল অমদা, নাগালেন্দ রাজ্যনা হায়জরকপদা, রেলৱেজনা দিমাপুরদা আইসোলেসন কোচ ১০ থম্বীখ্রে। মেদিকেলগী মীওইশিংগী কোচ অমা থমদুনা ফমুনফ ৭০ লৈবা আইসোলেসন কোচ ৫সু জবলপুরদা থাখ্রে অমসুং মখোয়না হৌজিক মথৌ তৌরি। পলঘর জিলাগী লৈঙাক্লোইশিংগা য়ানবা পুরকপগী মতুং ইন্না, মেদিকেলগী অথুবা অপাম্বা লৈবগীদমক্তা মফম অসিদা কোচ ২১সু মথৌ তৌবা হৌহনখ্রে। মফম কয়া অমদা, হায়রিবা কোচশিং অসিদা ওক্সীজেন সিলিন্দরগী সেৎ ২সু মেদিকেলগী তঙাই ফদবশিং কোকহন্নবগীদমক্তা রাজ্যগী হকশেলগী ওথোরিতীশিংনা থমখ্রে।
দিল্লী, য়ু.পি., মধ্য প্রদেশ অমসুং মহারাস্ত্রাগী রাজ্যশিংদা হৌজিক ফাওবগী ওইনা থমখিবা কোচশিংগী অকুপ্পা মরোলশিং মখাদা পীরিঃ
মহারাস্ত্রাগী নান্দ্রুবারদা মমাংগী নুমিৎ ২নিদা অনৌবা কেস ১০ লাকখি অমসুং মফম অসিগী আইসোলেসন ফেসিলিতী অসিদা হান্ননা লৈখ্রবা অনাবা ১০ দিসচার্জ তৌখ্রে। ফেসিলিতী অসিগী আইসোলেসন য়ুনিত্তা হৌজিক্কী ওইনা অনাবা ২৬ লৈরি। হৌজিক ফাওবগী অপুনবা ওইনা, রাজ্যগী হেল্থ ওথোরিতীশিংনা মীওই ১১৪ এদমিসন তৌরকখি অমসুং মী ৮৮ দিসচার্জ তৌখ্রে। রেলৱেজনা অজনি ইনলেন্দ কন্তেনর দীপোদা কোবিদ কেয়র কোচ ১১ (কোচ অমনা মেদিকেলগী মীওই অমসুং পোত্থোক থমফগীদমক্তা ওইদুনা) অমগসু পীরকখ্রে অমসুং নাগপুর ম্যুনিসিপাল কোর্পোরেসন্দা খুৎশিন্নখ্রে। মফম অসিদা অনাবা ৯ লাকখি অমসুং ৬ দিসচার্জ তৌখ্রে।
মধ্য প্রদেশকী রাজ্য সরকারনা কোচ ২ হায়জরকপগী মতুং ইন্না, ৱেস্তর্ন রেলৱেজকী রতলাম দিবিজন্না ইন্দোরগী মনাক্তা লৈবা তিহী স্তেসন্দা অপুনবা ফমুং ৩২০ লৈবা কোচ ২২ থাখ্রে। হৌজিক ফাওবগী ওইনা, মফম অসিদা অনাবা ১৯ লাকখ্রে অমসুং ১ দিসচার্জ তৌখ্রে। ভোপালদসু কোচ ২০ থারকখি। ফেসিলিতী অসিদা হৌজিক ফাওবগী পাউগী মতুং ইন্না অনাবা ২৮ লাকখি অমসুং ১০ দিসচার্জ তৌখ্রে। হৌজিক ফাওবগী ওইনা, অনাবা ১৮না ফেসিলিতী অসিদা লৈরি। ফেসিলিতী অসিদা পুন্না ফমুং ৩০২ হাঙদুনা লৈরি।
দিল্লীগী ওইনদি, রেলৱেনা রাজ্য সরকারনা হায়জরকপা ফমুং ১২০০ লৈবা কোবিদ কেয়র কোচ ৭৫ পুম্নমক পীখ্রে। শাকুরবস্তীদা কোচ ৫০ অমসুং অনন্দ ভিহার স্তেসন্দা কোচ ২৫ থম্লি। মীওই ৫ লাকখিবদা মখোয় পুম্নমক দিসচার্জ তৌখ্রে। মফম অসিদা হৌজিক ফমুং ১২০০ হাঙলি।
হৌজিক ফাওবদা ফংবগী দেতাগী মতুং ইন্না, মথক্তা পনখ্রিবা রাজ্যশিংনা ফেসিলিতীশিং অসি শিজিন্নদুনা অপুনবা মীওই ১৭৭ এদমিসন তৌখি অমসুং মতুংদা মীওই ১১৭ দিসচার্জ তৌখি। হৌজিক্কী ওইনা, কোবিদ নারবা মীওই ৬০না আইসোলেসন কোচশিং অসি শিজিন্নরি। নোর্থ ফ্রন্তিয়র রেলৱেগী মনুং চনবা অসমগী গুৱাহাতী অমসুং সিলচরগী মনাক্তা লৈবা বদরপুরদা হন্দক্তা পীখিবা ফেসিলিতীশিং য়াওদুনা, ফেসিলিতীশিং অসিদা হৌজিক ফাওবদা চাউরাক্না ফমুং ৪৭০০ হাঙলি।
য়ু.পি.গী ওইনদি, রাজ্য সরকারনা কোচকীদমক্তা হায়জরকপা লৈত্রবসু, ফাইজাবাদ, ভদোহী, ভরানসী, বরেলী অমসুং নাজিবাবাদতা অপুনবা ফমুং ৮০০ লৈদুনা কোচ ১০/১০ (অপুনবা কোচ ৫০) থমখ্রে।
****
(Release ID: 1716880)
Visitor Counter : 183