প্রধান মন্ত্রী, শ্রী নরেন্দ্র মোদীনা লৈবাক অসিদা মেদিকেল গ্রেদ ওক্সিজেন মরাং কাইনা ফংহন্নবা হেন্না চেকশিন্না য়েংশিনখ্রে। হেলথ, দি.পি.আই.আই.তি., স্তীল, রোদ ত্রান্সপোর্ত অসিনচিংবা অসিগী মিনিস্ত্রীশিংদগী ইনপুৎ কয়া অমা পি.এম.দা পীখি। মিনিস্ত্রী অমসুং স্তেত সরকারশিং পুন্না থবক তৌমিন্নবগী তঙাইফদবা লৈ হায়না পি.এম.না মরুওইবা পীখি।

পি.এম. মোদীনা হৌজিক ওইরিবা ওক্সিজেন পীবগী মওং অসি য়াম্না কুপ্না য়েংশিল্লি অমসুং য়াম্না কা হেন্না অৱাবা তারিবা স্তেত ১২ (মহারাস্ত্রা, মধ্য প্রদেশ, গুজরাত, উত্তর প্রদেশ, দিল্লী, ছত্তিসগর, কর্নাতকা, কেরলা, তামিল নাদু, পঞ্জাব, হারিয়ানা অমসুং রাজস্থান) অসিদা লাক্কদৌরিবা নুমিৎ ১৫দা শিজিন্নরগনি। হায়রিবা স্তেতশিং অসিগী দিস্ত্রীক্তকী থাক্কী ওইবা মিংয়ং অমা পি.এম.দা উৎখি।  
পি.এম.না খঙহনখি মদুদি সেন্তর অমসুং স্তেত অনি অসি তত্তনা পাউ ফাওনরি অমসুং দিমান্দশিং অসি স্তেতশিংদা এপ্রিলগী ২০, ২৫ অমসুং ৩০ য়ৌহন্নবা পারি। লোয়ননা, মেত্রিক তোন ৪,৮৮০, মেত্রিক তোন ৫,৬১৯ অমসুং মেত্রিক তোন ৬,৫৯৩ অসি স্তেত ১২ মখোয়গী প্রোজেক্ত দিমান্দ এপ্রিলগী ২০, ২৫ অমসুং ৩০ মথংশিৎনা য়ৌহন্নবা পীখ্রে।
পি.এম.না লৈবাক অসিদা হেনগৎলক্লিবা দিমান্দশিং অসি ফংননবা লৈরিবা পোত্থোকশিংগী মশীংগী মরমদা খঙহনখি। পি.এম.না প্লান্ত খুদিংমক ওক্সিজেনগী পোত্থোক অসি হেনগৎহন্নবা পাওতাক পীরি। মসি অমসু খন্নখ্রে মদুদি স্তীল প্লান্তদা অহেনবা ওক্সিজেন স্তোক অসি মেদিকেলকী শিজিন্নরিবা অসিদা পীবা অসিনি। 
পি.এম. না ওফিসিএলদা ওক্সিজেন পুবা তেঙ্করশিং অসি লৈবাক শিনবা থুংনা কোম্না অমসুং অয়েৎপা য়াওদনা চৎহন্নবা তকশিল্লি। সরকারনা ইন্তরস্তেতকী ওক্সিজেন পুরিবা তেঙ্করশিং অসি হেন্না কোম্না চৎপা য়ান্নবা পর্মিতকী রেজিস্ত্রেসন অসি কোমথোক্লি। পি.এম.না খঙহনখি মদুদি স্তেত অমসুং ত্রান্সপোর্তরশিংনা মতম পুম্বদা তেঙ্করশিং অসি চৎতুনা অমসুং মরাং কাইনা পংহন্দুনা দিমান্দশিং অসি ফংহনগদবনি। সিলিন্দর হাল্লিবা প্লান্তশিং অসিসু তঙাইফদবা চেকশিন থৌরাংগা লোয়ননা পুং ২৪ থবক তৌবগী অয়াবা পীরি। সরকারনা ইন্দস্ত্রীএল সিলিন্দরশিং অসি অৱাৎপা মতমদা মেদিকেল সিলিন্দর ওইনা শিজিন্নবা অয়াবা পীরি। মসিগা মান্ননা, নাইত্রোজেন অমসুং আর্গোন তেঙ্করশিং অসিসু অৱাৎপা লৈরকপা মতমদা ওক্সিজেন সিলিন্দর ওন্থোকপা অয়াবা পীরি।  
ওফিসরশিংনা মেদিকেল গ্রেদ ওক্সিজেন পুশিল্লকপা অসিদা হোৎনরিবা অসিগী মরমদা পি.এম.দা খঙহনগনি।

***