ਦ ਗੋਰਮਿੰਟ ਆਫ ਨੈਸ਼ਨਲ ਕੈਪੀਟਲ ਟੈਰੇਟਰੀ (ਜੀ ਐੱਨ ਸੀ ਟੀ ਡੀ) ਤਰਮੀਮੀ ਐਕਟ 2021 ਲਾਗੂ ਹੋ ਗਿਆ ਹੈ । ਇਸ ਐਕਟ ਨੂੰ ਲੋਕ ਸਭਾ ਨੇ 22—03—2021 ਨੂੰ ਅਤੇ ਰਾਜ ਸਭਾ ਨੇ 24—03—2021 ਨੂੰ ਪਾਸ ਕੀਤਾ ਸੀ ਅਤੇ ਭਾਰਤ ਦੇ ਰਾਸ਼ਟਰਪਤੀ ਨੇ ਇਸ ਨੂੰ 28—03—2021 ਨੂੰ ਪ੍ਰਵਾਨਗੀ ਦਿੱਤੀ ਸੀ । ਤਰਮੀਮੀ ਐਕਟ ਵਿੱਚ ਸੋਧੇ ਹੋਏ ਸੈਕਸ਼ਨ 21, 24, 33 ਅਤੇ 44 ਦਾ ਪ੍ਰਭਾਵ ਹੈ ।
ਤਰਮੀਮੀ ਐਕਟ ਦਾ ਉਦੇਸ਼ ਰਾਜਧਾਨੀ ਦੀਆਂ ਲੋੜਾਂ ਨੂੰ ਵਧੇਰੇ ਢੁੱਕਵਾਂ ਬਣਾਉਣਾ ਹੈ , ਚੁਣੀ ਹੋਈ ਸਰਕਾਰ ਅਤੇ ਲੈਫਟੀਨੈਂਟ ਗਵਰਨਰ (ਐੱਲ ਜੀ) ਦੀਆਂ ਜਿ਼ੰਮੇਵਾਰੀਆਂ ਨੂੰ ਪ੍ਰਭਾਸਿ਼ਤ ਕਰਨਾ ਹੈ ਅਤੇ ਵਿਧਾਨ ਸਭਾ ਅਤੇ ਕਾਰਜਕਾਰੀ ਵਿੱਚ ਇੱਕ ਸੁਰਤਾ ਸੰਬੰਧ ਕਾਇਮ ਕਰਨੇ ਹਨ । ਇਹ ਤਰਮੀਮ ਐੱਨ ਸੀ ਟੀ ਵਿੱਚ ਦਿੱਲੀ ਦੇ ਪ੍ਰਸ਼ਾਸਨ ਨੂੰ ਵਧੀਆ ਕਰਨ ਨੂੰ ਯਕੀਨੀ ਬਣਾਏਗੀ ਅਤੇ ਦਿੱਲੀ ਦੇ ਆਮ ਲੋਕਾਂ ਲਈ ਪ੍ਰੋਗਰਾਮਾਂ ਅਤੇ ਸਕੀਮਾਂ ਨੂੰ ਲਾਗੂ ਕਰਨ ਵਿੱਚ ਸੁਧਾਰ ਕਰੇਗੀ ।
ਇਹ ਤਰਮੀਮਾਂ ਮੌਜੂਦਾ ਕਾਨੂੰਨੀ ਤੇ ਸੰਵਿਧਾਨਕ ਵਿਵਸਥਾਵਾਂ ਨਾਲ ਮੇਲ ਖਾਂਦੀਆਂ ਹਨ ਅਤੇ ਮਾਣਯੋਗ ਸੁਪਰੀਮ ਕੋਰਟ ਵੱਲੋਂ ਮਿਤੀ 04—07—2018 ਅਤੇ 14—02—2019 ਦੇ ਫੈਸਲਿਆਂ ਅਨੁਸਾਰ ਹਨ ।
ਜੀ ਐੱਨ ਸੀ ਟੀ ਡੀ ਐਕਟ 1991 ਦੀਆਂ ਤਰਮੀਮਾਂ ਕਿਸੇ ਤਰ੍ਹਾਂ ਵੀ ਚੁਣੀ ਹੋਈ ਸਰਕਾਰ ਵੱਲੋਂ ਭਾਰਤ ਦੇ ਸੰਵਿਧਾਨ ਵਿਚਲੀਆਂ ਸਾਂਝੀਆਂ ਸੂਚੀਆਂ ਅਤੇ ਸੂਬਿਆਂ ਨੂੰ ਦਿੱਤੇ ਗਏ ਵਿਸਿ਼ਆਂ , ਜਿਵੇਂ ਸਿਹਤ ਤੇ ਸਿੱਖਿਆ , ਦੇ ਸੰਬੰਧ ਵਿੱਚ ਜ਼ਰੂਰੀ ਕਾਰਜ ਕਰਨ ਲਈ ਦਿੱਤੀਆਂ ਸੰਵਿਧਾਨਕ ਅਤੇ ਕਾਨੂੰਨੀ ਜਿ਼ੰਮੇਵਾਰੀਆਂ ਵਿੱਚ ਕੋਈ ਬਦਲਾਅ ਨਹੀਂ ਕਰਦੀਆਂ ।
 

***************

ਐੱਨ ਡਬਲਯੁ / ਆਰ ਕੇ / ਏ ਵਾਈ / ਡੀ ਡੀ ਡੀ