সিবিল এবিয়েসন মন্ত্রালয়
সিভিল এভিয়েসন কম্ম্যুনিতীবু য়াম্না থুনা অমসুং ইফিসিয়েন্ত ওইনা ভেক্সিন কাপথোক্ননবগীদমক গাইদলাইনশিং ফোংখ্রে
এয়রপোর্ত ওপরেতরশিংনা দেদিকেতেদ ভেক্সিনেসন ফেসিলিতী শেমগৎলগনি
এয়রপোর্ত ওপরেতরশিংনা নোদেল ওফিসরশিং হাপনবা খঙহনখ্রে
ভেক্সিনেসন ফেসিলিতীশিংনা কোবিদ সেফতী প্রোতোকোলশিং ইনগদবনি
Posted On:
06 MAY 2021 3:23PM by PIB Imphal
এভিয়েসন কম্ম্যুনিতীগী ভেক্সিনেসন মতম চানা কাপথোক্নবা ভেক্সিনেসন প্রোগ্রাম অদু য়াম্না থুনা অমসুং ইফিসিয়েন্ত ওইবা মওং অমদা পাংথোক্নবা সিভিল এভিয়েসন মন্ত্রালয়না(এম.ও.সি.এ.)গাইদলাইনশিং ফোংখ্রে৷ কোবিদ-১৯গী লুরবা মতম অসিদা, এভিয়েসন কম্ম্যুনিতীনা ভেক্সিনশিং, হিদাক-লাংথকশিং, ওক্সিজেন কন্সেন্ত্রেতরগুম্বা ক্রিতিকেল মেদিকেল কার্গো য়াওনা তঙাই ফদবা কার্গো অমসুং মীয়াম্না তঙাই ফদবা থবকশিংগীদমক চত্থোক-চশিন তৌরিবা অসিদা অকাইবা পীদনবা চোকথবা নাইদনা য়াম্না কন্না হোৎনখ্রে৷ এভিয়েসন অমসুং মরী লৈনবা সর্ভিসশিং তৌদুনা লৈরিবা পর্সোনেলশিং অসি ভেক্সিনেসন প্রোগ্রামগী মখাদা খ্বাইদগী প্রাইয়োরিতী ৱাংবা কাংলুপতা থম্বিনবা মাংজৌননা রাজ্য সরকারশিংদা সিভিল এভিয়েসনগী সেক্রেতরীনা চিথী অমা ইদুনা হায়জখ্রে৷
গাউদলাইনশিং অসিগী মতুং ইন্না, সিভিল এভিয়েসন সেক্তরদা লৈরিবা প্লেয়র পুম্নমক্তা মখোয়গী পর্সোনেলশিং অদু হৌজিক চত্থরিবা ভেক্সিনেসন প্রোগ্রাম অসিগী মখাদা মনুং চলহন্নবা হায়গদবনি৷ ওর্গনাইজেসনশিংনা মখোয় মখোয়গী এমপ্লোইয়ীশিং অদু ভেক্সিন কাপথোক্নবা মাংজৌননা গভর্মেন্ত/প্রাইভেৎ সর্ভিস প্রোভাইদরশিংগা এরেঞ্জমেন্তশিং শিনখিবা অদুগুম্না মখা চত্থরবা য়াগনি হায়না গাইদলাইনশিং অসিনসু মখাতানা পল্লি৷
মখাতানা, এভিয়েসন অমসুং মরী লৈনবা সর্ভিসশিংদা (কন্ত্রেকচুয়েল, কেজুয়েল য়াওনা) শরুক য়ারিবা পর্সোনেলশিং অদু ভেক্সিন কাপথোক্নবা এয়রপোর্ত ওপরেতরশিংনা মখোয় মখোয়গী এয়রপোর্তশিং অদুদা দেদিকেতেদ ভেক্সিনেসন ফেসিলিতী অমা শেমগৎনবা খঙহনখ্রে৷ এয়রপোর্তশিংদা কোবিদ ভেক্সিনেসন সেন্তরশিং শেমগৎপা পাম্লিবা এয়রপোর্ত ওপরেতরশিংনা অথুবা মতমদা রাজ্য সরকারশিং/প্রাইভেৎ সর্ভিস প্রোভাইদরশিং(হোস্পিতালশিং) কন্তেক তৌগদবনি হায়না ফোংদোক্লি৷
ভেক্সিনেসন কাউন্তরশিং থম্বা, ৱেতিং এরিয়া তোখায়না থম্বা( ভেক্সিন কাপক্রিঙৈ অমসুং কাপ্লবা মতুংদা) য়াওনা তঙাই ফদনা দরকার ওইরিবা ফেসিলিতীশিং এয়রপোর্ত ওথোরিতীশিংনা শেমগৎকদবনি৷ কোবিদ সেফতী প্রোতোকোলশিং নিংথিনা ইন্দুনা লাক্লিবা পর্সোনেলশিং অদুগীদমক বেসিক ওইবা ফেসিলিতীশিং শিনগদবনি৷ সর্ভিস প্রোভাইদরগা লোইননা ভেক্সিনেসন দোজ অমদা লৌগদবা মমল অদু এয়রপোর্ত ওপরেতরনা লেপ্পা য়াগনি৷ হায়রিবা ফোসিলিতীশিং অসি এভিয়েসন সেক্তরদা লৈরিবা স্তেকহোল্দর পুম্নমক্কী ওইনা চপ মান্নবা মমলদা ফংহল্লগনি৷ ওপরেতরশিং/সর্ভিস প্রোভাইদরশিং অসিনা ইন্দিবিজুয়েল কেসশিংদা য়েংশিনলোইদবনা মরম ওইদুনা এয়রপোর্ত ইকো-সিস্তেমদা লৈরিবা এজেন্সী পুম্নমক্না মখোয় মখোয়গী পর্সোনেলশিং অদু হায়রিবা ফেসিলিতীশিং অসি লৌহৌনবা স্পোন্সর তৌবা মরু ওই হায়না মসিনা মখাতানা পল্লি৷ মখাতানা, সর্ভিস প্রোভাইদর অদুনা মখোয়গী মখোয়গী পর্সোনেলশিং অদুগীদমক কাপ্লিবা ভেক্সিন দোজ অদুগী ওনলাইন পেমেন্ত মেকানিজম প্লান তৌনবা খঙহনথ্রে৷
অপিকপা এয়রপোর্তশিংগী ওইনদি(ভেক্সিন কাপকদবা মশিং য়াম্না লৈতবা মফম অমসুং প্রাইভেৎ প্লেয়রশিংনা মাই পাক্না মথৌ তৌবা ঙমদবা মফমশিং), এয়রপোর্ত ওপরেতরশিংনা ভেক্সিনেসন প্রোগ্রাম অদু শাংদোকহন্নবগীদমক দিস্ত্রিক/লোকেল এদমিনিস্ত্রেসনদা চৎপা য়াগনি হায়না পল্লি৷ এয়রপোর্ত ওপরেতরনা ফংহল্লিবা ফেসিলিতীশিং অদু অহানবা ফেসকি ওইনা সিভিল এভিয়েসন পর্সোনেল পুম্নমক্কী ওইনা ফংহল্লগনি অমসুং মতুং তারকপদা মখোয়গী ফেমিলী মেম্বরশিংদা ফেসিলিতীশিং অদু ফংহল্লগনি৷
এ.তি.সি., এয়রলাইনশিংগী ক্রিয়ুশিং(কোকপিত অমসুং কেবিন), মিসন ক্রিতিকেল অমসুং পেসে়ঞ্জর ওক্লিবা স্তাফশিং অসিদা হান্না প্রাইয়োরিতী পীগদবনি হায়না গাইদলাইনশিং অসিদা পল্লি৷ হোৎনরিবশিং অসি হেন্না মতেং পাংননবগীদমক এয়রপোর্ত ওপরেতর পুম্নমক্তা নোদেল ওফিসর অমা থম্নবা খঙহনখ্রে৷
এ.এ.আই.গী চিয়রমেননা লৈরিবা ইসুশিং অমসুং চেলে়ঞ্জশিং অসি থেংননবা দি.জি.সি.এ. অমসুং মন্ত্রালয়গা পুন্না খুৎশম্নদুনা চৎলিবা অমসুং লৈরিবা প্রোগ্রেস অদু য়েংশিন্নবা চাং নাইনা মীফম ফম্লগনি হায়না গাইদলাইনশিং অসিদা পল্লি৷ করিগুম্বা ভেক্সিন অসি ফংবা তারবদি ফংলিবা ভেক্সিন অদু নিংথিনা সপ্লাই তৌনবা মন্ত্রালয়না থবক পাইখৎলগনি৷
লোকেল সিচুয়েসন অমা হেক্তা থোক্লকপা য়াবা অসি য়েংলগা, সজেস্ত তৌরক্লিবা গাইদলাইনশিং অসি নিংথিনা নৈনবা য়াই অদুবু কোবিদ-১৯গা মরী লৈননা এম.ও.ঐচ.এফ.দবল্যু., মরী লৈনবা রাজ্য সরকার নত্রগা এম.ও.সি.এ.না ফোংলিবা সেফতী প্রোতোকোলশিং অমসুং ইন্সত্রক্সন পুম্নমক অদু নিংথিনা ইনগদবনি৷
গাইদলাইনশিং অদু য়েংনবা লিঙ্ক
*****
(Release ID: 1716673)
Visitor Counter : 175