ঙসি ভর্চুএল মীফম অমদা রাজ্য মঙা/য়ু.তি.শিংগী সি.ই.ও.শিং অমসুং কম্মিসন অসিগী সেনিয়র ওফিসিয়েলশিংগা লোইননা চীফ ইলেক্সন কম্মিশনার শ্রী সুশিল চন্দ্রনা কাউন্তিং এরেঞ্জমেন্তশিং য়েংশিনখ্রে৷ কম্মিসন অসিগী পীরিবা ইন্সত্রক্সন পুম্নমক নিংথিনা ইন্নবা শ্রী চন্দ্রনা খঙহনখ্রে৷ কাউন্তিং হোল পুম্নমক কোবিদ গাইদলাইনশিং নিংথিনা চৎননবা মহাক্নসু খঙহনখ্রে৷ লাইনা-লাইচৎ অসিগী লুরবা মতম অসিদা মাই পাক্না ভোৎ থাদবা লোইশিনখিবা অসিদা লৈরিবা সি.ই.ও.শিংবু সি.ই.সি.না থাগৎখ্রে৷

২. ২.৫.২০২১দা, মীখল পাংথোকখ্রবা রাজ্য মঙা/য়ু.তি. হায়বদি অসাম, কেরলা, পুদুচেরী, তামিল নাদু অমসুং ৱেস্ত বেঙ্গল অমসুং বাই পোল পাংথোকখ্রবা পি.সি.শিং/এ.সি.শিংগী ভোৎ মশিং থিবগী থবক অদু অয়ুক্কী পুং ৮ তাবা মতমদা হৌরগনি৷ রাজ্য ১৩দা লৈরিবা পি.সি. ৪ অমসুং এ.সি. ১৩দা পাংথোকখিবা বাই পোল ইলেক্সন অমসুং রাজ্য মঙা/য়ু.তি.শিংদা লৈরিবা এ.সি. ৮২২দা পাংথোকখিবা ইলেক্সন অসি য়াম্না মওং তানা অমসুং সেফ ওইনা মশিং থিবগী থবক অসি চত্থনবা ইলেক্সন কম্মিসন্না শিল লাংখ্রে৷

৩. ২৮/৪/২০২১দা, কম্মিসন্না হৌজিক লৈরিবা লাইনা-লাইচৎ অসিগী য়েংলগা ভোৎ মশিং থিবা অসিগীদমক হান্না লৈরম্লিবা গাইদলাইনশিং/ইন্সত্রক্সনশিং অসিগী মথক্তা অহেনবা ইন্সত্রক্সনশিং ফোংখ্রে৷ মসিগী মনুং চল্লিবশিং অদুদি:

1. নোদেল হেল্থ ওফিসরগী মতেং লৌদুনা কাউন্তিং সেন্তরশিং অসিদা কোবিদ-১৯গা মরী লৈনবা নোর্মশিং নিংথিনা ইলহন্নবা কাউন্তিং সেন্তর খুদিংমক্তা দি.ই.ও.না নোদেল ওফিসর ওইনা লৈরগনি৷
2. কোবিদ গাউদলাইনশিং নিংথিনা ঙাক্তুনা এরেঞ্জমেন্ত পুম্নমক শিল্লে হায়দুনা কাউন্তিং সেন্তরগী কমপ্লাইন্স সর্তিফিকেৎ মরী লৈনবা হেল্থ ওথোরিতীশিংদগী লৌগদৌবনি৷.
3. কেন্দিদেৎ অমতনা/এজেন্তশিংনা আর.তি.-পি.সি.আর./আর.এ.তি. তেস্ত তৌদনা নত্রগা কোবিদ-১৯গী ভেক্সিনেসন দোস অনি কাপ্তনা কাউন্তিং হোল মনুংদা চংবা য়ারোই অমসুং ভোৎ থিবা হৌখিবা পুং ৪৮গী মনুংদা ভেক্সিনেসন রিপোর্তশিং নত্রগা নেগেতিব আর.এ.তি. রিপোর্ত নত্রগা আর.তি.-পি.সি.আর. রিপোর্ত পিগদবনি৷ কাউন্তিং অদু হৌদ্রিঙৈ মমাংগী নুমিৎতা দি.ই.ও.না কেন্দিদেৎশিং/কাউন্তিং এজেন্তশিং অদু আর.তি.-পি.সি.আর./আর.এ.তি. তেস্ত তৌহন্নবা এরেঞ্জমেন্তশিং শিল-লাংলগনি৷ ভোৎ মশিং থিগদৌবা নুমিৎ হুম্নি ৱাৎলিঙৈদা লম্বা তৌনরিবা কেন্দিদেৎশিংনা মরী লৈনবা আর.ও.দা কাউন্তিং এজেন্তশিংগী লিস্ত পীশিনগদবনি(আর.ও. হেন্দবূক্কী পেরা ১৫.১২.২)৷

৪. কম্মিসন অসিনা ২৭/৪/২০২১দা থোকখিবা মহাক্কী ইন্সত্রক্সনশিংগী মতুং ইন্না ভোৎ মাই পাকপগী মমিং লৌদুনা মী পুনবগী থবকশিং পাংথোকপা য়ারোই হায়না মাংজৌননা খঙহনখ্রে৷ ভোৎ মশিং থিবা অসি হৌরকপা মতমদা মী য়াম্না পুনবা অসিগা মরী লৈননা এন.দি.এম.এ./এস.দি.এম.এ.গী ইন্সত্রক্সনশিং অমসুং ই.সি.আই.গী দিরেক্সনশিং অসি নিংথিনা চৎনহন্নবা হায়রিবা রাজ্যশিং/য়ু.তি. পুম্নমক্কী চীফ সেক্রেতরীশিংদা কম্মিসন্না খঙহনখ্রে৷

৫. কাউন্তিং এজেন্তশিং অদুগী আর.তি.-পি.সি.আর./আর.এ.তি.তেস্তশিং পাংথোক্নবা ই.সি.আই.গী দিরেক্সন অদুসু মনুং চল্লি৷ চীফ ইলেক্তোরেল ওফিসরশিংদগী ফংখিবা ইনফোর্মেসনগী মতুং ইন্না, কন্তেস্ত তৌনরিবা কেন্দিদেৎশিংনা মতম চানা রাজ্য মঙা/য়ু.তি. অসিদা চাওরাক্না কাউন্তিং এজেন্ত ১,৫০,০০০গী(সবস্তিত্যুতশিং য়াওনা) অকুপ্পা মরোলশিং পীশিল্লক্লে৷ মখোয়শিং অদুগী মনুংদা ৯০%দি আর.তি.-পি.সি.আর./আর.এ.তি. তেস্তশিং মাংজৌননা তৌখ্রে৷ লেমহৌরিবশিং অদু ঙসি দি.ই.ও.শিংনা তেস্ত ফেসিলিতী পীরগনি৷ ওথোরাইজ তৌরবা লেব অমদগী লৌদুনা লাকপা রিপোর্তশিং লৌশিন্নবা কম্মিসন্না খঙহনখ্রে৷ হায়রিবা অসি বাই পোল পি.সি.শিং/এ.সি.শিংদসু চৎনরগনি৷

৬. কাউন্তিং প্রোসেস অদু নম্নবা কম্মিসন্না ওথোরাইজ তৌরবা মেদিয়া অদুসু আর.তি.-পি.সি.আর./আর.এ.তি. তেস্তশিং তৌরগনি৷ কাউন্তিং সেন্তরশিং অসিদগী কাউন্তিং প্রোসেস অদু নম্নবা চাওরাক্না মেদিয়া পর্সন ১২০০০রোমদা ওথোরিতী লেতরশিং খুৎশিন্নখ্রে৷

৭. ২০১৬ ইলেক্সন অসিদা কাউন্তিং হোল ১০০২ শিজিন্নখিবা অসিগা য়েংনবা মতমদা হন্দক্কি অসিদা ভোৎ মশিং থিবগী শিজিন্নগদৌরিবা কাউন্তিং হোল অদু ২৩৬৪নি, হায়রিবা মশিং অসি মমাংগী ইলেক্সনদগী ২০০% হেনগৎলি৷ কাউন্তিং হোল মশিং হেনগৎলক্লিবা অসি হোল মনুংদা কোবিদ সেফতী মিজরশিং/গাইদলাইনশিং অমসুং মরী লৈনবা খোংথাংশিং চেকশিন্না ইন্নবা কম্মিসন্না লৌখৎখিবা খোঙথাং অদুননি৷

৮. সেনিয়র সিতিজন(চহি ৮০গী মথক্তা লৈরবা), পি.দবল্যু.দি., কোবিদনা শোকহল্লবা অমসুং তঙাই ফদবা সর্ভিস তৌদুনা লৈরিবা এমপ্লোইশিংগী কাংলুপ্তা লৈরিবা ইলেক্তরশিং অসিদা পোস্তেল বেল্লোত ফেসিলিতীশিং ফংহন্নবা কম্মিসন্না লৌখৎখিবা খোংথাং অদুনা রাজ্য মঙা/য়ু.তি.দা পোস্তেল বেল্লোত ৪০০% য়ৌনা হেনগৎপা ঙমখ্রে(২০১৬তা লাখ ২.৯৭ ওইরম্বদগী ২০২১দা লাখ ১৩.১৬ ওইখি)৷

৯. রাজ্য মঙা/য়ু.তি.দা ভোৎ মশিং থিনবা অসিগীদমক কম্মিসন্না আর.ও.৮২২ অমসুং এ.আর.ও. ৭০০০ হেন্না থমখ্রে৷ মাইক্রো ওবজর্বরশিং য়াওনা চাওরাক্না কাউন্তিং ওফিসিয়েল ৯৫০০০রোম্না ভোৎ মশিং থিবগী থবক অসি চত্থরগনি৷

১০. ভোৎ মশিং থিবগী থবক অসি য়েংশিন্নবা চাওরাক্না কাউন্তিং ওবজর্বর ১১০০রোম কম্মিসন্না থমখ্রে৷ লাইনা-লাইচৎ অমা হেক্তা লাকপা মতমদা মহুৎ শিন্দুনা মথৌ তৌনবা অহেনবা রিজর্ব কাউন্তিং ওবজর্বরশিংসু থমখ্রে৷

                                                                                         *****