سائنس اور ٹیکنالوجی کی وزارت

کووڈ ۔19 کی رفتار کی چارٹنگ کے لئے سترا ماڈل پر کام کرنے والے سائنسداں

Posted On: 02 MAY 2021 12:05PM by PIB Delhi

نئی دہلی 02 مئی 2021: ہم ، سائنسداں ، کووڈ ۔19 کے رفتار کی چارٹنگ کرنے کے لئے سترا ماڈل پر کام کر رہے ہیں۔ہم اپنے ریاضیاتی ماڈل کی پیش گوئیوں سے متعلق کچھ حقائق واضح طور پر بتانا چاہیں گے ، خاص طور پراس لئے کہ ان میں سے کچھ کو  غلط سمجھا جا رہا ہے اور انکے بارے میں لوگوں میں غلط فہمی ہے۔ کچھ میڈیا کی حالیہ رپورٹوں میں یہ  کہا جا رہا ہے کہ سترا ماڈل پر کام کرنے والے سائنسدانوں نے مارچ میں دوسری لہر کے بارے میں متنبہ کیا تھا لیکن اس پر توجہ نہیں دی گئی۔ یہ بالکل غلط ہے۔

2 اپریل کو ایک اجلاس طلب کیا گیا تھا جس میں حکومت کے ایک انتہائی سینئر افسر نے قومی وبائی نوعیت کے رد عمل کو ہم آہنگ کرنے کے لئے ہمارے ما حصل جاننے کے لئے یہ میٹنگ کی تھی۔ ہم نے عندیہ دیا تھا کہ سترا ماڈل نے پیش گوئی کی ہے کہ اپریل کے تیسرے ہفتے تک دوسری لہر عروج پر پہنچ سکتی ہےاوراسکے دوران ممکنہ طور پر ایک لاکھ یومیہ معاملات سامنے آ سکتے ہیں۔ واضح طور پراس سلسلے میں ماڈل کی پیش گوئیاں مندرجہ ذیل وجوہات کی بناء پرغلط تھیں۔

ہم وائرس کے پھیلاؤ کی پیش گوئی کے لئے ریاضی کے ماڈل پر کام کر رہے ہیں۔ یہ واضح کرنا ضروری ہے کہ ریاضیاتی ماڈل صرف اس حد تک مستقبل کی پیش گوئی کرسکتا ہے جب تک کہ وائرس کی حرکیات اور اس کی نشاندہی میں وقت کے ساتھ ساتھ کافی حد تک تبدیل نہیں ہوتی ہیں۔ ریاضی کے ماڈل متعدد پالیسی فیصلوں جیسے غیر دوا سازی مداخلتوں کے مطابق، متبادل منظرناموں کی پیش گوئی کرنے کا طریقہ کار بھی فراہم کرسکتے ہیں۔

کووڈ ۔19 کے معاملے میں ، یہ قطعی واضح ہے کہ وائرس کی نوعیت، بہت تیزی کے ساتھ تبدیل ہو رہی ہے۔ ایسے تناظر میں ، کووڈ ۔19 کے بارے میں کسی بھی طرح کی پیش گوئی کو مستقل طور پر ایڈجسٹ کیا جانا چاہئے ، جس میں کبھی کبھی تقریبا  روزانہ اسکی ضرورت پڑ سکتی ہے۔

ہم حکومت کے ساتھ مل کر کام کر رہے ہیں اور ہمارے ذرائع کو ہمیشہ مثبت طور پر قبول کیا گیا ہے۔ اگرچہ ہم اس سے پہلے دوسری لہر کی درست نوعیت کا اندازہ نہیں لگا سکے ، لیکن ہم اس کے مستقبل کے راستے کا بہتر اندازہ لگانے کے لئے اپنی کوششیں جاری رکھے ہوئے ہیں۔

مانیندرا اگروال ، پروفیسر ، آئی آئی ٹی کانپور

مادھوری کانیتکر ، ڈپٹی چیف ، انٹیگریٹڈ ڈیفنس اسٹاف

ایم ودیاساگر ، پروفیسر ، آئی آئی ٹی حیدرآباد

******

U.No. 4127

م ن۔ ا ع ۔س ا

 



(Release ID: 1715604) Visitor Counter : 11