দিভেলপমেন্ত ওফ নোর্থ-ইস্তর্ন রীজন (দি.ও.এন.ই.আর.); এম.ও.এস., পি.এম.ও.; পর্সোন্নেল, পব্লিক গ্রাইভেন্সস, পেন্সন্স, এতোমিক ইনর্জী অমসুং স্পেসকী কেন্দ্রগী রাজ্য মন্ত্রী (ইন্দিপেন্দেন্ত চার্জ), দাঃ জিতেন্দ্র সিংহনা ঙসি ভাভা এতোমিক সেন্তর অমসুং এতোমিক ইনর্জী বিভাগ (দি.এ.ই.)না কোবিদকা মরী লৈনবা খুৎলায় অমসুং তেক্নোলোজী পীদুনা লৈবাক অসিনা লাইচৎকী মাইয়োক্তা লেন্থেংনরিবা তেংবাংলি হায়খ্রে। বিভাগ অসিগী সেনিয়র ওফিসিএলশিংগা লোয়ননা ওনলাইন্দা পাংথোকপা য়েংশিনবগী মীফম অমদা মন্ত্রীনা বিভাগ অসিনা কোবিদ-১৯গী মরক্তা মীয়ামগী য়াইফ-য়ুম্বালগীদমক্তা পায়খৎখিবা খোঙথাংগীদমক্তা থাগৎপা ফোংদোকখি।

দাঃ জিতেন্দ্র সিংহনা কোবাল্ৎ সোর্স শিজিন্নদুনা পি.পি.ই. কিৎশিংবু স্তেরিলাইজ তৌনবা কাংলোন পুথোকখিবা অসিনা পি.পি.ই. কিৎশিংবু হন্না-হন্না শিজিন্নবা য়াহল্লি হায়খ্রে। মসিগা মান্নবা থৌওং অমদি হেপা ফিলতর শিজিন্নদুনা এন.৯৯ মাস্ক পুথোকখিবা অদুবুনি। মন্ত্রীনা হায়খিবদা, মসিগী মাস্ক অসিনা এন.৯৫তগী হেন্না ফবা হেল্লি অমসুং এন.৯৯ মাস্কশিং অসি তোঙান-তোঙানবা লেবোরেতরী অহুম্নসু শক-খঙখ্রবনি। মাস্ক অসিনা এন.৯৫ মাস্কতগী শিজিন্নবদা হেন্না নুংঙাইবা অমসুং হোঙবগীদমক্তা মসিগী তেক্নোলোজী অসিবু মীয়ামগীদমক্তা মশিং য়াম্না পুথোক্নবগীদমক্তা খুৎশিন্নখ্রে মহায়না মহাক্না মখা তানা হায়খি।

দাঃ জিতেন্দ্র সিংহনা হায়খিবদা এতপমিক ইনর্জী বিভাগনা পাৱর্দ রেস্পিরেতর, রীফর, পোর্তেবল প্লাস্মা স্তেরিলাইজেসন অমসুং মেদিকেলগী ফত্ত-হৌদিগী প্লাস্মা ইন্সিনরেসন তেক্নোলোজী পুথোকখিবগী মথক্তা আর.তি.-পি.সি.আর. তেস্তিংগী রী-এজেন্তসু মায়-পাক্না পুথোকখ্রবনি।

সেনিয়র ওফিসিএলশিংনা দাঃ জিতেন্দ্র সিংহগী মফমদা তাতা মেমোরিএল হোস্পিতাল খুদিংদা চাউরাকপা ফমুং ৬০০ ওইগদবা অপুনবা ফমুংগী ২৫%দি কোবিদ নারবা কেন্সরগী অনাবশিংগীদমক্তা খাক্তুনা থমখ্রে হায়না পাউদমখি। তাতা মেমোরিএল হোস্পিতাল (তি.এম.সি.)না এল.পি.এম. ৬কী ওক্সীজেন কন্সেন্ত্রেতর ৫০০০ মুক্তি মীরমদগী তেংবাং ওইনা ফংলি অমসুং মখোয়শিং অসিদগী অয়াম্বা মশিংদি লৈবাক্কী অতোপ্পা কেন্সর হোস্পিতালশিংদা য়েন্থোক্কনি।

দাঃ জিতেন্দ্র সিংহনা কোবিদ-১৯গী শাথীবা ফীভম য়ৌরকপদা জীনশিংদা অকায়বা পীরকপা য়াবগী থৌওং থোক্লকপা য়েংশিন্নবা তাতা মেমোরিএল হোস্পিতালশিংগা খুৎশম্নদুনা “সর্ভেলিএন্স স্তদী ফোর কোবিদ-১৯” হায়বা অমসু হৌজিক চত্থরি হায়বা পাউদমখি। মন্ত্রীনা মসিগী থৌওং অসি য়াম্না তোপ-তোপ্পনি অমসুং মালেমগী মফমশিংদা পাংথোকপা খ্বাইদগী তাঙবা স্তদী অমনি হায়রদুনা মসিগী মহৈশিং অসি অথুবা মতমদা মালেমগী সাইন্তিফিক খুন্নাইদা তাক্কনি  হায়নসু মখা তানা হায়খি। মসিদা নত্তনা, কোবিদ-১৯গী শাথীবগী চাং তাকপা ঙমগদবা ওরেল সাইন খোঙদোক্নবা স্তদী অমসু হৌজিক-হৌজিক চত্থরি।

মমাংগী জুন্দা কোবিদ বীপ লোঞ্চ তৌখকিববু নৌহৌননা নিংশিংলদুনা, দাঃ জিতেন্দ্র সিংহনা দি.এ.ই.না আই.আই.তি. হাইদ্রবাদ অমসুং ই.এস.আই.সি. মেদিকেল কোলেজ হাইদ্রবাদকা খুৎশম্নদুনা পুথোকখিবা পথাপ অসি কোবিদ-১৯গী অনাবশিংগীদমক্তা ভারতকী ইরমদমদা পুথোকপা খ্বাইদগী অহানবা, শেল য়াম্না চঙদবা, ৱাইয়র্লেস ফিসিওলোজিকেল পেরামীতর মোনিতরীং সীস্তেম অমনি হায়না ফোংদোকখি। কোবিদ বীপ অসি লৈবাক অসিনা থেংনরিবা খুদোংচাদবা কয়াগী শেল য়াম্না চঙদবা ৱারোইশিন পুরক্নবগীদমক্তা ভারতকী মমিং লৈরবা ইন্সতিত্যুৎশিংনা অমত্তা ওইনা তেংবাংনবগী খ্বাইদগী ফজবা খুদম অমনি অমসুং মসিনা ভারতপু মরোমদোম লেপচবা তসেংনা ঙমহল্লিবনি হায়না মহাক্না মখা তানা হায়খি।

দি.এ.ই.গী সেক্রেতরী, শ্রী কে.এন. ভ্যাস; ন্যুক্লিয়র কোর্পোরেসন ওফ ইন্দিয়া লিমিতেদকী সি.এম.দি., শ্রী এস.কে. শর্মা; বি.এ.আর.সি.গী দাইরেক্তর, দাঃ এ.কে. মোহান্তী অমসুং বিভাগ অসিগী সেনিয়র ওফিসিএল কয়ানা য়েংশিনবগী মীফম অসিদা শরুক য়াখি।

<><><><><>