গ্ৰাহক পৰিক্ৰমা, খাদ্য আৰু ৰাজহুৱা বিতৰণ মন্ত্ৰালয়
পোষ্ট কৰা হৈছে:
24 APR 2021 7:21PM by PIB Guwahati
দৰিদ্ৰ আৰু ক’ভিড-১৯ পৰিস্থিতিৰ পৰিপ্ৰেক্ষিতত দৰিদ্ৰ আৰু অভাৱী লোকসকলে সন্মুখীন হোৱা কষ্ট লাঘৱৰ অৰ্থে প্ৰধানমন্ত্ৰী নৰেন্দ্ৰ মোদীৰ অংগীকাৰৰ অংশস্বৰূপে, ভাৰত চৰকাৰে ২০২১ ৰ মে’ আৰু জুন মাহৰ বাবে পিএমজিকেএৱাই আঁচনি ঘোষণা কৰিছে। খাদ্য ও ৰাজহুৱা বিতৰণ বিভাগৰ সচিব শ্ৰী সুধাংশু পাণ্ডেয়ে আজি সদ্যঘোষিত প্ৰধান মন্ত্ৰী গৰীৱ কল্যাণ অন্ন যোজনা সন্দৰ্ভত সংবাদ মাধ্যমক চমুকৈ ব্যক্ত কৰে।
এই আঁচনিখনৰ অধীনত ৰাষ্ট্ৰীয় খাদ্য সুৰক্ষা আইন, ২০১৩ (NFSA) ৰ অধীনত সামৰি লোৱা প্ৰায় ৮০ কোটি হিতাধিকাৰীলৈ প্ৰতি মাহে জনমূৰি ৫ কিঃগ্ৰাঃ খাদ্যশস্য বিনামূলীয়াকৈ প্ৰদানৰ সিদ্ধান্ত গ্ৰহণ কৰা হৈছে। পূৰ্বৰ “প্ৰধান মন্ত্ৰী গৰীৱ কল্যাণ অন্ন যোজনা (PM-GKAY)” ৰ দৰে একেই ধৰণেৰে ২০২১ ৰ মে’ আৰু জুন অৰ্থাৎ পৰৱৰ্তী দুটা মাহৰ বাবে উল্লেখিত এনএফএছএ খাদ্যশস্য আগবঢ়োৱা হ’ব।
আৰম্ভণিতে, শ্ৰী পাণ্ডেয়ে অৱগত কৰে যে ভাৰতীয় খাদ্য় নিগমে ২০২১ ৰ মে’ আৰু জুন মাহত এই বিশেষ আঁচনিখনৰ অধীনত সংশ্লিষ্ট ৰাজ্য/কেন্দ্ৰীয় শাসিত অঞ্চললৈ তেওঁলোকৰ নিয়মীয়া এনএফএছএ আবন্টনৰ অতিৰিক্তভাৱে আৰু ৮০ লাখ মেট্ৰিক টন খাদ্যশস্য আগবঢ়াব।
শ্ৰী পাণ্ডেয়ে লগতে কয় যে ২০২১ ৰ মে’ আৰু জুনত এনএফএছএ ও এই আঁচনিখনৰ বাবে প্ৰায় ১৭৯ লাখ মেট্ৰিক টন খাদ্যশস্য যোগান ধৰা হ’ব যাৰ অৰ্থে এফচিআই সম্পূৰ্ণৰূপে সাজু হৈ উঠিছে আৰু ৰাজ্য/কেন্দ্ৰীয় শাসিত অঞ্চলসমূহত খাদ্যশস্যৰ পৰ্যাপ্ত মজুত ৰাখিছে।
তেওঁ লগতে কয় যে সৰবৰাহ কৰিবলৈ পৰিকল্পনা কৰা মজুত থকা খাদ্যশস্যসমূহ খাৰিফ বিপণন বৰ্ষ, ২০২০-২১ ত ক্ৰয় কৰা হয় আৰু চলিত ৰবি বিপণন বৰ্ষ, ২০২১-২২ ত অব্যাহত থকা ক্ৰয়ে এই সময়ছোৱাত যিকোনো প্ৰয়োজনীয়তা পৰিপূৰণ কৰিব।
এই বিশেষ আঁচনিখনৰ অধীনত, এনএফএছএ ৰ উভয় পৰ্য়ায় যথাঃ অন্ত্যোদয় অন্ন যোজনা (AAY) আৰু প্ৰাঅ’ৰিটি হাউছহ’ল্ড (PHH) ৰ অধীনত সামৰি লোৱা প্ৰায় ৮০ কোটি এনএফএছএ হিতাধিকাৰীক এনএফএছএ ৰ অধীনত তেওঁলোকৰ নিয়মীয়া মাহিলী সুবিধাৰ ওপৰিও মাহিলী জনমূৰিকৈ ৫ কিঃগ্ৰাঃ কৈ বিনামূলীয়া খাদ্যশস্য (চাউল/ঘেঁহু) ৰ অতিৰিক্ত কোটা আগবঢ়োৱা হ’ব।
সচিবজনে জনাই যে ২০২০-২১ ৰ সময়ছোৱাত, ভাৰত চৰকাৰে পিএমজিকেএৱাই-I (এপ্ৰিল-জুন, ২০২০) আৰু পিএমজিকেএৱাই-II (জুলাই-নৱেম্বৰ, ২০২০) ঘোষণা কৰিছিল যাৰ অধীনত এফচিআয়ে সংশ্লিষ্ট ৰাজ্য/কেন্দ্ৰীয় শাসিত অঞ্চলসমূহলৈ ১০৪ লাখ মেট্ৰিক টন ঘেঁহু আৰু ২০১ লাখ মেট্ৰিক টন চাউল অৰ্থাৎ মুঠ ৩০৫ লাখ মেট্ৰিক টন খাদ্যশস্য সফলতাৰে যোগান ধৰে।
Click here for PPT
****
DJN/MS/SB