লৈবাক অসিদা হৱাই-চেংৱাই মরাং কাইনা পুথোক্নবগী পান্দমদা, লৌউ শিংউ অমসুং লৌমীশিংগী য়াইফ থৌরাং মন্ত্রালয়না খরিফ ২০২১ সিজন অসিদা চৎননবগীদমক অখন্নবা খরিফ স্ত্রাতিজি অমা শেমখ্রে৷ রাজ্য সরকারশিং অসিগা নিংথিনা খন্ন-নৈনরবা মতুংদা, তুর, মূঙ্গ অমসুং উরদকী পোত্থোক হেনগৎহন্নবা অমসুং থানবা মফম অদু হেন্না পাকথোক চাওথোকহন্নবগীদমক অকুপ্পা প্লান অমা শেমখ্রে৷ স্ত্রাতিজি অসিগী মখাদা, ইন্তরক্রোপিং অমসুং সোল ক্রোপ শিজিন্নদুনা মহৈ-মরোং থারিবা মফম অসি হেনগৎননবা রাজ্যশিংদা নত্রগা সেন্ত্রেল সীদ এজেন্সীশিংদা ফংলিবা হাই য়িল্দিং ভেরাইতী সীদশিং(ঐচ.ৱাই.ভি.শিং) অসি শেল অমতা লৌদনা লেম্না য়েন্থোক্লগনি৷

লাক্কদৌরিবা খরিফ ২০২১ অসিগী ওইনা, লুপা কোতি ৮২.০১রোমগী মমল ওইগদবা মিনি কিৎ সীদ ২০,২৭,৩১৮ (২০২০-২১দগী শরুক ১০রোম হেন্না য়াম্বা মিনি কিৎ সীদ)য়েন্থোক্নবা ৱা পুথোরকখ্রে৷ তুর, মূঙ্গ অমসুং উরদকী পোত্থোক অসি হেনগৎহন্নবা হায়রিবা মিনি কিৎ সীদশিং অসিগী অপুনবা মমল অদু কেন্দ্র সরকারনা পুথোক্লগনি৷ মখাগী মিনি কিৎশিং অসি পীরগনি;

• ইন্তরক্রোপিংগী ওইনা-হৌখিবা চহি তরা অসিদা সর্তিফাইদ তৌরবা আর্হরগী ঐচ.ৱাই.ভি. সীদশিং য়াওরিবা আর্হরগী মিনি কিৎ ১৩,৫১,৭১০ য়েন্থোকখ্রে অমসুং ইন্তরক্রোপিংগী ওইনা পোত্থোক অসি হেক্তর অমদা ক্বিন্তল ১৫দগী তাখিদে৷
• ইন্তরক্রোপিংগী ওইনা-হৌখিবা চহি তরা অসিদা সর্তিফাইদ তৌরবা মূঙ্গগী ঐচ.ৱাই.ভি. সীদশিং য়াওরিবা মূঙ্গগী মিনি কিৎ ৪,৭৩,২৯৫ য়েন্থোকখ্রে অমসুং পোত্থোক অসি হেক্তর অমদা ক্বিন্তল ১০দগী তাখিদে৷
• ইন্তরক্রোপিংগী ওইনা-হৌখিবা চহি তরা অসিদা সর্তিফাইদ তৌরবা উরদকী ঐচ.ৱাই.ভি. সীদশিং য়াওরিবা উরদকী মিনি কিৎ ৯৩,৮০৫ য়েন্থোকখ্রে অমসুং পোত্থোক অসি হেক্তর অমদা ক্বিন্তল ১০দগী তাখিদে৷
• সোল ক্রোপকী ওইনা-হৌখিবা চহি তরামঙা অসিদা সর্তিফাইদ তৌরবা উরদকী ঐচ.ৱাই.ভি. সীদশিং য়াওরিবা উরদকী মিনি কিৎ ১,০৮,৫০৮ য়েন্থোকখ্রে অমসুং পোত্থোক অসি হেক্তর অমদা ক্বিন্তল ১০দগী তাখিদে৷

ইন্তরক্রোপিং অমসুং উরদ সোল ক্রোপকী ওইনা শিজিন্নগদৌরিবা মথক্তী মিনি-কিৎ সীদশিং অসি কেন্দ্র সরকারনা শেল থাদদুনা খরিফ ২০২১গী ওইনা লম হেক্তর লাখ ৪.০৫দা থারগনি৷ মসিগীসু মথক্তা, রাজ্যশিংনা পাংথোক্লিবা ইন্তরক্রোপিং অমসুং এরিয়া এক্সপান্সনগী য়ুজ্যুল প্রোগ্রাম অদু কেন্দ্র অমসুং রাজ্যগী মরক্তা সেয়রিং বেসিস্তা মখা চত্থরগনি৷

• রাজ্য ১১ অমসুং জিলা ১৮৭তা তুর ইন্তরক্রোপিং থারগনি৷ রাজ্যশিং অদুদি আন্ধ্র প্রদেশ, ছত্তিশগর, গুজরাত, হরিয়ানা, কর্নতাকা, মধ্য প্রদেশ, মহারাস্ত্রত, রাজস্থান, তামিল নাদু, তেলঙ্গনা অমসুং উত্তর প্রদেশনি৷
• রাজ্য ৯ অমসুং জিলা ৮৫দা মূঙ্গ ইন্তরক্রোপিং থারগনি৷ রাজ্যশিং অদুদি আন্ধ্র প্রদেশ, গুজরাত, হরিয়ানা, কর্নতাকা, মহারাস্ত্র, রাজস্থান, তামিল নাদু, তেলঙ্গনা অমসুং উত্তর প্রদেশনি৷
• রাজ্য ৬তা লৈরিবা জিলা ৬০দা উরদ ইন্তরক্রোপিং তৌরগনি৷ রাজ্যশিং অদুদি আন্ধ্র প্রদেশ, মধ্য প্রদেশ, কর্নতাকা, মহারাস্ত্র, তামিল নাদু অমসুং উত্তর প্রদেশনি৷ রাজ্য ৬তা উরদ সোল ক্রোপিং থারগনি৷

খরিফ মিনি কিৎ প্রোগ্রাম অসি মাই পাক্না অয়েৎ-অপন অমতা লৈতনা চৎনহন্ননবগীদমক,  কেন্দ্র সরকার অমসুং রাজ্য সরকারশিংনা মরী লৈনবা জিলা অদুগা ৱেবিনার কয়া অমা শিল্লগনি৷ লৌউ-শিংউগী থবক নিংথিনা পাংথোক্নবা অমসুং লাক্কদৌরিবা সিজনশিং অসিদা অনৌবা সীদ মখলশিং শিজিন্ননবগীদমক দিস্ত্রিক এগ্রিকল্চর ওফিস অমসুং এ.তি.এম.এ. নেতৱার্ক্কী খুৎথাংদা ক্রোপ সিজন অসিগী মনুংদা দিস্ত্রিক লেবেল ত্রেনিং প্রোগ্রামশিং শিল্লগনি৷ প্রোগ্রামশিং অসি মাই পাক্না পাংথোক্ননবগীদমক অমসুং লৌমীশিংদা ত্রেনিং নিংথিনা পীননবগীদমক এগ্রিকল্চরেল তেক্নোলোজি এপ্রিকেসন রিসর্চ ইন্সতিত্যুতশিং(এ.তি.এ.আর.আই.শিং) অমসুং ক্রিশি বিগ্যান কেন্দ্রশিংসু শরুক য়ারগনি৷

কেন্দ্র সরকারনা পুন্না লুপা কোতি ৮২.০১ থাদদুনা স্ত্রাতিজি অসিগী মখাদা ২০২১গী জুন ১৫ ফাওবগী মনুংদা এপ্রুব তৌখ্রবা জিলাগী থাক্তা লৈরিবা পন্থুংফমশিংদা মিনি কিৎশিং অসি সেন্ত্রেল এজেন্সীশিং/স্তেত এজেন্সীশিংনা সপ্লাই তৌরগনি৷ ভারতনা লৈবাক অসিদা লৈরিবা মহৈ-মরোংগী অৱাৎপশিং অসি মেনখৎনবা হৌজিক হৌজিক ফাওবা তুর তন লাখ ৪রোমগী চাং, মূঙ্গ তন লাখ ০.৬ অমসুং উরদ তন লাখ ৩রোমগী চাং মপান লৈবাকশিংদগী পুশিল্লক্লি৷ মসিগী অখন্নবা প্রোগ্রাম অসিনা হৱাই মখল অহম তুর, মূঙ্গ অমসুং উরদকী পোত্থোক কা হেন্না হেনগৎহল্লগনি অমসুং মপান লৈবাকশিং অসিদগী পুশিল্লকপগী পোৎলুম অদু হন্থহনবদা অমসুং হৱাই পুথোকপগী হিরম অসিদা ভারতপু অত্মনির্ভর ওইহনবদা য়াম্না মরু ওইবা থৌদাং লৌরগনি৷

বেক্তগ্রাউন্দ

২০০৭-০৮দা মিলিয়ন তন ১৪.৭৬ পুথোক্লম্বদগী, হৌজিক্তি ফিগর অসি ২০২০-২১ অসিদা তন মিলিয়ন ২৪.৪২ য়ৌরে, হায়রিবা চাং অসি ২০০৭-০৮গী মতমদা লৈরিবা অসিদগী ৬৫% হেনগৎলি৷ হৌজিক হৌজিক মহৈ-মরোং থারিবা মফমশিং অসিগী পোত্থোক হেনগৎহনবগা লোইননা সরকারনা অসিনা অনৌবা লমশিংদা মহৈ-মরোং থানবা অচেৎপা মীৎয়েং থমদুনা লাক্লি৷

২০১৪-১৫ চহি অসিদগী হৌনা, বদজেতরী আউতলেশিং হেন্না ফহন্দুনা, তোঙান তোঙানবা রাজ্যশিংদা/সিজনশিংদা অখন্নবা প্রোগ্রামশিং পাংথোকপদা মীৎয়েং থমদুনা, পোত্থোক য়াম্না পুথোক্তবা জিলাশিংদা অখন্নবা এক্সন প্লানশিং থমদুনা, রাইস ফেল্লো এরিয়াশিংদা  তার্গেৎ তৌদুনা, হেনগৎলক্লিবা ফ্রন্তলাইন অমসুং ক্লস্তর দেমোন্সত্রেসনশিংগী খুৎথাংদা তোক্নোলোজি ত্রান্সফর তৌদুনা, দাইবর্সিফাইদ প্রদক্সন এপ্রোচ খুদম ওইনা রিদজ-ফ্যুরো, তর ত্রান্সপ্লান্তেসন/ইন্তরক্রোপিংদা দেমোন্সত্রেসনশিং তৌদুনা হৱাই-চেংৱাইশিং অসিগী পোত্থোক হোনগৎহনবদা মীৎয়েং থমখ্রে৷ মখাতানা, ভেল্যু এদিসন চেন দিবলপমেন্ত অমসুং মার্কেতিংগীদমক রাজ্য ১১দা হৱাইশিংগীদমক এফ.পি.ও. ১১৯সু শেমখ্রে৷ ২০১৬-১৭ অসিদগী হৌদুনা, নেস্নেল ফুদ সেক্যুরিতী মিসনগী মখাদা, হৱাই-চেংৱাইগী প্রোগ্রামশিং অসিদা জিলা ৬৪৪ মনুং চনখ্রে৷

অদুমওইনমক, লৌমীশিংদা ক্বালিতী য়াম্না লৈবা মরুশিং ফংহনবদা হেন্না মীৎয়েং চংবা অসিনা প্রদক্সন অমসুং প্রদক্তিবিতী হেনগৎনবগী খ্বাইদগী মরু ওইবা মচাক ওই৷ লোকেসন-স্পিসিফিক বেরাইতিশিং অমসুং ক্বালিতী সীদ ক্বান্তিতীশিং ফংহন্নবা জিলা ৯৭তা লৈরিবা ক্রিশি বিগ্যান কেন্দ্রশিং, স্তেত এগ্রিকল্চরেল য়ুনিভর্সিতী ৪৬ অমসুং আই.সি.এ.আর. ইন্সতিত্যুসন ৭ মনুং চলহন্দুনা রাজ্য ২৪দা পল্সেস সীদ হব ১৫০ শেমগৎতুনা ২০১৬-১৭ চহি অসিদা পোত্থোক হেনগৎনবা য়াম্না চাওনা হোৎনখ্রে৷ পোত্থোক হেনগৎনবা হোৎনরিবা অসিগা লোইননা, বেরাইতেল রিপ্লেসমেন্ত অমসুং সীদ রিপ্লেসমেন্ত হেনগৎননবগীদমক রাজ্য ৮গী আই.সি.এ.আর./এস.এ.য়ু. সেন্তর ১২দা লৈরিবা ব্রীদর সীদ প্রদক্সন সেন্তরশিংগী ইনফ্রাস্ত্রকচর শেমগৎখ্রে৷

******