প্রধানমন্ত্রীগী লোইশঙ

প্রধান মন্ত্রীনা লৈবাক অসিদা কোবিদ-১৯গা মরী লৈনবা ফীভম য়েংশিন্নবা অৱাংবা থাক্কী মীফম অমা ময়াই তাংবল লৌদুনা পাঙথোকখ্রে

প্রধান মন্ত্রীনা মেদিকেল ইনফ্রাস্ত্রকচরগী ফীভম য়েংশিনখ্রে

এম্পাৱর্দ গ্রুপ ৩না প্রধান মন্ত্রীদা প্রজেন্তেসন উৎখ্রে

প্রধান মন্ত্রীনা ওফিসিএলশিংদা হেল্থ ইনফ্রাস্ত্রচর খোঙজেল য়াংনা অপগ্রেদ তৌনবা খঙহনখ্রে

Posted On: 27 APR 2021 8:33PM by PIB Imphal

পি.এম. নরেন্দ্র মোদীনা লৈবাক অসিদা কোবিদ-১৯গা মরী লৈনবা ফীভম য়েংশিন্নবা মকোক থোংবা ওফিসিএলশিংগা লোইননা মীফম অমা পাঙথোকখ্রে। মহাক্না লৈবাক অসিদা ওক্সিজেনগী লৈরিবা চাং, হীদাক-লাংথকশিং, হেল্থ ইনফ্রাস্ত্রকচর অসিনচিংবগা মরী লৈনবা ফীভম য়েংশিনখ্রে।

ওক্সিজেন সপ্লাই হেনগৎহন্নবা হোৎনরিবা এম্পাৱর্দ গ্রুপনা প্রধান মন্ত্রীদা লৈবাক অসিদা মখোয়না ওক্সিজেন ফংবা অমসুং সপ্লাই তৌবা হেনগৎহন্নবা হোৎনরিবা অসিগী মতাংদা পাউদমখ্রে। মখোয়না রাজ্যশিংদা ওক্সিজেনগী এল্লোকেসন হেনগৎহল্লিবা অসিগী মতাংদা খঙহনখ্রে। লৈবাক অসিদা এল.এম.ও. অসি ২০২০গী ওগস্ততা নোংমদা এম.তি. ৫৭০০ পুথোক্লম্বদগী হৌজিক (এপ্রিল ২৫, ২০২১) এম.তি. ৮৯২২দা হেনগৎহনখ্রে হায়না খন্নখ‌্রে। এপ্রিল ২০২১গী অরোইবা শরুক্তা এল.এম.ও.গী দোমেস্তিক প্রদক্সন অসি নোংমদা এম.তি. ৯২৫০ হেল্লবা য়াই হায়না পান্নরি।

https://static.pib.gov.in/WriteReadData/userfiles/image/image001137X.jpg

পি.এম.না ওফিসিএলশিংদা রাজ্য সরকারশিংগী খুৎশম্নদুনা অথুবদা পি.এস.এ. ওক্সিজেন প্লান্তশিং মথৌ তৌবা হৌহন্নবা য়াথং পীখ্রে। ওফিসরশিংনা পি.এম.দা মখোয়না রাজ্যশিংদা পি.এস.এ. ওক্সিজেন প্লান্তশিং লিংখৎনবসু থৌগৎলি হায়নসু খঙহনখ্রে।

পি.এম.দা ওক্সিজেন এক্সপ্রেস রেলৱেজ সর্ভিসকী মথৌ তৌরিবা অসিগী মতাংদা লোইননা আই.এ.এফ.না ওক্সিজেন তেঙ্করশিং পুথোক-পুশিন তৌনবা দোমেস্তিক সোর্তীশিং অমসুং ইন্তরনেস্নেল সোর্তীশিং চৎখিবা অসিগী মতাংদা পাউদমখ্রে।

মেদিকেল ইনফ্রাস্ত্রচর অমসুং কোবিদ মেনেজমেন্তদা থবক তৌরিবা এম্পাৱর্দ গ্রুপনা পি.এম.দা মখোয়না বেদশিং অমসুং আই.সি.য়ু.শিং ফংবা হেনগৎহন্নবা লৌখৎলিবা খোঙথাংশিংগী মতাংদা পাউদমখ্রে। মখোয়না শন্দোকপগী চেন অসি থুগাইনবা হোৎনরিবশিংগী মতাংদা পি.এম.দা খঙহনখ্রে। রাজ্যশিংদা মরী লৈনবা এজেন্সীশিংনা কোবিদ মেনেজমেন্তগী মতাংদা অখন্নবা গাইদলাইনশিং অমসুং লালোংশিং অসি নিয়ম চুম্না ইমপ্লিমেন্ত তৌবা মথৌ তাবগী মতাংদা পি.এম.না অকনবা ৱাফম ফোঙদোকখ্রে।

কম্ম্যুনিকেসন্দা থবক তৌরিবা এম্পাৱর্দ গ্রুপনা পি.এম.দা কোবিদকা মরী লৈনবা চৎন-লোনচৎকী মতাংদা মীয়াম মরক্তা এৱের্নেস হেনগৎহন্নবা লৌখৎলিবা খোঙথাংশিংগী মতাংদা খঙহনখ্রে।

মীফম অদুদা কেবিনেৎ সেক্রেতরী, হোম সেক্রেতরী, সেক্রেতরী আর.তি. এন্দ ঐচ., সেক্রেতরী আই. এন্দ বি., সেক্রেতরী ফার্মাকোতিকেল্স, মেম্বর নিতি আয়োগ, দি.জি. আই.সি.এম.আর., সেক্রেতরী বাইওতেক্নোলোজী অমসুং অতৈ মকোক থোংবা ওফিসরশিংনা শরুক য়াখ্রে।

*****



(Release ID: 1714540) Visitor Counter : 9