প্রধানমন্ত্রীগী লোইশঙ

প্রধান মন্ত্রীনা কোবিদ-১৯গী পব্লিক হেল্থ রেস্পোন্সকী শেম-শারিবা অদু য়েংশিনখ্রে


তেস্ত তৌবা, ত্রেক তৌবা অমসুং ত্রীৎমেন্তগী মহুৎ শিন্নবা পাম্বৈ লৈতে: পি.এম.

কোবিদ নাবা মীওইশিংগীদমক হোস্পিতালগী বেদশিং ফংহনবা হেনগৎহন্নবা মথৌ তাবা খোঙথাং পুম্নমক লৌখৎকদবনি: পি.এম.

লোকেল এদমিনিস্ত্রেসনশিংনা প্রোএক্তিব ওইবা অমসুং মীয়ামগী খুদোংচাদবশিং খঙনা চৎপা তঙাই ফদে

পি.এম.না রেমদেসিভির অমসুং অতোপ্পা হীদাক-লাংথকশিংগী সপ্লাইগী ফীভম য়েংশিনখ্রে

অয়াবা পীরবা মেদিকেল ওক্সিজেন প্লান্তশিং ইন্সতোল তৌবা হেনগৎকদবনি: পি.এম.

বেক্সিন পুথোকপা হেনগৎনবা লৈবাক্কী লৈরিবা অপুনবা কেপাসিতী শিজিন্নগদবনি: পি.এম.

Posted On: 17 APR 2021 9:40PM by PIB Imphal

প্রধান মন্ত্রী নরেন্দ্র মোদীনা হৌজিক মায়োক্নরিবা কোবিদ-১৯ লাইচৎ অসি লাকশিন্নবা শেম শারিবা অসিগী ফীভম য়েংশিন্নবা মীফম অমদা ময়াই তাংবল লৌখ্রে। হীদাক-লাংথকশিং, ওক্সিজেন, ভেন্তিলেতরশিং অমসুং বেক্সিনেসনগা মরী লৈনবা তোঙান-তোঙানবা হীরমশিং খন্নখ্রে।

প্রধান মন্ত্রীনা হৌখিবা চহিদা ভারতনা পুন্না কোবিদপু মাইথিবা পীবা ঙমখি অমসুং ভারতনা চপ মান্নবা লালোংশিং অদুগা লোইননা হেন্না খোঙজেল য়াংনা অমসুং খুৎশম্নদুনা অমুক হন্না মাইথিবা পীবা ঙমগনি হায়না ফোঙদোকখ্রে।

পি.এম.না তেস্ত তৌবা, ত্রেক তৌবা অমসুং ত্রীৎমেন্ত পীবগী মহুৎ শিন্নবা পাম্বৈ লৈতে হায়না অকনবা ৱাফম থমখি। শীবগী চাং হন্থহনবদা ঙন্না তেস্ত তৌবা অমসুং নীংথিজনা ত্রেক তৌবা মরুওইবা ওই। লোকেল এদমিনিস্ত্রেসনশিংনা প্রোএক্তিব ওইনা অমসুং মীয়ামগী খুদোংচাদবশিং খঙনা চৎপা তঙাই ফদে।

প্রধান মন্ত্রীনা লাইচৎ অসি লাকশিনবদা রাজ্যশিংগা লোইননা নক্না খুৎশম্নদুনা চৎনবা পাউতাক পীখ্রে। মহাক্না কোবিদ নাবা মীওইশিংগীদমক হোস্পিতাল বেদশিং ফংহনবা হেনগৎহন্নবা খোঙথাং পুম্নমক লৌখৎপা তাই হায়না ফোঙদোকখ্রে। তেম্পররী হোস্পিতালশিং অমসুং আইসোলেসন সেন্তরশিংগী খুত্থাংদা অহেনবা বেদশিংগী সপ্লাই তৌনবসু পাউতাক পীখ্রে।

পি.এম.না তোঙান তোঙানবা হীদাক-লাংথকশিংগী দিমান্দ হেনগৎলক্লিবা অসি থুংহন্নবা ভারতকী ফার্মাকোতিকেল ইন্দস্ত্রীগী তৌবা ঙম্বা পুম্নমক পুথোক্তুনা শিজিন্নবা মথৌ তাই হায়বগী মতাংদা ৱা ঙাংখি। মহাক্না রেমদেসিভির অমসুং অতোপ্পা হীদাক-লাংথকশিংগী সপ্লাইগী লৈরিবা ফীভম য়েংশিনখি। প্রধান মন্ত্রীদা রেমদেসিভির ফংবা-ফংদবগী মতাংদা থেংনরিবা সমস্যা অসি কোহন্নবা লৌখৎপা খোঙথাংশিংগী মতাংদা পাউদমখি। সরকারনা হোৎনরিবশিং অসিগী খুত্থাংদা মে থাদা থা অমদা ভাইএল লাখ ৭৪.১০ রোম পীবা ঙম্নবা রেমদেসিভির মেন্যুফেকচর তৌবগী কেপাসিতী অমসুং প্রদক্সন চাউথোক্নবা হোৎনরি অমরোমদা জনুৱারী-ফেব্রুৱারীদা নোর্মেল প্রদক্সন আউৎপুৎ অসি শুপ্নগী থা অমগী ভাইএল লআখ ২৭-২৯ ওইখি। এপ্রিল ১১দা ভাইএল ৬৭,৯০০ ওইরম্বদগী এপ্রিল ১৫, ২০২১দা ভাইএল ২,০৬,০০০ হেন্না পুথোক্তুনা সপ্লাইশিং অসিসু হেনগৎখি, মসিনা মরু ওইনা কেসলোদ ৱাংবা অমসুং দিমান্দ ৱাংবা রাজ্যশিংদা মীৎয়েং থমখি। প্রদক্সন কেপাসিতী হেনগৎপা অসিগী মতাংদা মহাক্না খঙজিনখি অমসুং রাজ্যগী রিএল-তাইম সপ্লাই চেন মেনেজমেন্তগা মরী লৈনবা সমস্যাশিং অসি রাজ্যশিংগী খুৎশম্নদুনা অথুবদা লোইশিন্নবা পাউতাক পীখি। প্রধান মন্ত্রী রেমদেসিভির অমসুং অতোপ্পা হীদাক-লাংথকশিং শিজিন্নবা অসি মেদিকেল গাইদলাইনশিংনা অয়াবা পীরবা মতুংদা শিজিন্নগদবনি হায়না পাউতাক পীখি অমসুং মখোয়বু লান্না শিজিন্নবা অমদি ব্লেক মার্কেতিং তৌবা অকনবা মওংদা লাকশিন্নবা খঙহনখি।

মেদিকেল ওক্সিজেন সপ্লাই তৌবগী সমস্যাশিংগী মতাংদা প্রধান মন্ত্রীনা এপ্রুব তৌরবা মেদিকেল ওক্সিজেন প্লান্তশিং ইন্সতোল তৌবা হেনগৎহন্নবা পাউতাক পীখ্রে। পি.এম. কিয়র্সতগী রাজ্য/য়ু.তি. ৩২দা পি.এস.এ. ওক্সিজেন প্লান্ত ১৬২ ইন্সতোল তৌরি। ওফিসরশিংনা সিলিন্দর লাখ ১ লৈশিল্লে অমসুং অথুবদা রাজ্যশিংদা সপ্লাই তৌরগনি হায়না খঙহল্লকখি। ওফিসরশিংনা পি.এম.দা খ্বাইদগী নুংনাংবা পোক্নিংঙাই ওইরবা রাজ্য ১২দা মেদিকেল ওক্সিজেনগী হৌজিক অমসুং মতুং তারকপদা মথৌ তারকপা খুদিংমক ফংহন্নবা লেপ্তনা সপ্লাই তৌরি হায়না ফোঙদোকখি। এপ্রিল ৩০ ফাওবগী ওইনা খ্বাইদগী নুংনাংবা পোক্নিংঙাই ওইরবা রাজ্য ১২গী সপ্লাই মেপ্পিং প্লান অমসু পাইখৎখ্রে। প্রধান মন্ত্রীনা হীদাক-লাংথকশিং পুথোকপদা মথৌ তারিবা ওক্সিজেনগী সপ্লাই অমসুং লাইচৎ অসি লাকশিন্নবা মথৌ তারিবা খুৎশু-খুৎলাইশিং ফংহন্নবা খঙহনখি।

প্রধান মন্ত্রীনা ভেন্তিলেতরশিং লৈরিবা ফীভমশিং অমসুং মসিগী সপ্লাইগী মতাংদা য়েংশিনখি। প্রধান মন্ত্রীনা রিএল তাইম মোনিতরিং সিস্তেম অমা শেমখ্রে হায়না খঙহনখি অমসুং সিস্তেম অসি প্রোএক্তিব ওইনা শিজিন্নবা মরী লৈনবা রাজ্য সরকারশিং সেন্সিতাইজ তৌনবসু খঙহনখি।

বেক্সিনেসনগী সমস্যাশিংগী মতাংদা প্রধান মন্ত্রীনা ওফিসিএল পুম্নমক্তা পব্লিক লোইননা প্রাইবেৎ সেক্তরদা লৈরিবা লৈবাক্কী অপুনবা কেপাসিতী শিজিন্নবা থবকশিং পাইখৎতুনা বেক্সিন পুথোকপা হেনগৎহন্নবা পাউতাক পীখি।

মহাক্কা লোইননা কেবিনেৎ সেক্রেতরী, পি.এম.গী প্রিন্সিপল সেক্রেতরী, কেন্দ্রগী হোম সেক্রেতরী, কেন্দ্রগী হেল্থ সেক্রেতরী, ফার্মা সেক্রেতরী য়াওখি। নিতি আয়োগকী দা. ভি.কে. পোলসু শরুক য়াখি।

****



(Release ID: 1712564) Visitor Counter : 110