খুদোংথিবা পুম্নমক থেংনদুনা অমসুং অনৌবা সোলুসনশিং পুথোক্তুনা, ইন্দিয়ন রেলৱেনা লৈবাক অসিগী তোঙান তোঙানবা রাজ্যশিংদা লিক্বুইদ মেদিকেল ওক্সিজেন(এল.এম.ও.) ফংহন্দুনা লেপ্পা লৈতনা মতেং পাংলি৷ হৌজিক ফাওবদা, ইন্দিয়ন রেলৱেনা লৈবাক অসিগী তোঙান তোঙানবা রাজ্যশিংদা তেঙ্কর ৭৬তা এল.এম.ও. (চাওরাক্না) এম.তি. ১১২৫ পুরক্তুনা ফংহনখ্রে৷ ওক্সিজেন এক্সপ্রেসেস ২০না মখোয় মখোয়গী খোংচৎ  মাংজৌননা মপুং ফাখ্রে অমসুং অহেনবা ওক্সিজেন এক্সপ্রেসেস ৭না তেঙ্কর ২৭তা এল.এম.ও. (চাওরাক্না ) এম.তি. ৪২২ পুদুনা লাক্লি৷ ইন্দিয়ন রেলৱেনা অতেনবা মতমদা ওক্সিজেন দরকার লৈরিবা রাজ্যশিংদা এল.এম.ও. মতিক চানা ফংহন্নবা হোৎনরি৷

দুর্গপুরদগী লিক্বুইদ মেদিকেল ওক্সিজেন এম.তি. ১২০ পুদুনা অহুমশুবা ওক্সিজেন এক্সপ্রেস দিল্লি তম্না লাক্লি অমসুং ত্রেন অসি ২০২১গী মে ০৪দা দিল্লিদা থুংলবা য়াই হায়না পানরি৷

তেলঙ্গনাদা অনগুলদগী এল.এম.ও. এম.তি. ৬০.২৩ পুদুনা লাক্লিবা মহাক্কী অনিশুবা ওক্সিজেন এক্সপ্রেস  থুংলগনি৷

হরিয়ানাদা অনগুল(ওরিশা) অমসুং রৌকেলা(ওরিশা)দগী লিক্বুইদ মেদিকেল ওক্সিজেন এম.তি. ৭২রোমগী চাংদা পুদুনা লাক্লিবা মহাক্কী ৪শুবা, ৫শুবা ওক্সিজেন এক্সপ্রেস থুংলগনি৷ অতোপ্পা ওক্সিজেন এক্সপ্রেস অমনা হপা(গুজরাত)দগী তন ৮৫ পুদুনা লাক্লি অমসুং এন.সি.আর. রিজনদা য়েন্থোক্নবগীদমক গুর্গাউনদা থুংলগনি৷

ওক্সিজেন এক্সপ্রেস ৭তা এল.এম.ও. এম.তি. ৪২২.০৮ পুদুনা মধ্য প্রদেশ(৪শুবা), উত্তর প্রদেশ(১০শুবা), তেলঙ্গনা, হরিয়ানা অমসুং দিল্লি তম্না অহেনবা ওক্সিজেন এক্সপ্রেস লাক্লি৷

হৌজিক ফাওবদা, ইন্দিয়ন রেলৱেনা লিক্বুইদ মেদিকেল ওক্সিজেন(এল.এম.ও.) মেত্রিক তন ১১২৫ হেন্না মহারাস্ত্রদা(এম.তি.১৭৪), উত্তর প্রদেশতা(এম.তি. ৪৩০.৫১), মধ্য প্রদেশতা(এম.তি.১৫৬.৯৬), দিল্লিদা(এম.তি.১৯০), হরিয়ানাদা(এম.তি.১০৯.৭১) অমসুং তেলঙ্গনাদা(এম.তি.৬৩.৬) পুরক্তুনা ফংহনখ্রে৷

                                                                                          ******