লৈবাক অসিদা কোবিদ-১৯ লাইনা-লাইচৎকী অনিশুবা ৱেব লাকপনা মরম ওইদুনা নেস্নেল পঞ্চয়তি রাজ নুমিৎ অসি ভর্চুয়েল্লী ওইনা ২০২১গী এপ্রিল ২৪দা(থাংজা) পাংথোক্লগনি হায়না ৱারেপখ্রে৷ মহৌশাগী ওইনা, নেস্নেল পঞ্চয়তি রাজ নুমিৎ অসি পাক চাওনা শিল্লম্মী অমসুং থৌরম কয়া অমদা, প্রধান মন্ত্রীনা থৌরম অদুদা ইকাই খুম্নবা উৎলম্মী৷ হন্দক্কী চহি অসিদদি ন্যু দিল্লীগী বিগ্যান ভাবনদা নেস্নেল ইভেন্ত অমা পাংথোক্নবা হৌদোরকখ্রে৷

১৯৯৩গী এপ্রিল ২৪ নুমিৎ অসিদা কন্সতিত্যুসন(৭৩শুবা এমেন্দমেন্ত) এক্ত, ১৯৯২গী মখাদা পঞ্চয়তি রাজ শেমখিবা অসিগা লোইননা গ্রাসরুতকী থাক্তা পৱার দিসেন্ত্রেলাইজ তৌদুনা ইতিহাসিক ওইরবা নুমিৎ অমা ওইনা লৈহৌরগনি৷ পঞ্চয়তি রাজ মন্ত্রালয়না এপ্রিল ২৪ অসি ৭৩শুবা কন্সতিত্যুস্নেল এমেন্দমেন্ত এক্ত অসি চৎনবা হৌখিবা অসিনা চহি খুদিংগী নুমিৎ অসি নেস্নেল পঞ্চয়তি রাজ নুমিৎনি হায়না পাংথোক্লি৷ মসিগী থৌরম অসিনা লৈবাক অসিদা লৈরিবা পঞ্চয়থ রিপ্রজেন্তেতিবশিং অসিগা হকথেংননা ৱারি শানবা ফংহন্নবা অমসুং মখোয়না তৌরিবা থবক থৌরমশিং অদু পুক্নিং থৌগৎতুনা মথাতানা অফবা থবক তৌরক্নবা পুক্নিং থৌগৎপগী খুদোংচাবা অদু পীরি৷

চহি খুদিংগী ওইনা পাংথোক্লিবা থৌরম অসিদা, পঞ্চয়তি রাজ মন্ত্রালয়না লৈবাক অসিদা লৈরিবা মথৌ খ্বাইদগী নিংথীনা তৌরিবা পঞ্চয়তশিং/রাজ্যশিং/য়ু.তি.শিংনা পব্লিক গুদস অমসুং সর্ভিসশিং হেন্না নিংথীনা পীনবা হোৎনবদা মখোয় মখোয়না লৌরম্লিবা থৌদাং অদুবু মশক খঙবিবা উৎপা ওইনা পঞ্চয়তশিং ইন্সেন্তিভাইজেসন তৌদুনা এৱার্দ পীদুনা লাক্লি৷ এৱার্দশিং অসি তোঙান তোঙানবা কাংলুপশিং মমিং ওইনা হায়রবদা, দীন দয়াল উপাধ্য পঞ্চয়ত সশক্তিকারন পুরস্কার(দি.দি.য়ু.পি.এস.পি.), নানাজি দেশমুক রাস্ত্রিয়া গৌরব গ্রাম সভা পুরস্কার(এন.দি.আর.জি.জি.এস.পি.), চাইল্দ-ফ্রেন্দলী গ্রাম পঞ্চয়ত এৱার্দ(সি.এফ.জি.পি.এ.), গ্রাম পঞ্চয়ত দিবলপমেন্ত প্লান(জি.পি.দি.পি.) এৱার্দ অমসুং ই-পঞ্চয়ত পুরস্কার(রাজ্যশিং/য়ু.তি.শিং খক্তবা পীবা)গী মখাদা পী৷

হন্দক্কী চহি অসিদা অশোইবা অমসুং অথিংবা কয়া অমা লৈরবসু, লৈবাক অসিদা লৈরিবা পঞ্চয়তশিংগী মরক্তা নিংথীনা মথৌ তৌরিবা পর্ফোমর কয়া অমা য়াওরি৷ প্রধান মন্ত্রীনা লুপা লাখ ৫দগী লুপা লাখ ৫০ ফাওবগী লৈরিবা এৱার্দ মনী অসি (গ্রান্ত-ইন-এইদ) ওইনা ত্রান্সফর তৌনবা বত্তন নম্লগনি অমসুং শেনফম অদু পঞ্চয়তশিংগী বেঙ্ক একাউন্তদা হকথেংননা ত্রান্সফর তৌরগনি৷ মসিগী থবক অসি হন্দক্কী অসিনা ইহান হান্না পাংথোকপনি৷ তোঙান তোঙানবা কাংলুপশিং মমিং ওইনা হায়রবদা, দীন দয়াল উপাধ্য পঞ্চয়ত শক্তিকারন পুরস্কার(পঞ্চয়ত ২২৪দা),  নানাজি দেশমুক রাস্ত্রিয়া গৌরব গ্রাম সভা পুরস্কার(পঞ্চয়ত ৩০দা), গ্রাম পঞ্চয়ত দিবলপমেন্ত প্লান এৱার্দ (গ্রাম পঞ্চয়ত ২৯দা), চাইল্দ-ফ্রেন্দলী গ্রাম পঞ্চয়ত এৱার্দ(গ্রাম পঞ্চয়ত ৩০দা) অমসুং ই-পঞ্চয়ত পুরস্কার (রাজ্য ১২দা)গী মখাদা ২০২১গী নেস্নেল পঞ্চয়ত এৱার্দ খুৎশিন্নরগনি৷

হেন্না পুক্নিং থৌগৎনিংঙাই ওইরিবদি, নেস্নেল পঞ্চয়ত এৱার্দশিং অসি পঞ্চয়তশিংগী এচিবমেন্তশিং অদুগী মতাংদা লৈবাক অসিদা লৈরিবা মীওইশিংদা এৱার্নেস পীনবা অমসুং নোলেজ সেয়র তৌনবগী মেদিয়ম অমা ওইখ্রে অমসুং মসিনা স্তেকহোল্দর পুম্নমক্কী কম্মিতমেন্তগী থাক অদু ৱাংখৎহল্লি অমসুং লৈবাক অসিদা কান্নবা ফংহল্লি৷ ঐখোয়গী লৈবাক অসিদা লৈরিবা এম্পৱার পঞ্চয়তি রাজ ইন্সতিত্যুসনশিং অসিনা অফবা ভারত লৈবাক অমা শেমগৎপদা মতেং পাংবা খক্তা নত্তনা মালেম অসিদা খ্বাইদগী চাওনা দেমোক্রেসী চৎলিবা লৈবাক অসিদা মখোয়না লৌরিবা থৌদাং অদুনা মরম ওইদুনা অতোপ্পা লৈবাকশিংগীদমক অখন্নবা খুদম অমসু থম্বা ঙম্লগনি৷

২০২১ নেস্নেল পঞ্চয়ত এৱার্দশিংগী ওইনদি(এপ্রাইজেল ইয়র ২০১৯-২০), রাজ্য সরকারশিং/য়ুনিয়ন তেরিতোরী(য়ু.তি.) এদমিনিস্ত্রেসনশিংদগী কাংলুপ মরি মমিং ওইনা হায়রবদা দীন দয়াল উপাধ্য পঞ্চয়ত সশক্তিকারন পুরস্কার , নানাজি দেশমুক রাস্ত্রিয়া গৌরব গ্রাম সভা পুরস্কার, গ্রাম পঞ্চয়ত দিবলপমেন্ত প্লান এৱার্দ অমসুং চাইল্দ-ফ্রেন্দলী গ্রাম পঞ্চয়ত এৱার্দকী মখাদা পঞ্চয়তি রাজ ইন্সত্যুসনশিংগী তাইয়র অহুমমক্কী ওইনা ওনলাইন নোমিনেসনশিং কৌরি৷ হায়রিবা এৱার্দশিং অসিগীদমক পঞ্চয়ত ৭৪,০০০ হেন্না মাই পাক্না এপ্লাইদ তৌখ্রে৷

খুঙ্গংগী প্রজাশিং অসি সোসিয়ো-ইকোনোমিক এমপৱার তৌনবগী পান্দমদা অমসুং মখোয়শিং অসিবু মশা-মরোমদোম লেপচবা ঙমহন্নবা, প্রধান মন্ত্রীনা ২০২০গী এপ্রিল ২৪দা সেন্ত্রেল সেক্তর স্কিম অমা ওইরিবা,“সর্ভে ওফ ভিলেজ এন্দ মেপ্পিং ৱিথ ইমপ্রোভাইস তেক্নোলোজী ইন ভিলেজ এরিয়াস’ (এস.ভি.এ.এম.আই.তি.ভি.এ.) লোঞ্চ তৌখি৷ ২০২০-২০২১ চহি অসিদা মহারাস্ত্র, কর্নতাকা, হরিয়ানা, উত্তর প্রদেশ, উত্তরখন্দ রাজ্যশিংদা অমসুং মধ্য প্রদেশ অমসুং পঞ্জাব অমসুং রাজস্থানগী ঙমখৈশিংদা লৈরিবা খুঙ্গং খরদা স্কিম অসিগী পাইলোত ফেস চৎনবা হৌখ্রে৷ প্রধান মন্ত্রীনা এস.ভি.এ.এম.আই.তি.ভি.এ.গী স্কিম অসি ২০২১গী এপ্রিল ২৪দা লৈবাক অসিদা কৎলগনি৷ থৌরম অসিদা ইকাই খুম্নরবা প্রধান মন্ত্রীনা প্রোপর্তী ওনর লাখ ৪.০৯দা ই-প্রোপর্তী কার্দশিং য়েন্থোক্লগনি৷

প্রধান মন্ত্রীনা পঞ্চয়তি রাজ মন্ত্রালয়গী সেন্ত্রেল সেক্তর স্কিম অমা ওইরিবা এস.ভি.এ.এম.আই.তি.ভি.এ. ২০২০গী এপ্রিল ২৪, মেস্নেল পঞ্চয়তি রাজ নুমিৎতা লোঞ্চ তৌখি৷ স্কিম অসিনা রুরেল অবাদি এরিয়াশিংদা লৈরিবা ভিলেজ হাউসহোল্দ ওনরশিংদা ‘রেকোর্দ ওফ রাইতস’ পীনবা অমসুং প্রোপর্তী কার্দশিং ইসু তৌনবা পান্দম থম্লি৷

স্কিম অসি ফেস নাইবা মওং অমদা চহি মঙাগী মতম অসিদা(২০২০-২০২৫)লুপা কোতি ৫৬৬.২৩ থাদদুনা চৎননবগীদমক এপ্রুব তৌখ্রে অমসুং মসিগী স্কিম অসিগী মখাদা লৈবাক অসিদা লৈরিবা খুঙ্গং চাওরাক্না লাখ ৬.৬২ মনুং চল্লগনি৷

২০২০-২১ চহি অসিগী মতম অসিদা হরিয়ানা, মধ্য প্রদেশ, পঞ্জাব অমসুং রাজস্থান রাজ্যশিংদা পাইলোত ফেসতা লৈরিবা কন্তিনিয়র্স ওপরেতিং সিস্তেম(সি.ও.আর.এস.) স্তেসনশিংগী নেতৱার্ক শেমগৎ শাগৎলিবা অসিগা লোইননা আন্ধ্র প্রদেশ, হরিয়ানা, কর্নতাকা, মধ্য প্রদেশ, মহারাস্ত্র, উত্তর প্রদেশ, উত্তরখন্দ রাজ্যশিংদা অমসুং পঞ্জাব অমসুং রাজস্থানগী ঙমখৈশিংদা লৈরিবা খুঙ্গংশিং য়াওনা খুঙ্গং লিশিং ৪০,০০০রোমদা দ্রোন ফ্লাইং মপুং ফানা পাংথোকখ্রে৷

১২শুবা নেস্নেল পঞ্চয়তি রাজ নুমিৎ অসিগা মরী লৈননা ২০২১গী এপ্রিল ২৪দা, খ্বাইদগী নিংথীনা মতৌ তৌরিবা পঞ্চয়তি রাজ ইন্সতিত্যুসনশিংদা তোঙান তোঙানবা নেস্নেল এৱার্দশিং য়েন্থোকপগা লোইন-লোইননা, প্রধান মন্ত্রীনা এস.ভি.এ.এম.আই.তি.ভি.এ. স্কিমগী মখাদা খুঙ্গং ৫০০২গী প্রোপর্তী হোল্দর ৪০৯৯৪৫রোমদা প্রোপর্তী কার্দশিং/তাইতল দীদশিংসু(সম্পতি পত্রক) ইলেক্ত্রোনিকেল্লী ওইনা য়েন্থোক্লগনি৷ প্রোপর্তী হোল্দর অয়াম্বনা মখোয় মখোয়গী মোবাইল ফোনশিং অদুদা থারক্লিবা এস.এম.এস. লিঙ্ক অদুগী খুৎথাংদা মখোয় মখোয়গী প্রোপর্তী কার্দশিং দাউনলোদ তৌবা য়ারগনি৷ মসিগী মতুং তারকপদা মরী লৈনবা রাজ্য সরকারশিংনা কোবিদ প্রোতোকোলশিং নিংথীনা ইন্দুনা প্রোপর্তী কার্দশিং/তাইতল দীদশিং অদু ফিজিকেল্লী দিস্ত্রিব্যুত তৌরগনি৷­­­­

হরিয়ানাগী খুঙ্গং ১৩০৮, কর্নতাকাগী ৪১০, মহারাস্ত্রগী ৯৯, মধ্য প্রদেশকী ১৩৯৯, রাজস্থানগী ৩৯, উত্তর প্রদেশকী ১৪০৯ অমসুং উত্তরখন্দগী ৩৩৮ য়াওদুনা পুন্না খুঙ্গং ৫০০২দা লৈরিবা মীওইশিংদা কোবিদ-১৯গী প্রোতোকোল নিংথীনা ইন্দুনা প্রোপর্তী কার্দশিং অসি ফিজিকেল্লী ওইনা মপুং ফানা য়েন্থোক্লগনি৷

লৈবাক অসিদা লৈরিবা খুঙ্গংশিং চাওরাক্না খুঙ্গং ৬.৬২ মনুং চলহন্দুনা ২০২০-২০২৫গী মতম অসিদা লৈবাক অসিদা ফেস নাইবা মওং অমদা এস.ভি.এ.এম.আই.তি.ভি.এ. স্কিম অসি চৎননবগীদমক স্কিম অসি প্রধান মন্ত্রীনসু হৌদোক্লগনি৷ এস.ভি.এ.এম.আই.তি.ভি.এ. স্কিম অসিগী তোঙান তোঙানবা এস্পেক্তশিং য়াওরিবা কোফী তেবল বূক অমা প্রধান মন্ত্রীনা রিলিস তৌরগনি৷

পাইলোত ফেস রাজ্য ৯ অসিগী মথক্তা, লৈবাক অসিগী অতোপ্পা রাজ্য অয়াম্বনা রুরেল অবাদি এরিয়াদা দ্রোন সর্ভে পাংথোক্নবা অমসুং স্কিম অসি চৎনহন্নবা সর্ভে ওফ ইন্দিয়াগা য়ানা ৱারোল শহি পীননবা অরোইবা স্তেজতা লৈরি৷

প্রোপর্তী কার্দশিং অসিগীদমক তোঙান তোঙানবা রাজ্যশিংগী তোঙান তোঙানবা নোমেনক্লেচর খুদম ওইনা হায়রবদা হরিয়ানাদা ‘তাইতল দীদ’, কর্নতাকাদা ‘রুরেল প্রোপর্তী ওনর্শিপ রেকোর্দস(আর.পি.ও.আর.)’, মধ্য প্রদেশতা ‘অধিকার অভিলেখ’, মহারাস্ত্রদা ‘সন্নাদ’, রাজস্থানদা ‘পত্তা’,উত্তরখন্দদা ‘স্বামিতভ অভিলেখ অমসুং উত্তর প্রদেশতা ‘ঘরোনি’ হায়না লৈ৷

স্কিম অসিনা ভারতকী লৈরিবা খুঙ্গংগী লমদমশিং অসিদা অওনবা অমা পুরক্নবগী শক্তি লৈ৷ মসিনা লৈবাক অসিগী খুঙ্গংগী মফমশিং অসিদা লৈরিবা মীওইশিংনা লোনশিং লৌবা মতমদা নত্রগা শহরশিংদা লৈরিবা মীওইশিংনা অতোপ্পা ফাইনান্সিয়েল বেনিফিৎশিং লৌবা মতমদা মখোয় মখোয়গী প্রোপর্তী অদু ফাইনান্সিয়েল এসেত অমা ওইনা শিজিন্নবা য়াবগী লম্বী অদু পীরগনি৷

এন.পি.আর.দি.-২০২১ প্রোগ্রাম অসি দি.দি. ন্যুসতা লাইব তেলিকাস্ত তৌরগনি অমসুং অসিগুম্বা য়াম্না মরু ওইরবা ভর্চুয়েল ইভেন্ত অসি পঞ্চয়তি রাজ দিপার্তমেন্তশিংগী ওফিসরশিং অমসুং রাজ্য/জিলা/ব্লোক/পঞ্চয়তকী লেবেলদা লৈরিবা অতোপ্পা স্তেক-হোল্দরশিংনা কোবিদ-১৯গী প্রোতোকোলশিং, পব্লিক হেল্থ ওবজেক্তিবশিং, কোবিদ-১৯ প্রিবেন্তিব মিজরশিং, হেন্দ হাইজিন অমসুং সোসিয়েল দিস্তেন্সিং নোর্মশিং নিংথীনা ঙাক্তুনা য়েংলগনি৷ ২০২১গী এপ্রিল ২৪ নুমিৎকী নুংথিলগী পুং ১২দা লাইব স্ত্রিমিং ওইনা য়েংনবা, https://pmindiawebcast.nic.in/ অসিদা চংবিয়ু৷

নেস্নেল পঞ্চয়তি রাজ নুমিৎ(২৪.০৪.২০২১) অসিগা মরী লৈননা এস.ভি.এ.এম.আই.তি.ভি.এ. স্কিম অসি লৈবাক শিনবা থুংনা লোঞ্চ তৌগদৌরিবা অসিদা শরুক য়াবা য়ানবা শরুক য়াগদবা মীওইশিংনা https://pmevents.ncog.gov.in/ ওনলাইন রেজিস্তর তৌবা য়ারগনি৷

*****