2021: ہندوستانی ریلوے نےآج تک مجموعی طور پر 813 میگا ٹن مائع آکسیجن فراہم کرائی ہے،ملک بھر میں مختلف ریاستوں میں مائع طبی آکسیجن کی فراہمی کی اپنی رفتار کو تیز کرتے ہوئے ، ہندوستانی ریلوے نے 56 ٹینکروں میں 813 میگا ٹن ایل ایم او کو ملک بھر کی مختلف ریاستوں میں پہنچایا ہے۔ 14آکسیجن ایکسپریس ٹرینوں نے اپنا سفر پہلے ہی مکمل کرلیا ہے اور 5 مزید  آکسیجن سے بھری ایکسپریس ٹرینیں18 ٹینکروں میں 342 ایم ٹی ایم ایل او لے کرمنزلوں کی راہ پر گامزن ہیں۔ ہندوستانی ریلوے کی کوشش ہے کہ درخواست گزار ریاستوں کو کم سے کم وقت میں زیادہ سے زیادہ ایل ایم او پہنچائے۔

ہریانہ کو آج اسکی پہلی اور دوسری آکسیجن ایکسپریس ٹرین پہونچی جس میں 5 ٹینکروں میں ایم ٹی ایم ایل او تھی۔ تیسری آکسیجن ایکسپریس 2 ٹینکروں میں 30.6 ایم ٹی ایم ایل او لے کرانگول سے روانہ ہوچکی ہے اور فی الحال ہریانہ کی جانب اپنے سفر پرگامزن ہے۔

مدھیہ پردیش میں اسکی دوسری آکسیجن ایکسپریس گزشتہ روز بوکارو سے 70.77 ایم ٹی ایم ایل او لے کر جبل پور اور ساگر پہونچی۔ جبل پور سے تیسری آکسیجن ایکسپریس 22.19 ایم ٹی آکسیجن  لے کر روڑکیلا سے سفر پر گامزن ہے اور توقع ہے کہ یہ آج رات تک جبل پور پہنچ جائے گی۔

اترپردیش کے لئے بوکارو سے 3 ٹینکروں میں 44.88 ایم ٹی ایم ایل او لے کر روانہ ہوئی  8 ویں آکسیجن ایکسپریس پہونچنے والی ہے۔ اتر پردیش کو اب تک تقریبا  355 ایم ٹی ایم ایل او موصول ہوچکی ہے اورمزید لکھنؤ کے لئے راستے پر گامزن ہے۔

دہلی کو اگلے 24 گھنٹوں میں درگاپور سے 6 ٹینکروں میں اپنا 120 میگا ٹن ایل ایم او ملے گا۔

تلنگانہ کو بھی جلد ہی پہلی آکسیجن ایکسپریس بھی مل جائے گی جو اس وقت انگول سے 124.26 ایم ٹی ایم ایل او لے کر سفر کررہی ہے۔

ابھی تک ، ہندوستانی ریلوے نے 813 میٹرک ٹن سے زیادہ مائع میڈیکل آکسیجن  پہونچائی ہے جس میں سے مہاراشٹر کو (174 ایم ٹی) ، اتر پردیش کو(355 ایم ٹی) ، مدھیہ پردیش کو(134.77 ایم ٹی) ، دہلی کو(70 ایم ٹی) اور ہریانہ کو(79 ایم ٹی) کو(ایل ایم او) پہنچائی ہے۔ جلد ہی  تلنگانہ  بھی اپنی آکسیجن ایکسپریس وصول کرنا شروع کردے گا۔

**

U.No. 4125

م ن۔ ا ع ۔س ا